Ишуткинэнь Николай

Википедиясто материал - аорев содамкундосто
Перейти к навигации Перейти к поиску
Николай Ишуткин
Ишуткинэнь Николай
Чачома лем: Николай Иванович Ишуткин
Важодема ёрокчизе : эрзянь содавикс валморозей, сёрмадей, прявт-редактор
Чачома чись: панжиковонь 28 чи 1954({{padleft:1954|4|0}}-{{padleft:5|2|0}}-{{padleft:28|2|0}}) (64 иеть)
Чачома тарка: Симкина веле, Покш Килейбуе, Мордовия Республикась
Мастор: Flag of Russia.svg Россия Мастор

Ишуткинэнь Николай (руз. Николай Иванович Ишуткин) (панжиковонь 28 чи 1954 ие Покш Килейбуесэ Симкина велесэ) — эрзянь[1] содавикс валморозей, прозаикесь, кулянь сёрмадей, прявт-редактор «Чилисема» ковставксонть[2].

Эстедензэ[витнемс-петнемс | витнемс-петнемс лисьмапрянзо]

Николай Ишуткин чачсь Покш Килейбуеень Симкина велесэ, кона ашти Сура леенть эйстэ а пек васоло. Тетясь валморозеенть ульнесь тонавтыцякс, авазо вейсхозсо важодицякс. Куншка школань прядомадо мейле тонавтнесь Н.П. Огарёвонь лемсэ Мордовской прявтуниверситетэнь филологиянь факультетсэ. Тосо тонавтнемстэ ушодсь сёрмадомань а шожда кинть лангс: кучнесь тешкставкст ды сёрмадовкст кулялопас. 1973 иестэ лиссть васень валморонзо («Од пора» ды «Килейне») «Сятко» ковставксо. Тень редизь «Эрзянь правдань» сестэнь прявттнэ ды университетэнь прядомадо мейле тердизь важодеме редакцияв.

Кулялопасо кеменде ламо иень перть важодемадо мейле ладизь «Чилисема» (сестэ сон ульнесь «Пионерэнь вайгель») эйкакшонь ковкставксонь прявт редакторокс. Покш тевенть тензэ савсь ушодомс, ловт, чаво таркасто.

1995 иестэ совавтозель Россиянь Сёрмадеень Пурнавксос. 1999 иестэ тензэ максови «Мордовия Республикань культурань заслуженной важодиця» покш лемесь.

Николай Иванович Ишуткин ламо важоди одтнэнь марто, эрси ушодыця литераторонь эрьва иень семинаронь секциянь прявтокс, якси кода Мордовиянь, истя сонзэ томбале аштиця эрзянь велетневаяк, вешни од лемть. Суоми-угрань раськеютконь сёрмадеень ассоциациянь правлениянь член, кочказь Россиянь суоми-угрань кулянь-сёрмадеень вейсэндявксонь секретариатс[3].

Шкинемазо[витнемс-петнемс | витнемс-петнемс лисьмапрянзо]

Эрзянь кельсэ[витнемс-петнемс | витнемс-петнемс лисьмапрянзо]

  • «Тештине» (вейсэнь пурнавкс, 1982 ие)
  • «Маней васолкст» (вейсэнь пурнавкс, 1987 ие)
  • Валскень теште: Стихотвореният. – Саранск: Мордовской книжной издательствась, 1989. – 48 с.
  • «А сёпсынь арсемам ды мелем» (вейсэнь пурнавкс,1993 ие)
  • Тештень мастор: Стихть, пародият. – Саранск: Мордовской книжной издательствась, 1994. – 71 с. Пейзаж души: Стихи. – Мордов. кн. изд-во, 1998. – 55 с.
  • Вармань кандовкст: Эрямосто саезь ёвтнемат, пародият. – Саранск: Мордовской книжной издательствась, 2004. – 176 с.
  • Пейделькань кужине: Стихть, нурька морынеть, стихсэ содамоёвкст. – Саранск: «Книга» издательствань кудось, 2007. – 80 с.
  • «Сёксень кизэнь паламо – Поцелуй бабьего лета»: Стихть. – Саранск: Россиянь литфондонь Мордовиянь региононь отделениясь, 2009. – 304 с.

Рузонь кельсэ[витнемс-петнемс | витнемс-петнемс лисьмапрянзо]

  • «Калейдоскоп» (башка пусмо, 1989 ие)
  • «Пейзаж души» ( башка пусмо, рузонь кельс ютавтыцяст А. Громыхин ды сонсь авторось, 1998 ие)

Ванмо[витнемс-петнемс | витнемс-петнемс лисьмапрянзо]

Лисьм.[витнемс-петнемс | витнемс-петнемс лисьмапрянзо]

  1. Время и события. 2014: библиографический указатель / Нац. б-ка им. А.С. Пушкина Респ. Мордовия; [сост. А.Н. Маланьчева]. – Саранск, 2013. – 148 с. (руз.)
  2. ЦГПБ им. Н.А. Некрасова День эрзянского языка(руз.)
  3. «Чилисема» ковставксось №5, 2011 ие. лоп. 18 (эрз.)