Эрзянь букварь

Википедиясто материал - аорев содамкундосто
Перейти к навигации Перейти к поиску

Эрзянь букварь (руз. «Букварь для мордвы-эрзи с присоединениiемъ молитвъ и русской азбуки») — те васенце букварь, кона ульнесь нолдазь эрзятьнене.

Нолдыцясь[витнемс-петнемс | витнемс-петнемс лисьмапрянзо]

Анокстызе Авксентий Юртов Н. Н. Ильинскоень братстванть лездамонзо вельде. Сон нолдазель 1884 иестэ (печатьс максозель 1884 иень умарьковсто), Казань ошсо.
Букваренть анокстамозо, сонзэ печатьсэ лисемазо сюлмазель Святой Гуриень братстванть марто (Казань ош), прявтокс сонзэ ульнесь Н. Н. Ильминский. «Братствась» панжозель Казаньсэ 1868 иестэ, сонензэ эрявсь теемс «инородецтнэнь» христианокс аволь ансяк лемень, но истя жо мелень-арсемань коряс, ванськавтомс сынст превест магометанствадонть ды язычествадонть (эрзянь пазоньте кемема). Казанень тонавтнема куронь попечителесь П. Д. Шестаков сёрмадсь:

«Васня инородецтнэнь тонавтомачинть ды духовной кемекстамочинть эряви ветямс раськень кельсэ семс, зярс сынь а кармить содамо рузонь келенть истя — теде мейле а стака улевель тонавтнемс эйкакшонтень рузонь школасо. Но рузонь келеськак парсте тонавтневи ансяк раськень келенть вельде».

Шкань ютазь Святой Гуриень братствась ушодсь «таркань» кельтнесэ пазнэнь кемевтиця книгань нолдамо. П. Д. Шестаковонь мелензэ-арсеманзо коряс Равонь вакска «таркань» кельтнесэ рузонь кельстэ ютавтоманть эряви ветямс-теемс рузонь алфавитсэ.

Эсензэ эрямонь васенце кеветее иетнестэ братствась нолдась-ливтсь валдочис комсь кельсэ книгань цела библиотека, сынст ютксо эрзянь ды мокшонь кельтнесэяк — "История, 1880, э. ", «Букварь, 1884, э.», «Букварь, 1892, э.», «Учебник русского языка, 1892, э.». Мокшонь букваренть теке жо миссионерской братвась нолдызе 1892 иестэ. Сон малав весе эрзянсенть кондямо, эйсэнзэ ансяк виевгавтозь рузонь пельксэсь, максозь лотксема тешкст, числительнойть, христианской лемть.

Структуразо[витнемс-петнемс | витнемс-петнемс лисьмапрянзо]

Букваресь кавто пельксэнь. Васенцесэнть (вейкестэ саезь комськавксоце пунктс) максовит 34 букват, конатне аравтозь дидактикань вешемань коряс — а, л, к, о, с, р, т, у, н, ы, п, ш, м, д, в, з, ч, г, б, ж, ф, ө, э, ь, и, я, е, ё, ю, й, ц, ъ, i, х (рузонь графиканть мельсэ кирдезь) — лемдезь руз. «Букварь для обучения мордовских детей грамоте».
Валксонть песэ калгодо-чевте парной согласнойтне невтевить ъ, ь буквасо.
Саемга: калъ, kal «рыба» — каль, kal «ива», карксъ, karks «пояс» — карькс, kar’rs «опора». Ветеце пунктсто ушодозь максовить рузонь валт и апокшке валрисьметь. Комьснилеецестэ — весе эрзянь валрисьметне ютавтовить рузонь кельс, седе тов васенцекс аравтови рузонь валрисьме, мельганзо — эрзякс ютавтозесь.
Азбуканть мельга аравтовить кавто эрзянь морот «Ракша ды соколъ» ды «Васюта». Сынь ютавтозь рузонь кельс. Прядови пельксэсь молитвасо ды кемень заповедьсэ (сынь максовить эрзянь ды рузонь кельсэ).
Букварень омбоце пельксэсь (теньсэ прядови) — алфавитэнь коряс аравтозь рузонь графикась (кезэрень лем марто букватне).

Сёрм[витнемс-петнемс | витнемс-петнемс лисьмапрянзо]