Кеттунен, Лаури Эйнари
| Кеттунен, Лаури Эйнари | |
|---|---|
 | |
| чачома чись | таштамковонь 10 чи 1885[1][2] |
| Чачома тарка | |
| Кулома чись | даволковонь 26 чи 1963[1][2] (77 иеть) |
| Кулома тарка | |
| Мастор | |
| Важодема ёрокчизе | тонавтыця, филолог, университетэнь тонавтыця |
| казнеть ды медальть |
     |
 Лаури Эйнари Кеттунен | |
Лаури Эйнари Кеттунен (суом. Lauri Einari Kettunen, 1885 иестэ таштамковонь 10 чистэ, Йоройненсэ – 1963 иень даволковонь 26 чистэ, Хельсинки ошсо[3] t., чачоматарказо ульнесь пароход лангсо Стокгольмонь ды Хельсинки ошонь ютксо.[4]) – содавикс суоминь келень кортавкстнэнь ды Балтикань перька улиця финнэнь раськень кельтнень ванныця-содыця.[5] Кеттунен ульнесь Тартунь ды Хельсинки ошонь университетнэнь профессорокс. Ламо важодсь Финнэнь-угрань вейсэндявкссо.
Тонавтнемашказо
[витнемс | витнемс лисьмапрянть]Чачсь сокицянь-видицянь раськесэ Йоройненсэ. 1905 иестэ прядызе Куопионь финнэнь келень вейсэнь школанть. Теде мейле кармась тонавтнеме Хельсинкинь университетсэ, кото тонавтнесь финнэнь кель ды лия малавикс кельть. Тосо эйсэнзэ тонавтсь содавикс финнэнь келень содый, Э.Н.Сетяля профессорось.
Колмо тонавтнемаиень ютазь, 1908 иестэ, сон кармась бакалавракс финнэнь келень ды литературань коряс. 1912 иестэ сон кармась лицензиатокс ды иень ютазь идизе докторской диссертациянть.[6]
Академиянь важодемазо
[витнемс | витнемс лисьмапрянть]1914 иестэ кармась Хельсинкинь университетэнь финнэнь келень доцентэкс. Теде мейле важодсь Тартунь университетсэ Балтикань финнэнь келень малавикс кельтнень профессорокс 1920–1925 иетнестэ.[7] Теде мейле Кеттунен важодсь Хельсинкинь университетэнь финнэнь филологиянь факультетэнь пелькссэ. 1929 иестэ Кеттуненень лемдизь Хельсинкинь университетэнь Балтиянь финнэнь кельтнень профессорокс, те таркасонть сон важодсь 1938 иень видс. 1939 иестэ те тарканть лемезэ полавтозель: тензэ кармасть мереме эстэнь ды тензэ малавикс кельтнень прявткафедра. Те таркасонть сон важодсь пенсияс лисемас, 1953 иень видс.[8] Важодемань юткошкасто сон истяжо важодсь университетэнь тонавтыцякс Будапештэнь Eötvös-Collegium тонавтнема таркасо 1935–1937 ды 1941–1944 иетнестэ.[9]
Кеттунен ламо мель явсь Тиринь Келень Куронтень, Финнэнь-угрань вейсэндявксонтень ды Финнэнь Литературань Куронтень, тосо важодемантень.[10] 1959 иестэ Кеттунен сайсь Финнэнь Наукань Академиянь пельде арневть казне - (500 000 финнэнь маркат), кода содавикс Балтиянь финнэнь раськень кельтненень ванныця-содыця.[11]
Кеттуненэнь ульнесть эсензэ виев вановтонзо наукасо ды сон мольсь Лаури Хакулиненэнь вановтонзо каршо, саемга келень историянь кевкстематнесэ. [12] Кеттуненэнь видечизэ ульнесь кемекстазь седе тов, седе позда теезь наукань искувамосо.[13] Финнэнь келень ванстомань куросо улемстэ сон кирдсь седе либеральной ёнкс, аволь кода Хакулинен эли Эмиль Саарима, конанть тонавтомапусмозо - Вадря ды берянь финнэнь кель ульнесь Кеттуненэнь Вадря, олячинь финнэнь кель тонавтомапусмонть каршо молицякс.
Наукань коряс арднематне
[витнемс | витнемс лисьмапрянть]Финнэнь ломантненень малавикс раськетне, сынс культураст, эрямост ульнесь седеень тев Лауринень.[14] Важодеманть шкане Кеттунен ламо эрсесь Балтика иневедень чирева финнэнь келентень малавикс кельсэ кортыцятнень юткова, истяжо пурнась-ваннось сынст кельть. Кеттунен яксесь эстэнь, водень, вепсэнь, ливень ды карелэнь ломантнень юткова, истяжо Шведэнь Масторонь Вермландисэ, косо эрясть вирень финнт.[15]
Лаури Кеттунен ламо якась Суоми Масторонть перка 1920-иетнень песэ ды 1930-иетнесэ, пурнась-ваннось финнэнь келень кортавкстнэнь авейкетьксчитнесэ ды артсь кортавксонь карта. Важодемась ульнесь покш, секс мекс сонзэ арсемазо ульнесь кортамс эрьвань марто.[16][17] Сон кортнесь ломантнень марто аволь ансяк кудова, яксесь тюрьмаваяк ды лия таркатнева. Арднесь велетнева велосипедсэ, сокссо, мотоцикласо ды седе мейле машинасо. Важодемась прядовсь "Кортавкстнэнь картань" теевемасо, конасонть пурназельть 213 содавикс кортавксонь таркат. Седе тов нолдазь нурькиньгавтозь пусмос совавтозельть 64 картат.[18]
Раськезэ ды юткошказо
[витнемс | витнемс лисьмапрянть]Лауринь ды сонзэ нинзэ - Хильянь- ульнесь колмо эйкакшт, кавто эйстэдест кулость од шкасто.[19][20]
Научной важодемань юткошкасто сон вечксь беллетристика, сёрмалесь проза, валморот ды пьесат. Беллетристикань кой-кодамо пелькс Кеттунен сёрмалесь Toivo Hovi лементь ало. Сон ютавтынзе финнэкс эстэнь валморозеень Бернард Кангронь валморонзо ды сонсь сёрмадсь эстэнь кельсэ Südame Sillad валмороньпусмонть (1960).[21] Истяжо сон ульнесь теософиянь ёнов молицякс.
