Бардин, Пётр Яковлевич

Википедиясто материал - аорев содамкундосто
Перейти к навигации Перейти к поиску
Пустой элемент Викиданных

Бардин, Пётр Яковлевич (псевдонимезэ П.Ардин), поэт, журналист, критик, литературовед.

Эрямо пингезэ[витнемс-петнемс | витнемс-петнемс лисьмапрянзо]

Чачсь Саран ошонь неень Октябрянь райононь Пакся Тавла велесэ 1934-це иень ожоковонь 17-е чистэ.

Филологиянь наукань кандидат (1989-це ие). Прядсь Рязанень парт. школа (1961-це ие), Мордовской государственной университет (1970-це ие). 1961 – 77-це иетнестэ – «Эрзянь правда» газетань литсотрудник; 1977 – 79-це иетнестэ – «Сятко» журналсо прозань отделэнь редактор; 1979 – 89-це иетнестэ – НИИЯЛИЭ-нь эрзянь-мокшонь литературань секторонь вишка (младшей) научной важодиця (сотрудник). «Ливтяк, мирэнь нармунь» Бардинэнь васенце валморозо ульнесь печатазь «Изнямо» альманахсо (1951-це ие); мейленсетне – истямо вейсэнь пусмосо, кода «Валске» (1962-це ие), «Васень эскелькст» (1964-це ие), «Тештень пиземе» (1979-це ие) ды лият.

«Седей валт» (1969-це ие) поэтэнть васень пусмозонзо, политикань ды пейзажонь лирикадо башка, совасть сатирань сёрмадовкст. Бардин – литературань портретэнь автор (С. Г. Фетисов, Ф. К. Андрианов, В. Ю. Юшкин, К. Г. Абрамов, И. А. Калинкин, П. К. Любаев, А. М. Доронин), конат совасть «Современная мордовская литература. 60 – 80-е годы» кавто томонь пурнавксонтень (1991-це ие, 1993-це ие). Сон сёрмадсь пародият А. К. Мартыновонь, А. М. Доронинэнь, Д. Т. Надькинэнь, Н. И. Ишуткинэнь валморост лангс. Истя жо сон баснянь-притчань, баснянь-инвективань автор. Ваннось эрзянь-мокшонь литературасо ды фольклорсо В. И. Ленинэнь образонь невтема стакачитнень, ваннось эрзянь ды мокшонь литературатнень татаронь литературанть марто сюлмавкстнэнь. Топавтсь тев «Памятники мордовского народного музыкального искусства» колмо томсо академической антологиянть теемасо.

Кулось Пакся Тавласо 1989-це иень якшамковонь 13-це чистэ.


Сочиненият[витнемс-петнемс | витнемс-петнемс лисьмапрянзо]

Воин Отчизны. Косогоры. Апрель : ст. / / Антология мордовской поэзии. Саранск, 1987;

Горниповт ды палакст : стихть, баснят, пародият. Саранск, 1989.


Литературась[витнемс-петнемс | витнемс-петнемс лисьмапрянзо]

  • История Мордовии в лицах : биогр. сб. Саранск, 1999. Кн. 3;
  • Центр гуманитарных наук: история и современность. Саранск, 2008. С. 216;
  • Мордовия, XX век: культурная элита. Саранск, 2013. Ч. 1. С. 54.

Лисьмапрят[витнемс-петнемс лисьмапрянзо]