Григошин, Яков Пахомович

Яков Григошин
Яков Григошин
чачома лем	Яков Пахомович Григошин
чачома чись	сундерьковонь 3 чи 1888
Чачома тарка	Армиёво[d], Кузнецкий уезд[d], Саратовская губерния[d], Россиянь империясь;
Кулома чись	чадыковонь 24 чи 1939 (50 иеть)
Кулома тарка	Саран ош, Российянь Советэнь Федеративной Социалистической Республикась[d], Советэнь Вейсэндявкс[d];
Мастор	Россиянь империясь; Россиянь Советонь Федеративонь Социализмань Республикась[d]; Советэнь Вейсэндявкс[d];
Важодема ёрокчизе	валморозей, сёрмадей
	Яков Пахомович Григошин

Григошинэнь Яков Пахомович (1888 сундерьковонь 3 чи Пензань ёнкссонь Еремеева велесэ — 1939 аштемковонь 24 чи) — эрзянь^[1] содавикс сёрмадей, валморонь ладсий.

Чачсь 1888 сундерьковонь 3 чи Пензань ёнксонть Шемышень буень Еремеева велесэ сокицянь-видицянь семиясо. Прядызе Казанень тонавтыцянь семинариянть, Саратовонь университетэнть ды аспирантуранть. Шкинема кизэ ушодовсь тонавтомасто школасо. Сестэ ушоды сёрмадомояк. Тееви литературань важодицякс «Якстере сокиця» кулялопасонть, мейле туи наукань важодемас МНИИЯЛИЭ-в. Сех покш теевксэзэ, конане сон максы ламо шка ды вий - васенце эрзянь келень Азбука^[1].

1931 иестэ лиси валморонь пурнавкс «Од велень гайгемат» (руз. «Песни новой деревни»), косо кенярды лиякстоматненень, конат састь велев. Од эрямодо истя жо сёрмадсь «Од вий» (руз. «Новая сила», 1933), «Колхозонь паксява» (руз. «По колхозным полям», 1935), «Поздоровт теть, Мордовия!» (руз. «Привет тебе, Мордовия!», 1935) нолдавкстнэсэ. Ловныцятненень пек мелезэст тусть ёвтнемань пурнавкстнэ «Толнэ» (руз. «Огонек», 1934), «Вирязонь нуцьказо» (руз. «Внук Виряза», 1993).

И. Пиняевень ютавтомасо 1980 иестэ Яков Григошинэнь валморонзо листь рузонь кельсэ «Октябрьские зори» пурнавкссо. Я. Григошин содавикс кода драматург. Сон сёрмадызе пакшанень вейкеактсо пьесанть «Елкань перька» (руз. «Вокруг елки»), «Кузьма Алексеев» операс либретто^[2]. «Цветок молодости» романонть сёрмадовксозо ёмась, кода лецти В. Горбунов^[1]:

(эрз. «вадря сёрмадовксось», конасонть «вадрясто ды эрязасто сюлмавозь реализмась ды романтизмась».

Оригинальной текст (руз.)

«замечательное произведение», где «занимательно и жизненно переплелись реализм и романтизм»

1939 иень чадыковонь 24 чистэ ульнесь ледезь Саран ошсо, кода националист. Сонзэ сёрмадовкстнэнь ютавтыцянзо: Самарань эрзянь валморозеесь В.А. Багров кулось истя жо тюрьмасо; В.З. Иванов-Паймен кадовсь эрямосо, ульнесь казязь В.В. Ивановонь лемсэ Чувашиянь Прявт Казесэ^[1].

Ансяк 1980-це иетнень прядомсто кармасть видстэ, ды апак пеле кортамо Я.П. Григошиндэ^[1].

Лисьм.:

↑ ^1,0 ^1,1 ^1,2 ^1,3 ^1,4 «Молодой учёный» . No 12 (35) . Том I . Декабрь, 2011 г. Политические репрессии 1930‐х гг. против писателей Мордовии. Видяева Анастасия Васильевна, аспирант Мордовский государственный университет им. Н.П. Огарева (г. Саранск) ISSN 2072-0297 (руз.)
↑ Библиотека мордовской литературы. Григошин Яков Пахомович Архивировазь 27 Панжиковонь 2021 иестэ.(руз.)

[Политические_репрессии-1] 1,0 ^1,1 ^1,2 ^1,3 ^1,4 «Молодой учёный» . No 12 (35) . Том I . Декабрь, 2011 г. Политические репрессии 1930‐х гг. против писателей Мордовии. Видяева Анастасия Васильевна, аспирант Мордовский государственный университет им. Н.П. Огарева (г. Саранск) ISSN 2072-0297 (руз.)

[Библиотека-2] Библиотека мордовской литературы. Григошин Яков Пахомович Архивировазь 27 Панжиковонь 2021 иестэ.(руз.)

[1]

[2]