Ош-Пандо

Википедиясто материал - аорев содамкундосто
Ош-Пандо
Мастор
Административно-территориальная единица Тумобуе
Статус наследия объект культурного наследия России федерального значения[d]
Ош-Пандо (Россия)
{{{1}}}

Ош-Пандо (Сайнелень ош) — археологиянь, модань коряс ламонькирдань, памятник Сайнелень вакссо Тумобуесэ, Мордовиясо, минек эрадо икелень II, I тёжапингень  — минек эрань I тёжапингень шкань. Ашти серэй поров модань пшти лисевкс лангсо. Лиядсть эсь прянь идемань вачкавкст: модань пандо ды чувовкс. Кувалмозо 81 метра, келезэ - 44 метрат. П.Д.Степанов ваннызе сонзэ 1946—1949 иетнестэ. Ош-Пандо — те васенце ваннозь балановской культурань эрямонь таркась (бронзань пинге). Кое-кона содыдейтнень коряс — фатьяновской культурань.

Сон макссь лем те культурань периодизациянь шкантень. Таркастонть мукшновсть: кевень узерень петь, ведень кирдема пельть артовкс марто, пижень пезэмкс пе. Ульнесть ваннозь ломанень эрямо таркатнеяк. Муезетнень ютксо кшнинь пингень: сёвонень ведень кирдема кедьёнкст, калонь кундамонь кедьёнкст, налонь кшнинь ды ловажасто теезь петь, «сюро марто кирпецть», штырьдемань кедьёнкст.

Ош-Пандонь верьце модась кадовсь именьковской культурань эрицятнень пельде: модасо чувозь эрямо таркатне ярсамопелень марто, чувозь варят товзюро марто, сокицянь-видицянь кедьёнкст (тарвазт, товзюронь яжамонь кевть), ушмотнень, алашасо ардыцянь кедьёнкст, кшнинь петь, сёвоньстэ ярсамонь кедьёнкст, эрьва-кодат тейтерьавань прянь мазылгавтыця тевть V—VII пингень. Муевксэтне кортыть Ош-Пандонь эрицятнень кезэрень эрзятнень марто сюлмамост ланга.


54.483615,46.502917 — Google картасо Ош-Пандонь невтема тешкст.

Сёрмадовкстнэ[витнемс-петнемс | витнемс-петнемс лисьмапрянзо]

  • Степанов П. Д. Ош Пандо.— Саранск, 1967.

Лисьмапря[витнемс-петнемс | витнемс-петнемс лисьмапрянзо]

ЛопаПарцун:Мордовская археология ЛопаПарцун:ВС