Эстэнь раськень айгема

Википедиясто материал - аорев содамкундосто

Эстэнь раськень айгема (историографиясо вастневи кода Сыргозема шка эст. Ärkamisaeg) — те культурань, политикань ды историянь ёндо процесс, конань кувалт эстэнь ломантне кармасть марямо эсь прясост кода раське, конань ули прават кочксемс эсь ки ды лув. Те процессэсь кармась малава 1850 иетнестэ, зярдо эстэнь ломантненень макссть седе ламо прават ды поладовсь 1918 ие видс, кода Эстэнь масторось кармась улеме лиядо башка масторокс.

Карл Роберт Якобсон

Истя жо кой-зярдо лемдить 1987-1988 иетнень Советэнь Эстэнь масторсо.

Сень лангс апак вано, што эстэнь раськень эсь прянзо марямось ушододсь XIX пингестэ[1], кой-кодат тешкст эсь этнической ёндо марямсто ульнесть теде икелеяк. XVIII пингень песэ eestlane эсь прянь лемдемась сравтовсь Эстэнь масторга ташто maarahvas лементь марто. Се шкане Эстэнь масторось аштесь Российской империянь пельксэкс.

Библиянь ютавтовксось эстэнь кельс нолдазель 1739 иестэ, эстэнь кельсэ ловномапусмотне кассть 18-стэ 1750 иетнестэ 54-с 1790 иетнестэ. Пингень прядовомас пельде ламо касозь сокицятнеде-видицятнеде маштсть ловномо. Васенце университетсэ тонавтозь ломантне, конат марясть эсь прясост эстэкс, ульнесть Фридрих Роберт Фельман (1798—1850), Кристьян Яак Петерсон (1801—1822) ды Фридрих Рейнхольд Крейцвальд (1803—1882). Вийкирдий ломантне ульнесть немецть, кода келень истяжо культурань ёндо. Балтиянь немецень келень сёрмадыцясь Гарлиб Меркель (1769—1850) ульнесь васенце эстфилэкс, конась ловсь эстень ломантнесэ истямо жо раськекс, кода лияткак.

Сон кармась эстэнь раськень айгемань ушодыцякс, конась сайсь немецень культуранть, кода сень, мезень лангс эряви молемс ёнов. Ансяк, пингень куншкасто истят эстэнь лидертнэ, кода Карл Роберт Якобсон (1841—1882), Якоб Группа ды Йохан Вольдемар Яннсен (1819—1890) кармасть максомо эсь вайгель ды велявтово финнэнь ёнов. Финнэнь раськень айгемась се шкане мольсь пек вадрясто, ды тувака латыш шабратненень ёновкак.

Покш культурань кепедемакс кармась 1862 иестэ «Калевипоэг» валморонть нолдамось ды 1869 иестэ васенце морамонь фестивалень теемась. 1860 иетнень песэ эстэнь масторонь ломантнень уш арасель мелест улемс немецень культурань ды политикань гегемониянь ало. Российской империянень ёжомарямост ульнесть вадрят 1880-1890 иетненсь видс, кода кармась рузыявтомань политикась.


Примечания[витнемс | витнемс лисьмапрянть]

  1. Gellner, Ernest (1996). «Do nations have navels?» Nations and Nationalism 2.2, 365—370.

ЛопаПарцун:Национальное возрождение ЛопаПарцун:История Эстонии