Доронин, Александр Макарович

Доронин, Александр Макарович
чачома чись	якшамковонь 7 чи 1947(1947-01-07)
Кулома чись	эйзюрковонь 17 чи 2021(2021-03-17) (74 иеть)
Мастор	Советэнь Вейсэндявкс[d]  Россия Мастор
Важодема ёрокчизе	куляньсёрмадей, валморозей, прозаик, публицист, главный редактор

Алекса́ндр Мака́рович Доро́нин ( 1947 якшамковонь 7 чи Петровка, неень Покш Игнадбуесэ, Мордовия) — эрзянь прозаньсёрмадей, валморозей, ютавтыця. Республика Мордовиянь Заслуженной сёрмадей (1996), Ленинэнь комсомолонь премиянь лауреат (1991), Республика Мордовиянь Прявт премиянь лауреат (1998), М.А. Кастренэнь Вейсэндявксонь Прявт казненть лауреат (2000).

Эрямопингензэ

СССР-нь сёрмадеень кужос совиця саезь1985 иестэ. Прядызе А. М. Горькоень лемсэ Литературной институт (Москов ош, 1973).

Важодсь «Сятко» ковставксонть прявтредакторокс саезь 1984 аштемковсто ― 2000 даволковс). 2000 иестэ Республика Мордовиянь сёрмадейтнень кужонть прявтветий.

Васенце валморонь пусмозо «Чачомань енкс» (руз. «Родная сторона») лись 1972 иестэ. Нолдазь валморонь пусмот: «Од порань валдо» (руз. «Свет юности», 1984), «Велев кись юты седейгам» (руз. «Сельская дорога проходит через сердце», 1988), ды «Родословное древо» (1992).

Валморонзо лиснесть «Литературной газетасо», «Литературной Россия», «Юность», «Молодая гвардия», «Волга» ковставкстнесэ, ютавтозь татаронь, коми, маринь, удмуртонь, ветькень, мадьяронь, суоминь кельтнес. Ламо валморонзо путозь седямо лангс: «Лавсень моро» (руз. «Колыбельная»), «Россиясо» (руз. «В России») - седямоньсёрмадей Н. Кошелева; «Сэтьмечи» (руз. «Тишина») - седямоньсёрмадей Г. Вдовин; «Моро Саранскойде» (руз. «Песня о Саранске») - седямоньсёрмадей Н. Бояркин; «Черемуховая юность» - седямоньсёрмадей Ф. Маслов.

Сёрмадыця покш валморонь шкинемань сёрмадовкст, истят кода «Кочкодыкесь — пакся нармунь» (руз. «Перепелка — птица полевая», 1993), «Баягань сулейть» (руз. «В тени колоколов», 1995), «Кинть ютасы молицясь» (руз. «Дорогу осилит идущий», 1994). 2001 иестэ лись «Кузьма Алексеев» романозо.

Ютавты рузонь, маринь, ветькень, удмуртонь кельтнес.

Литературась

• «Мордовия. Кто есть кто». Энциклопедический словарь. Саранск, 2000. Літ.: Зиновьев Н. В. и др. Штрихи к портретам // Современная мордовская литература. 60-80-е годы: В 2 ч.-Саранск, 1993.-Ч.2;
• Имяреков М. Г. Писательсь и эряфсь. Мокшерзянь писательхнень творческяй портретсна.-Саранск, 1992.

Невтевкст

• http://sp.voskres.ru/news/narod.htm
• http://www.ugraina.org/encyclopedy/1044/1054/3074.html