Сафронов, Андрей Матвеевич

Юргай
Юргай
чачома лем	Андрей Матвеевич Сафронов
Тетязо	Матвей Иванович
Авазо	Анна Алексеевна

К:Википедия:Статьи без изображений (тип: не указан)

Андрей Матвеевич Сафронов (чачсь 1911 иестэ (лиясто сёрмадыть 1915 иестэ^{[источник не указан 767 чить]К:Википедия:Статьи без источников (тип: не указан)}) Пенза ёнкссо Азрапино эрзянь велесэ — чавовсь Ине Тортингсэ 1942 иень эйзюрковсто) — эрзянь валморонь ладсий. Сёрмадсь Юргай лем ало. Аштесь Тумобуень Дубинька велень 1930 иетнестэ литературань куронь кирдицякс, козонь совасть ды тонавтнесть сонзэ кедьсэ од сёрмадыцят - Агеев Евгений ды лият. Мельганзо кадовсь ансяк вейке нолдазь валморонь пусмо - "Цецяв шка" ^[1], сёрмадсь седе ламо эйкакштнэнь туртов, секс ловови вишка жанрань эрзянь литературасо ладицякс.

Раськезэ

Раськесь ульнесь покш. Тетязо Матвей Иванович, авазо Анна Алексеевна ды сисемь эйкакшт: Варфоломей, Василий, Андрей, Иван, Анастасия, Елизавета, Петр. Тетянзо-аванзо эзть машто а сёрмадомо, а ловномо, ялатеке Варфоломей, Василий, Андрей, Елизавета прядсть тонавтыцянь училища ды кармасть тонавтыцякс. Иван - тонавтыцянь институт, Пётр - леень техникумсоль.

Тонавтнемазо

Андрей эсь велень 4 классонь прядомадо мейле кармась тонавтнеме эрзянь Петровской тонавтыцянь училищав анокстамо курсасо. Кода кортась ялаксозо: Адюнь ульнесь кеме мелезэ кармамс вишка эйкакшонь тонавтыцякс. Училищасо ульнесь литературной куро, конанть ветясь И.П.Кривошеев - Илька Морыця. 1932 иестэ поступась А.И.Полежаевень лемсэ Тонавтыцянь институтс. Самай се шкане Саран ошсо панжозель Мордовской книгань нолдамотарка (руз. "Мордовское книжное издательство") ды кармасть лиснеме эрьва кодат эйкакшонь кулялопат - "Якстерь галстук" (мокшокс) ды "Пионерэнь вайгель" (эрзякс). Адю кармась пачк тов сёрмалеме. Маронзо тозонь сёрмалесть З.Дорофеев, И.Кривошеев, Ф.Чесноков, С.Врагов, Я.Григошин. В.Ардеев, П.Левчаев.

Важодемазо

Тонавтнемань прядомадо мейле кучизь рузонь келень ды литературань тонавтомо Тумобуев. Адю кундась тевентень ёроксто: сеске тейсь клубсо театрань куро ды куроксто лиссь васенце спектакля - "Любовь Яровая" К.Треневень кувалт, "Потмакссо" ("На дне") М.Горькоень кувалт, "Вирь" ("Лес") А.Островскоень, "Ташто койсэ" ("По старинке") К. Петровань коряс. Сонзэ перька сескэ пурнавсть ламо од ломанть, конатне кармасть виень вачнеме литературасо. Сыненст те тевсэ лездамга Адю панжсь сёрмадыцянь куро. Тезэ свал пачколесть эрзянь сёрмадыцят: Илька Морыця, Я.Григошин, А.Моро, А.Мартынов.

Ламо мель явсь педагогикантень.

Юткошкане пурнась эрзянь морот ды ёвтнемат, тень кувалт ютась ламо эрзянь Тумобуень велеть. Пек мельзэнзэ тукшныль Ош-Пандов якамось, энатой ульнесь мелезэ сёрмадомс покш историянь коряс сёрмадовкс Ош-Пандодо. Эзь кенере. 1939 иестэ саезель армияв, мейле ушодовсь Ине Тортингесь, косо чавозель^[1] .

Ловнома пусмонь нолдамось

1939 иестэ нолдазель вейкине ловнома пусмозо "Цецяв шка", алтазель эйкакштнэнень. Тозонь пурназельть 27 сехте паро валморозно. Сёрмалесь пертьпельксстэ ды эйкакш ланга. Сехте седеень токицякс аштить валморонзо "Тундо", "Тундонь пиземе", "Норовжорч", "Вирьсэ", "Каткине", "Вашине". Ракшадо Адю сёрмалесь вечкезь ды пек вадрясто, тонавтсь эйкакштнэнь сынст вечкеме. Теде башка Юргай эсь сёрмадовкссо яви мель эйкакшонь психологиянень. Валморосонзо арась тонавтома лув, ули ансяк паронь невтема, кодамокс эряви а улемс. Неяви, Юргай парсте содылизе

Теде башка кенерсь сёрмадомо покштнэнь туртовдак валморот. Сынь лиссть 15це ды 16це «Сятко» ловномапусмосо 1933 иесэ - "Сырнекс сырежди" ды "Палы тюремань толсо"

1964 иестэ Е.И.Пятаев сакшнось Юргаень тиринь велев ды сёрмадсь "Уза леень чиресэ" валморо, косо лецтизэ одсто чавозь сёрмадеенть.

Лисьмапрят

↑ ^1,0 ^1,1 Ломшин М.И. Творчество писателей, погибших на войне (А. В. Рогожина, А. Ф. Зинькова,. А. М. Сафронова (Юргая), П. Д. Кономанина) / М. И. Ломшин // Вестн. Мордов. ун-та. — 2003. — N 1/2. — C. 56—67. (руз.)

https://www.elibrary.ru/item.asp?id=27372375

[ЛОМШИН_М._И._Творчество-1] 1,0 ^1,1 Ломшин М.И. Творчество писателей, погибших на войне (А. В. Рогожина, А. Ф. Зинькова,. А. М. Сафронова (Юргая), П. Д. Кономанина) / М. И. Ломшин // Вестн. Мордов. ун-та. — 2003. — N 1/2. — C. 56—67. (руз.)

[1]