Рябова, Софья Павловна

Википедиясто материал - аорев содамкундосто
Рябова, Софья Павловна
Портрет
чачома чись чадыковонь 16 чи 1898(1898-04-16)
Чачома тарка
Кулома чись 1988
Мастор
Важодема ёрокчизе тонавтыця

Софья Павловна Рябова (1898 иень чадыковонь 16 чистэ Ламбаське велесэ, Ицялонь буесэ, Мордовия Республикань — кулось Минск ошсо) — эрзянь школань тонавыця, ульнесь вейке 7-стэ эрикс кадовозь Рябовонь эйкакштнэде: Анатолиень (1894 чачома иесь) ды Олодимерэнь (1900 чачома иесь) сазорокс. Ульнесь «Учительница-мордовка» (1937 ие) Федот Сычковонь артовксонть прототипекс.

Эрямопингензэ[витнемс | витнемс лисьмапрянть]

Тетязо-авазо: Павел Тимофеевич Рябов (кулось 1912 иестэ) ульнесь Болдинасо Пушкин раськень секретарекс ды Александра Михайловна Рябова (од тейтерькс — Юрченкова).

Рябов раськень эйкакштнэ: Анатолий1894 ие, Елизавета — 1896, Софья — 1898, Владимир - 1900, Александр — 1905, Капитолина — 1908, Лидия — 1911. Весе эйкакштнэ Лидиядо башка ульнесть тонавтозь, важодсть тонавтыцякс, ютавтыцякс, агрономокс.

Вачо шкатнева — 1920 иетнестэ - туекшнось Владимир ды Анатолий мельга Томск ошов. Мейле сыненст сась Лиза ялаксозо, конась важодсь аптекасо. Тозонь туекшность ламо эрзят: «кши мельга». Томск ошсо се шкане ульнесь эрзянь «землячества». Эрзятне важодсть ошсо эрьва косо: тейтертне — лавкава, цёратне — шахтасо.

Софья Рябова эрзянь культурань ветийтнень ютксо Москов ошсо, 1920-це иетне

Раськезэ[витнемс | витнемс лисьмапрянть]

Сонянень ульнесть 19 иеть, кода лиссь тосо мирденень. Мирденть уж ульнесть зярыя эйкакшт — тейтерькат — 15-16 иесэ. Сынь мерсть Сонянень «авай». Мирдесь ульнесь ракшань микшниця. Чачсь вейсэнь эйкакш — Евгения. Сон ульнесь Сонянь вейкине эйкакшокс.

  • Евгения Ефимовна Уфимцева (васенце мирдень кувалт). Сон лиссь мирденень. Секс мекс мирдесь ульнесь еврей, эйкакштнэнень максть Рябов фамилия:
    • Ирина Рябова
    • Евгений Рябов
    • Анатолий Рябов (аванзо лелянь лемсэ).

Лиза ялаксозояк мусь тосто мирде — Васильев, Тимофей Васильевич. Сыця Мордовия Республикань путыцязо; юрист; Англань масторов кучозь од Советэнь Республикань пельде дипломат.

Зярыя шкань ютазь Рябовтнэ велявтыть Саранскоев. Велявтсь Соняяк эйкакш марто аванстэнь.

Мейле Софья венчась В.Д.Хрымовнень — Мордовиянь артыцянтень. Хрымов, Виктор Дмитриевич 1908-1958 эрямопингезэ (чачсь Лямбирень буесэ, Скрябино велесэ) ульнесь Ф.В.Сычковонь кедьсэ тонавтниця, Мордовиянь артыцянь вейсэндявксэнь прявт (1952-1958). Эрямост ульнесь аволь уцяскав: В.Д.Хрымов тусь эрямо Софьянь ялганстэнь. Неень шкане вастневить Хрымовонь В.Д. зярыя артовксонзо: "Мокшанка" (1955), "Од Саранск" (1957) - невтезь Саранскойсэ Советской курось, "Ташто Саранск" (1956), "М.И.Калинин в Мордовии в 1919 году", "Сирень".

Репрессият[витнемс | витнемс лисьмапрянть]

1937 иесь ульнесь Рябовтнэнень стака: пекстазельть ды мейле ледезельть Анатолий ды Владимир, сынст нист пекстазельть тюрьмас кода «враг народань» нить. Владимирэнь нинтень макссть 3 иеть, кудосо кадовсь 1 иесэ эйкакш — Галина. Анатолиень нинтень — 8 иеть, кадовсь 10-11 иесэ эйкакш - Ричард.

