Чесноков, Фёдор Маркелович

Википедиясто материал - аорев содамкундосто
Фёдор Чесновков
Чачома лем: Фёдор Маркелович Чесновков
Важодема ёрокчизе : эрзянь кельсэ содавикс сёрмадей
Чачома чись: панжиковонь 7 чи 1896({{padleft:1896|4|0}}-{{padleft:5|2|0}}-{{padleft:7|2|0}})
Чачома тарка: Кшуманця веле, Лопатинской буе, Пенза ёнкс
Гражданчи: Россиянь ИмперияFlag of Russia.svg Россиянь Империя
СССРFlag of the Soviet Union.svg СССР
Кулома чись: 23.05.1938
Кулома тарка: Саран ош

Чесновковонь Фёдор Маркелович (1896 Пенза ёнкссо Кшуманця веле — 1938 панжиковонь 23 чи Саран ош) — эрзянь[1] содавикс прозань сёрмадей, драмотург, Сёрмадеень Кужос совиця (1934).

Чачсь Фёдор Чесноков 1896 панжиковонь 7 чистэ неень Пенза ёнкссо Лопатинской буесэ Пылково[2] (Кшуманця) велесэ сокицянь-видицянь семиясо. Сайсь се шканть кувалт аволь берянь образования, прядсь ушодксонь школа жы Кутиньской кавто иень училища. Училищанть прядомадо мейле валь куватьс важодсь ушодксонь школасо тонавтыцякс. Васенце мировой войнань иетнестэ ульнесь фронтсо.

Ф.М. Чесноковонь лемензэ марто эрзянь литературасонть минь сюлматано ёвтнемань ды пьесань жанратнень чачамост. Гражданской войнань шкастонть тюрсь ашогвардеецтнэнь каршо Чилисемань фронтсо. Зярдо тапазельть интервентнэ, Ф.М. Чесноков весэ вийсэ кундась эрзянь раськенть культуранзо ды литературанзо касомань тевентень. Сёрмадсь эйкакштненень ды сёрмадсь а содыця покштненень зярыя букварть ды ловнома кирья пусмот. «Сыре учитель» васенце ёвтнеманзо лиссь 1922 иестэ.

Эрямонь ды шкинемань нурькине шкастонть Фёдор Чесноков сюпалгавтызе эрзянь литературанть ёвтнемань зярыя пурнавксо: «Велесь явовсь», «Лия киява», «Тетяка левкс», «Васень толт». Эсензэ сёрмадовксонзо, авторось невтсь минек раськенть революциядо икеле стакадояк стака эрямонзо. Полавтовить шкатне. Чесновонь перанзо алдо кармасть лисеме сёрмадовкст, котнат алтазельть эрзянь раськенть рузтнэнь марто вейсэ гражданской войнасо ашогвардеецтнеэнь каршо тюремантень. А седее тов сон невти эрзятьнень од киява молемаст, социализмань строямонть, сынст культураст касоманть.


Ф.М. Чесноков зярдояк эзинзе стувтне вишка ловныцятненьгак. Сон сынест ялтась зярыя сёрмадовкст, конат нейгак кандыть покш смустев вий.


Ульнесь чумондозь кода раськень ят 58-6, 58-7, 58-8, 58-11 статьятьнень коряс (УК РСФСР Военной Коллегиясо Верьсе Судонть СССР) панжиковонь 23 чистэ 1938 иесте. Ульнесь ледезь. Реабилитировазь ансяк 19-це таштамковонь 1957 иесте.

Сёрм.:[витнеме-петнеме | витнемс-петнемс лисьмапрянзо]

  1. Время и события. 2016 : библиографический указатель / М-во культуры и туризма РМ, Нац. б-ка им. А. С. Пушкина РМ ; [сост. А. Н. Маланьчева]. – Саранск, 2015. – 144 с. стр.28(руз.)
  2. Библиотека Мордовской Литературы. Чесноков Федор Маркелович(руз.)