Васильев, Тимофей Васильевич

Википедиясто материал - аорев содамкундосто
Тимофей Васильевич Васильев
Портрет
чачома чись 19 даволковонь (3 эйзюрковонь) 1897
Чачома тарка
Кулома чись аштемковонь 23 чи 1939(1939-06-23)[1] (42 иеть)
Кулома тарка
Мастор
Важодема ёрокчизе юристсь

Тимофей Васильевич Васильев (чачсь 1897-це иень даволковонь 19 чистэ Тавлы веле, Мариинской уездсэ (неень Томскоень ёнкс Зырянской буе) — кулось 1939 иень медьковонь 31 чистэ) — Эрзянь ды мокшонь раськемасторонь теицятнестэ вейкесь[2][3][4], омбомостаронь юрист.

Эрямопингензэ[витнемс | витнемс лисьмапрянть]

Тимофей Васильевич чачсь 1897-це иень даволковонь 19 чистэ Тавлы велесэ, Мариинской уездсэ (неень Томскоень ёнкс Зырянской буе) эрзянь модасо важодиця раське-буесэ.

1909 иестэ цёраломантне туить важодеме Анжеронь кевеньуголиянь копитнес Кузнецэнь бассейнасо. Тетязо важоди шахтасо, Тимофей – алашасоускиекс.

1910 ие – Тимофей туи молотсочавицякс механической мастерскойс.

1915 ие – Велявтыть кудо-раськесь тиринь велев. Тимофей важоди сёрмадыцякс мировой судьянть вакссо.

1916 ие – Слизь шкмодеень армияв (Омскоой ушмонь кужонть штабсо).

1917 ие аштемков – Кочкизь Омской ушмонь Полковой кужонть штабсо прявтокс.

1917 ие – Путызь судьяк Омскойсэ.

1918 ие – Служи красногвардейской пулеметонь командасо, мейле партизанонь отрядсо. Правовой подотделэнь ветий Красноярск ошсо.

1920 ие кизэ – РККА-нь Краснояронь ялго ушмовиень школанть курсант (руз. Красноярской пехотной школы РККА)

1921 ие – Чилисемань республика Прявт ушмо-вийкирдиень школанть батальононь ушмопрявт (руз. Командир батальона главной военно-политической школы Дальневосточной республики).

19241930 иетнестэ – Тонавтни советэнь права факультет 1-це Московонь прявт университетсэ. Саи полакс – Елизавета Павловна Рябовань (эрзява, лелянзо Рябовт Анатолий ды Олодя).

1925 ие, панжиков – чачи Рамзан цёразо.

1928 ие, медьков – Кучозь Саранскоев. Кочкави Мордовиянь кужонь судонть прявтокс.

1931 ие – СССР-нь микшнемакудонть Лондонсо юрисконсультокс.

1932 ие, чадыковонь 8 чи – Чачи Ламзурь тейтерезэ.

1938 иень, даволковонь 8 чиМосковсо арестувазь (руз. «Мордовского правотроцкистского буржуазно-националистического террористического блока») тевенть коряс. Ускозь Саран ошов, пекстазь ськамонькамерасо, нарьгамот. Сон тешксты икелев анокстазь протоколтнэнь буензэ-раськензэ идеманть кисэ.

1938 ие, ожоков – Ускозь Московово, Бутырской тюрьмасо ськамонькамерасо.

1939 ие, чадыковонь 27 чи – Мосоковонь ушмодеень кужонь Ушмодеень Кеместамонть коряз ульнесь чумондазь статьятнень коряс: 58-1а ды 58-11 УК РСФСР – ледема.

1939-це иень чадыковонь 27 чистэ Московонь военной округонь трибуналось чумондызе Васильевень «Измена Родине» ды «Контрреволюционная деятельность» статьятнень коряс. Сонензэ се шкане ульнесть 42 иеть. Ледизь медьковонь 31 чистэ[4][3].

1992 ие – ютась реабилитациясь. Лемезэ идезь.

Вант седе тов:[витнемс | витнемс лисьмапрянть]


Лисьмапрят[витнемс лисьмапрянть]