Сёрмадовксонзо
[витнемс | витнемс лисьмапрянть]- Vatjan kielen äännehistoria (1915)
- Viron ja suomen eroavaisuudet (1916)
- Virolais-suomalainen sanakirja (1917)
- Näytteitä etelävepsästä I (1920) ja II (1925)
- Eestin kielen oppikirja (1928)
- Suomen murteet I. Murrenäytteitä (1930)
- Suomen murteet II. Murrealueet (1930)
- Suomen murteet III. A. Murrekartasto ja B. Selityksiä murrekartastoon (1940)
- Lauseopillinen tutkimus vepsän murteista (1943)
- Tieteen matkamiehenä (1945)
- Tisza tulvii – Ilona, Ilona! (1945, Toivo Hovin nimellä)
- Tieteen matkamiehen uusia elämyksiä (1948)
- Hyvää vapaata suomea (1949)
- Suomen kielen ohjesanastoa (1949)
- Suutari Vilihunen (1950, Toivo Hovin nimellä)
- Lalli Lallonpoika (1960, Toivo Hovin nimellä)
- Matkapakinoita ja muita muistelmia 1925–1960 (1960)
- Kahdeksan matkaa Vermlannin metsäsuomalaisiin (1960)
- Eestiläis-suomalainen sanakirja, SKS, 1960
Кевень чаманькерявкст
[витнемс | витнемс лисьмапрянть]- Лаури Кеттуненень кевень чаманькерявкс Куопионь университетэнь стена лангсо (суом. Itä-Suomen yliopisto) Куопио ошсо (путозь 8.6.1991)
- Йоройненсэ Коскинховинь усадьбасо (10.8.1991)
- Эстэнь Масторсо, Тартунь университетсэ (5.9.1991)
- Шведэнь Масторонь Вормландисэ (12.7.1997).[22]
Лисьмапрят
[витнемс | витнемс лисьмапрянть]Невткеть
[витнемс | витнемс лисьмапрянть]Теде башка ловнодо
[витнемс | витнемс лисьмапрянть]- ↑ 1,0 1,1 Eesti biograafiline andmebaas ISIK (эст.)
- ↑ 2,0 2,1 Bibliothèque nationale de France идентификатор BNF (фр.): اوپن ڈیٹا پلیٹ فارم, платформа відкритих даних, платформа открытых данных, plateforme de données ouvertes, piattaforma di dati aperti, Opendata-Plattform, otevřená data platforma, åben-data-platform, տվյալների բաց շտեմարան, platforma za odprte podatke, plataforma de datos abierta, plataforma de dados aberta, платформа адкрытых даных, платформа на отворените данни, platforma otwartych danych, ашық деректер платформасы, ачык маалыматтарды платформа, açıq məlumat platforması, ochiq ma'lumotlar platforma, açık verilerin platformu, платформа отвореног података, platforma otvorenih podataka, platforma otvorenog podataka, platforma otvorených údajov, πλατφόρμα ανοικτών δεδομένων, platformu atklātā datu, platforma atvira duomenų, platvormi avatud andmete, avoimen datan foorumi, nyílt adatok platformja, პლატფორმა ღია მონაცემები, платформа за отворени податоци, нээлттэй мэдээллийн тавцан, platformă de date deschise, platformo de malferma datumoj, open data platform, плятформа адкрытых зьвестак, Усьтэм даннойёслэн платформазы, асыҡ мәғлүмәт платформаһы, açıq malümat platforması, açıq malümat platforması, ачык малюмат платформасы, öppen dataplattform, платформаи додаҳои боз, ачык кӧргӱзӱлердиҥ платформазы, гом бæрæггæнæнты платформæ — 2011.
- ↑ Uppslagsverket.fi Архивировазь 17 Ацамковонь 2013 иестэ. viitattu 27.12.2011
- ↑ Otavan Iso tietosanakirja, Otava 1967, osa 10, Kuolleita (ei sivunumeroa)
- ↑ Hänninen & Koponen, s. 3, 10
- ↑ Hänninen & Koponen, s. 11, 26
- ↑ Hänninen & Koponen, s. 16
- ↑ Hänninen & Koponen, s. 21, 78
- ↑ Kettunen 1960, s. 265, 278, 284, 352, 362
- ↑ Kettunen 1960, s. 318
- ↑ Kettunen 1960, s. 425
- ↑ ЛопаПарцун:Lehtiviite
- ↑ ЛопаПарцун:Lehtiviite
- ↑ Hänninen & Koponen, s. 7
- ↑ Hänninen & Koponen, s. 12–18, 23
- ↑ Kettunen 1960, s. 38
- ↑ Hänninen & Koponen, s. 59
- ↑ Hänninen & Koponen, s. 21, 43, 60
- ↑ Kettunen 1960, s. 252
- ↑ Hänninen & Koponen, s. 83–84
- ↑ Hänninen & Koponen, s. 25
- ↑ Саевксэнь ильведевкс: Неверный тег
<ref>; для сносокSavonkielenseura-histне указан текст