Ётамс сёрматфть няфтьфонц потмос (содержаниянцты)

Мордовия Республикась

Википедиясто материал - аорев содамкундосто
Россия Масторонь масторпелькс
Мордовия Республикась
мокш. Мордовия Республикась
руз. Республика Мордовия
Коцт Герб[d]
Коцт Герб[d]
Мордовиянь инелмаморо
54°26′ с. ш. 44°27′ в. д.HGЯO
Мастор Россия Россия
Куншка таркась Саран ош
Губернатор Здунов, Артём Алексеевич
История ды география
Покшолмазо
  • 26 200 квадратной вайгельпе
Шкань каркст MSD[d], Явропа/Моску[d][1] ды UTC+3
Эрицятне
Эрицятне
Цифровые идентификаторы
Код ISO 3166-2 RU-MO
Код ОКАТО 89
Код автом. номеров 13 ды 113
Официальной сайт​(руз.)
Мордовия Республикась на карте
 Аудио, фото и видео

Мордо́вия Респу́бликась (мокш. Мордовиясь, эрз. Мордовиясь)[2] — республика, Россия Масторонть вейкеть права марто субъект. Прявтошось — Саран ош.

Географической аштема тарказо

[витнемс | витнемс лисьмапрянть]

Республикась ашти Чилисема-Европейскоень валаня тарканть лангсо чилисема ёнксонть, чивалгома ёнксось ашти Йока-Дононь валаня таркаванть, тараказо — 26,2 тёжат вайгельпеть. Республиканть сехте вере тарказо — 324 м.

Пелевеёно Мордовиясь шабрацек ашти Обран ёнкс марто, пелеве-чилисема ёнга — Ветькень Мастор марто, чипеле ёнга — Пенза ёнкс марто, чивалгомава — Эрязянь ёнксонть марто.

Мордовиява чудить 114 лейть. Сехте покштне: Мокша леесь, Исса, Сивинь, Сатис, Вад чудильманзо марто ды Сурась — Ратор (Алатырь), Инсар ды Рудня чудильманзо марто. Истяжо Мордовиясо малав 500 эрькеть. Сехте покштне: Инерка ды Татарка.

Икелень эрямо кевкстемась

[витнемс | витнемс лисьмапрянть]

1928 иень кемкотово чистэ, Куншка-Равонь ёнкстнень потмсо, теезь Эрзямокшонь округось (кужось). Эрзянь Мокшонь Масторось (Мордовиясь) чачсь 1930 иень якшамковонь 10 чистэ кода явозь ёнкс, мейле сон теевсь Эсь Азорксчи марто (Автономной) Масторокс. 1934 иень ацамковонь комсеце чистэ лемдязь — Мордовской Автономной Советской Социалистической Республикакс. 1990 иень ацамковонь сисемце чистэ сон теезь — Мордовской Советской Социалистической Республикакс. 1994 иень комсьветееце чистэ неень шкас — Мордовия Республикась. Эрзянь ды Мокшонь Масторонь Конституциясь примазь 1995 иень таштамковонь комсьвейкеце чистэ Мордовия Республикань Конституциянь Промкссонть.

Эрицятнеде

[витнемс | витнемс лисьмапрянть]
Раськетьне конат эрить Мордовияссо

Мордовиясо неень шкасто эрить 808 888 лом. (2015 ие), 807 453[3] лом. (2016 ие). Мордовия Республикасо совить комськавтово велень буеть, вейке ошонь кужот ды кото буень кедь алов совиця ошт. Весемекс: 19 важодиця эрямот, ды 1 313 велеть. Ошонь эрицят — 61,22 % (2015 ие).

Мордовиясо эрить эрзят (чилисема ёнкссо) ды мокшот (куншка таркасо ды чивалгома ёнкссо).

Мокшотнеде сех ламо Атюрьбуень (90,27 %), Торбейбуень (62,55 %), Ташто Шайгабуень (59,48 %), Пейкужо буень (52,14 %) ды Ковёлбуень (51,72 %) ёнкстнэсэ. Эрзятнеде — Кочкурбуень (92,14 %), Тумобуень (86,4 %), Отяжбуень (84,72 %), Покш Игнадбуень (83,47 %), Орданьбуень (57,85 %) ды Покш Килейбуень (56,84 %) ёнкстнэсэ. Лия буетнева, кода Саран Ошонь кирьксэнть эрицятне рузт.

