Петрова, Ксения Семёновна

Википедиясто материал - аорев содамкундосто
Перейти к навигации Перейти к поиску
Ксения Семёновна Петрова
Важодема ёрокчизе : валморозей, драматург, сёрмадей
Чачома чись: 1892
Чачома тарка: Бугуруслан[d], Самарская губерния[d], РСФСР[d]
Мастор: Flag of the Soviet Union (1936–1955).svg СССР[d]
Российская империя[d]
Кулома чись: 1942
Кулома тарка: Клявлянь буе Самарань ёнкссо, Самара ёнкс, РСФСР (1922—1991)[d], СССР[d]

Ксения Семеновна Петрова (1892—1942) — эрзянь валморозей, сёрмадей, драматург. СССР-нь Сёрмадеень кужос совиця (1938)[1].

Эрямо пингензэ[витнемс-петнемс | витнемс-петнемс лисьмапрянзо]

Петрова Ксения Семеновна чачсь 1892 Бугуруслан ошсо Самарань губерниясо моданьтеме, кажов семиясо.

Тонавтнесь ансяк колмо ковт. Ловномо-сёрмадомо тонадсь сонсь. 1919 иестэ икелев кирдсь экзамен тонавтыцянь лемекс, ды седе тов тонавтнесь школасо, ды пек лездась тонавтомо покш ломанень.

Гражданонь ойнанть иетнестэ тюрьсь ашогвардеецтнэнь ды чехословактнэнь каршо Бугурусланонь уездсэ. Ульнесь стакасто ранязь.

1920 иестэ — Бугурусланонь уездэнь Раськень образованиянь пельксэнть прявтокс.

1921 иестэ Москов ошсо вети шкинемань-ёвтнемань важодема (Главполитпросветэнь Мордовиянь секциясо) ды сон Раськень Наркоматсо инструктор.

1923 иестэ велявсь Самарань губернияв ды важоди сисемиень школань прявтветицяксселе Бинарадка велентень Ташто-Буянонь буесэ.

1926 иестэ саезь 1932 иенть видс — тиринь келень тонавтыця Вишка-Толканонь педагогикань техникумсо. Сон ульнесь драмкужонь ды студеньэнь эсьтеезь театрасо.

Бугурусланонь уездэсь содавиксэв ды эрявиксэв эрзянь раськень шкинемань ды литературань куншкатарка. Тестэ литературав састь валморозеень, сёрмадеень, учёноень покш пурнавкс — Пётр Эрьке, Т.А. Раптанов, В.К. Радаев, А. Моро, А.М. Лукьянов ды лият, содавиксэвть эрзянь валморозейть ды ёвксоньладийть, эйсэст Числав Журавлев , К.Г. Батраев, И.П. Новокаев, Е.П. Бузуев, Я.В. Губернский, И.П. Верховцев, С.М. Люлякина.

Ламонь од эрзянь валморозеень, сёрмадеень ды Мордовиянь шкинемань ветийтнень тонавтомась ютась Ксениянь Петровань трокс.

1932 иестэ тусь эрямо Саран ошов, тонавтсь эрзянь кель ды литературанть Комвузсо ды совпартшколасо, ветясь наукань-вановксонь важодемат.

1936 - 1942 иетнестэ — тонавтыця Сыре Пиче велесэ[1] Клявлянь буень Куйбышевэнь ёнкссо, тоско калмазьгак.

Важодевксэнзэ[витнемс-петнемс | витнемс-петнемс лисьмапрянзо]

1926 иестэ «Якстере теште» кулялопасо ульнесь максозь «Оля» валморозо. Теде мейле сёрмадовксонзо листнесть «Сятко» ковставксо. 1932 иестэ, теке ковставксо лись «Гайги вирь» поэмазо.
Пек содавиксэвикс «1921-й год» вейкеактонь драмась, кона ёвтни Равчирева стакачиденть, вачочиденть.
1933 «Сятко» ковставксо удьнесь максозь «Кода сынь глушасть» пьесась, алтазезь 1905—1907 иень революциянть. «Кизэнь ве» сёрмадовксонзо ульнесь невтезь Гражданонь ойнань шкась Самарань губерниясо. Драмань ёрокчизэ панжовсь «Ташто койсэ» пьесанзсо (1932).

Валморот[витнемс-петнемс | витнемс-петнемс лисьмапрянзо]

  • «Оля» (1926, «Якстере теште» кулялопась)

Поэмат[витнемс-петнемс | витнемс-петнемс лисьмапрянзо]

  • «Гайги вирь» ( 1932, «Сятко» ковставксось)

Драматургиясь[витнемс-петнемс | витнемс-петнемс лисьмапрянзо]

  • «1921-й год» (вейкеактонь драма)
  • «Кизэнь ве» (1932)
  • «Ташто койсэ» (1932)
  • «Кода сынь глушасть» (1933, «Сятко» ковставксось)
  • «Чопуда вий» (1933)

Книганзо[витнемс-петнемс | витнемс-петнемс лисьмапрянзо]

  • «Кизэнь ве» (1932)
  • «Чопуда вий» (1933)

Шкинемань касомазо[витнемс-петнемс | витнемс-петнемс лисьмапрянзо]

Эрзянь келень граматикаванть, конань сёрмадызе Ксения Петровась, аволь вейке ие тонавтнесть эрзянь школатнесэ.
Сёрмадеень кужось совиця 1938 иестэ.

Невтевкст[витнемс-петнемс | витнемс-петнемс лисьмапрянзо]

Лисьм.[витнемс-петнемс | витнемс-петнемс лисьмапрянзо]

  1. 1,0 1,1 Ксения Семёновна Петрова. Чачома чистэнзэ 115 иетненень. // Сятко.-2007.- №12.- С. 66-68. ISSN 0207-1894 (эрз.)