Хрымов, Виктор Дмитриевич

Виктор Дмитриевич Хрымов
Виктор Дмитриевич Хрымов
чачома лем	Виктор Дмитриевич Хрымов
чачома чись	ожоковонь 29 чи 1908
Чачома тарка	Скрябино (Лямбирьбуе), Лямбирьбуе, Советэнь Вейсэндявкс[d];
Кулома чись	сундерьковонь 13 чи 1958 (50 иеть)
Кулома тарка	Саран ош, Российянь Советэнь Федеративной Социалистической Республикась[d], Советэнь Вейсэндявкс[d];
Гражданчи	СССР
Кедьалксчи	Россиянь Империя
Важодема ёрокчизе	артындей

Виктор Дмитриевич Хрымов (1908 иень ожоковонь 29 чистэ Скрябино велесэ, Лямбирень буесэ, Мордовия Республикань — кулось 1958 иень сундерьковонь 13 чистэ Саран ошсо) — артындей. Мордовиянь артыцятнень вейсэндявксонь прявт (1952-1958). Ф.В.Сычковонь тонавтницязо ды ялгазо.

Эрямо пингензе

В.Д.Хрымов тонавтнесь К. А. Савицкоень лемсэ Пензань художествань училищасо 1930 иестэ, мейле поступась И. Е. Репин лемсэ Кирдивиень академиянь живописень, кеврунгонь ды архитектурань институтс Ленинградсо (1939-1941, 1945-1949 иетнестэ^[1]), тонавтыцязо ульнесь Борис Иогансон^[1]. Артовксонзо ульнесть невтелмасо 1934 иестэ саезь. Содавикс невтелмат: «Весесоюзонь художествань невтелмась», Москов ош, 1950. Тонавтсь Педагогикань техникумсо, Саран ош, 1930-це иетнестэ.

Торпингес понгомадо мейле воёвась Ленинградонь ды Прибалтикань фронтсо рядовоекс 31 гвардиянь Якстере раськекоцтонь леднема полксо. 1941 иестэ умарьковонь 20-це чистэ разведовательной группаст понгсь засадас ды кучезельть концлагерьс Шауляй ошс. Умарьковонь 1944 иестэ тусь чиезь тосто ды учизе Якстере армиянть Рига ошсо, косо важодсь стаканькантницякс книганьнолдамо таркасо. Лездась подпольентень. Якстере армиянь самодо мейле ютавтызь виев ванномань пачк, кода весе полонс понгозетнень. Полонсо аштемась пек лавшомгавтызе шумбрачинзэ. Торпингень мейле велявтсь Ленинградов тонавтнеманзо поладомо.

Прядомань (дипломонь) важодемазо живописень факультетсэ — «Товарищ Сталинэнь арестэзэ Батуми ошсо» (руз. "Арест товарища Сталина в Батуми"^[1]). Прядомадо мейле максозоль «живописень артыцянь» квалификациясь^[1].

Кулось 1958 иестэ.

Буе-раськезэ

Низэ — Софья Рябова.

Казнеть

«МАССРэнь искусствань заслуженной ломань»
(руз. «За победу над Германией в Великой Отечественной войне 1941-1945 гг.» )
(руз. «Медаль За отвагу»)

Артовксонзо

Неень шкане содыть Хрымовонь В.Д. зярыя артовксонзо:«Мокшава» (руз. "Мокшанка", 1955), «Од Саран ош» (руз. "Новый Саранск", 1957) - невтезь Советской курось Саранскойсэ, «Ташто Саран ош» (руз. "Старый Саранск", 1956), «М.И.Калинин Мордовиясо 1919 иестэ» (руз. «М. И. Калинин среди крестьян Мордовии в 1919 году» 1954), «Сирень», «Сирень пиресэ» (условной лемесь), «Сирень потсо кудо» (условной лемесь).

Саран ош. 1957. Cardboard, ой. 43х70
Саран ош. Этюд. 1956. Cardboard, ой. 44х72
Мокшонь аваломань. 1955

Вант истяжо

Литературась

"Федот Васильевич Сычков". 1986 год. Саранск. Мордовское книжное издательство. Составители Л.А.Букина и М.И.Сурина. Фотограф Н.Е.Ревизов. Рецензент - старший научный сотрудник Государственного Русского Музея Е.Н.Гусева.Стр.15
70 лет Союзу художников Республики Мордовия : Альбом / [редкол.: П. Н. Тултаев и др.; сост. : Т. В. Елисеева и др.; авт. вступ. ст. : Е. В. Голышенкова, Н. В. Холопова]. – Саранск, 2007. – 228 с.
Союз художников Республики Мордовия. 1937 – 1917 : альбом [авт.- сост. : Е. В. Голышенкова, Л. Н. Нарбекова]. – Саранск. – 2017. – 288

с.

Невтевкст

ГКАУ «Центральный государственный архив Республики Мордовия» // Хрымов Виктор Дмитриевич

Лисьмапрят

↑ ^1,0 ^1,1 ^1,2 ^1,3 Виктор Дмитриевич Хрымов(руз.). Артхив. Ваннозь 6 Панжиковонь 2020.

[Артхив-1] 1,0 ^1,1 ^1,2 ^1,3 Виктор Дмитриевич Хрымов(руз.). Артхив. Ваннозь 6 Панжиковонь 2020.

[1]