Сех ламо эрицятне лововить православиянь христианокс. Теде башка ламо эрицятнеде каить пряст мусульманонь кемемантень (магометянонь). Алкуксонь эрзятне кемить Эрзянь Кемема юртненень, ды алтыть оймест Инешкипазнэнь. Икелень шкасто эрьва эрзя раськенть-буенть ульнесь эсензэ прявтозо — Чиряз, конань лангсо ульнесть буень Эрзянь Чиряз, весень сынст перть-перькава пурныль Эрзянь Инязор. Васенце Ине Инязорокс ульнесь Тюштя. Сондензэ мейле сехте содавикс Инязорокс ульнесть Пургаз, кона аштесь Эрзянь Масторонть кисэ XIII пингестэ. Инязоронть икеле кочкильть эрзянь Покш чистэ — Эрзянь Раськень Озксо. Неень шкань эрямосонть, кочкасть Эрзянь Инязоро Пиргуж.

Масторонь прявт кельтне

[витнемс | витнемс лисьмапрянть]

Масторонь прявт келекс Мордовиясо лововить рузонь, эрзянь ды мокшонь кельтне.

2002 иестэ весе Россиянть келес эрицятнень ловноманть коряс эрзятнеде, мокшотнеде, каратайтнеде, тюрюханьтнеде ды шокшатнеде Россия Масторсо эрить малав 843350 ломаньть. Тиринь келенть содасызь эйстест 614260 ломанть, рузонь келенть содасызь 837534 ломанть. Эрзякс, 2002-це иень ловномасонть эрзякс пряст сёрмадызь 84407 ломанть, мокшокс — 49624. Кода невти ловномась (статистикась) эрзянь ды мокшонь эрицятнеде 1989 иестэ 2002 иес вишкиньгавтовсь 27%-с (1989 иестэ эрзятнеде ды мокшотнеде ульнесь 1 153 987 ломанть).

Васенцеде, наукань тевсэ эрзянь келень юронть ванькставтызе руз валтнэнь эйстэ эрзянь васенце профессор Рябовонь Анатолий Павлович .

Эрьва мезде

[витнемс | витнемс лисьмапрянть]

Неень шкасто Мордовия ловови аграрно-индустриальной регионокс, течинь чис саезь сон ашти вейке рядсо виев ды покш Россиянь предприятиятнень ютксо. Мордовиясо нолдавить электроника, экскаваторт, резинотехнической изделият, медицинань препарат, валдонь приборт, вагонт ды пельвагонт. Покш вирень площадьтне аштить юрокс чувтонь перерабатывающей промышленностьсэнть. Республиканть велень хозяйствасо кастовить модамарть, сахор якстерькайть ды лия эмежт. Покш тарка истя жо саи кудонь ракшань кастомась ды сывелень миемась.

Республикасо улить пек мазы таркат, тесэ ваставить тусто вирть, вирень степть, чеядавкст ды чуварт, лейть ды эрькть, поронь пандопрят ды раужо мода. Тесэ касыть тёжадо ламо куракшонь ды цецянь видт, эрить кавтосядто ламо нармунть ды малав котонькемень ракшат. Эсензэ мазычисэнзэ республикась мани иестэ иес седе ламо оймсицят.

Республикась ловови ламораськенекс, тесэ эрить эрзят, мокшот, шокшат, рузт, печкаст ды лиять, весе сынь эрить паро мельсэ ды оймсэ. Мордоявиясо ламо тонавтнемань, шкинемань ды оймсемань учрежденият.

Налксемат

[витнемс | витнемс лисьмапрянть]

Мордовиясь ламо иеть содави эсензэ налксицясо-спортменсэнзэ истямо видсэ, кода якамосо, стака атлетикасо, греко-римской бороцямосо, пауэрлифтингсэ ды спидвейсэ. 2004 иестэ васенцекс республикасо Михаил Мишин[4] сайсь сиянь медаль Афинэнь Олимпиадасо. Неень чистэ республикасо 500 ламо эйкакшт бажить саемс соревнованиясо призовой таркат спортивной якамосо, ды эряви меремс, ули кинь кис кенярдомс. Денис Нижегородов[5] ды Алексей Воеводин[6] 2004 иестэ теевсть сиянь ды бронзовой призерокс Олимпиадасо Афинасо. Спортонь якамоcо содавиксэвть Ольга Каниськина[7] ды Валерий Борчин[8], конат 2008 иень Пекинэнь Олимпиаданть Чемпионтт.