Кода теде ёвтни Галина Владимировна Рябова-Попова (Рябов, Владимир Павловичень тейтерезэ):

"Тетянь саизь ды пекстызь 1937 иень аштемковсто, а авань ансяк ожоковонь 22 чистэ. Тетянь саизь чить, садпиресэ ульнесть кавто умаринат – ты сонзэ ветить. Ёвтнесь авам, ансяк теке. А вана авань мельга састь веть. Весе ули-паронок саизь, конвоирэсь мерсь: «Пакшась потестэнть кардазь? Сестэ сонзэ эряви ковгак ладямонзо». Сынь тусть ошганть ды пачкодсть Соня патянь ды Александра Михайловнань бабань кудонть видс. Ды максымизь вальмава мезень бути канст марто ды весе!"


Истя Софья Павловна теевсь покш раськень прявтокс: сонсь, бабась — Александра Михайловна, Женя — эсь эйкакшозо, Галина — Владимирэнь эйкакш ды Ричард, — Анатолиень эйкакш, конанть тетянзо-аванзо истя жо ледезельть-пектазельть. Аламо шкань ютазь ледезель Лиза ялаксонть мирдезэ — Васильев, Тимофей Васильевич.

Вана мезе ашти те артовксонть удало. Галина Владимировна Рябова-Попова ёвтни:

«Соня патям ульнесь кортыця, ялганзо ульнесть эрьва косо. Вы весть тензэ мерсь НКВД-нь ломань: «Рябов мезень фамилиянть конёвстэ неизь — кармить арестт"…
"Авань тюрьмасто велявтомадо мейле, мон яла кудосо пижнить «Авай!» ды сынь кавонест — авам ды Соня патям — чиильть», — лецни Галина Владимировна. «Мейле авам саимем эсь родня ёнов, Ленинградской областев. Тосо эринек Бологое ды Тихвин ошсо. Авам весть мери тень рузкс (сон — рузава ульнесь): «сёрмадт Соня патятень "Здравствуй, мама Соня!", а мон нильтякадынь ды эзинь карма. Мейле содан, Соня патям авань лангс кеж тень коряс кирдсь. Ансяк авам пельсь весе тень ёвтнемс. Сон тень касомас мезеяк эзь ёвтне».



Арестэнь кармавтоманть сёрмадстызе сонсь И.В.СталинСССРень Верьце Судонь оенной судямонень алтазентне (руз.Список лиц, подлежащих суду военной коллегии Верховного суда Союза СССР. 19.04.1938 АП РФ, оп.24, дело 416, лист 176, кедьтешкст Сталин, Молотов, Каганович, Жданов). Тосо ульнесь Мордовиянь сядо ломанть: эрьва мезень прявт, тонавтыцят, ютавтыцят, сёрмадейть.

Артовксонть историязо[витнемс | витнемс лисьмапрянть]

Ф.В. Сычковонь «Учительница-мордовка» (1937) артовксось ловови сехте вадрякс. Васенцеде сон невтезель «Индустрия социализма» невтелмасо — 1939 иень эйзюрковонь 18 чистэ. Те невтелмась ашти башка таркасо: сон невтсь артомань покш касома-кепедема од Советэнь Республикасо. Невтелмасо ульнесть 459 артыцянь 1015 артовкст. Ф.В.Сычковонь башка тосо ульнесть истят содавикст кода: Михаил Авилов, Самуил Адливанкин, Александр Герасимов, Сергей Герасимов, Гавриил Горелов, Игорь Грабарь, Борис Иогансон, Николай Крымов, Александр Лактионов, Александр Любимов, Георгий Нисский, Аркадий Пластов, Михаил Платунов.


Ф.В.Сычковонь артовкссо Софья ашти озадо пиресэ, эрзянь оршамосо, ваксонзо цветить цецят, эзем лангсо — книга. Содави, те — тонавтыця. Чамазо а пейди, маряви прясонзо ламо стака арсемат. Тевс нолдазь ламо якстере тюс. Те аволь истяконь чамарунгонь артовкс, тесэ неявить стака учомат сыця шкадо.

Вана кода сёрмадсь 1952 иестэ «Советской Мордовия» кулялопасо Ф.В.Сычков эсь артовксто:

(эрз. «Мон малава весе пингем эрия Кочелаевасо. Те веленть историязо, сонзэ эрицятнень пингест — весе ютась монь сельмень икеле. Ней, удалов ванозь, мон неян, кодат покштояк покшт полавтомат теевсть те велень эрямосо. Арази арсинь мон, революциядо икеле, вишка раськень тейтерьавань вастомадо, конась тонавты эйкакшт эсь тиринь кельсэ? Зярдояк! А ней ансяк вейке Ковёлбуесэ зярыя кементь тонавтыцят, конат тонавтыть эйкакшт мокшонь кельсэ. А стака содамс, кодамо бу сынст эрямост улевель 1917 иень икеле».


Вант седе тов:[витнемс | витнемс лисьмапрянть]

Лисьм.:[витнемс | витнемс лисьмапрянть]

Лисьмапрят[витнемс лисьмапрянть]