Мордовиянь тонавтнемань таркат

[витнемс | витнемс лисьмапрянть]
  • Республикасо тонавтнемань 9 версе заведеният (вере тонавтнема тарка). Сынст прявтсо Мордовиянь Н. П. Огарёв лемсэ государственной университетэсь. Панжозь 1931-це иень ожоковонь 1 чистэ кода педагогической институт. 1957-це иень ожоковонь 2 чистэ саезь университет. Ней эйсэнзэ 14 факультетт ды 7 институтт, конатнесэ тонавтнить 35 тёжадо ламо студентт. Равчирень классической вузтнэстэ сехте покш, сови национальной исследовательской университеттнэнь юткс.
  • Мордовиянь М. Е. Евсевьев лемсэ государственной педагогической институтось теезь 1962-це иень медьковонь 30 чистэ. Ней эйсэнзэ 7 факультетт, конатнесэ тонавтнить малав 6 тёжат студентт. 2004-це иестэ Рособразованиянь рейтингсэ масторонь 78 педагогической вузтнэнь ютксо саизе 36-це тарканть.
  • Россиянь кооперациянь университетэнь Саранскоень кооперативной институтось теезь 1976-це иень таштамковонь 23 чистэ. Эйсэнзэ тонавтнить малав 7 тёжат студентт. Тонавтнемась ветяви истямо лувсо: лицей — техникум — вуз. Кооперативной техникумось аноксты специалистт 5 специальностень коряс, высшей образования максови 4 специальностень коряс.

Мордовиянь буетне

[витнемс | витнемс лисьмапрянть]

Ней Мордовиясо 22 буеть ды республикань кедь ало 3 ошт (Саранск, Рузаевка, Ковёл ош).

Буень ланкс явомась Мордовиясо
  1. Орданьбуе
  2. Атюрьбуе
  3. Отяжбуе
  4. Покш Килейбуе
  5. Покш Игнадбуе
  6. Тумобуе
  7. Кузбуе
  8. Пейкужо буе
  9. Инесаро буе
  10. Ицялонь буе
  11. Кадоньбуе
  12. Ковёлбуе
  13. Кочкурбуе
  14. Якстерекуро буе
  15. Лямбирьбуе
  16. Оразайбуе
  17. Рамаданбуе
  18. Ташто Шайгабуе
  19. Чополтбуе
  20. Теньгушбуе
  21. Торбейбуе
  22. Чаунзабуе

Лисьмапрят

[витнемс | витнемс лисьмапрянть]
  1. ↑ https://data.iana.org/time-zones/tzdb-2021e/europe
  2. ↑ Оба названия являются официальными и равнозначными согласно Конституции Республики Мордовии, ст. 1, п. 2 (руз.)
  3. ↑ Оценка численности постоянного населения на 1 января 2016 года и в среднем за 2015 год. (руз.)
  4. ↑ «Советская Сибирь». ВЗЯВ «СЕРЕБРО» В ОБЩЕКОМАНДНОМ, МЫ УСТУПИЛИ ЛИШЬ МОСКВЕ Архивировазь 23 Ожоковонь 2020 иестэ. (руз.)
  5. ↑ Runners.ru. Денис Нижегородов: дело в так называемой «гусиной лапке» (руз.)
  6. ↑ "Редакция еженедельной газеты «Столица С». «Я был не меньшим героем, чем Денис Нижегородов» (руз.)
  7. ↑ ТАСС. Олимпийская чемпионка по спортивной ходьбе Ольга Каниськина завершила карьеру (руз.)
  8. ↑ «Спортбокс». Пекин-2008: Для Борчина золотая медаль стала сюрпризом (руз.)


link=commons:{{{Викиутом}}} Мордовия Республикась Викиутомсо


Суоми-угрань масторт ды аулькедьалот
Мадьяронь Масторось • Суоми Масторось • Эстэнь Масторось

Россия Масторсо:

Карелия Масторось • Коми Масторось • Мари Масторось • Мордовия Масторось • Удмуртонь Масторось • Хантонь-Мансинь аулькедьало кужомасторось
 


Россия Масторонть Равчирева федерациянь кужось Россиянь коцтось
Башкирия | Маринь Мастор | Мордовия | Печкасонь Мастор | Удмуртия | Пермень край | Кировонь ёнкс | Обранонь ёнкс | Оренбургонь ёнкс | Пенза ёнкс | Самара ёнкс | Саратов ёнкс | Ульянонь ёнкс| Чувашонь Мастор
Саезь "https://myv.wikipedia.org/w/index.php?title=Мордовия_Республикась&oldid=149478"-стэ