Юртов, Авксентий Филиппович

Авксентий Юртов
Авксентий Юртов
чачома лем	Авксентий Филиппович Юртов
чачома чись	эйзюрковонь 4 чи 1854, 8 (20) даволковонь 1854 эли даволковонь 20 чи 1854
Чачома тарка	Калейкино[d], Мензелинский уезд[d], Оренбургская губерния[d], Россиянь империясь;
Кулома чись	чадыковонь 20 чи 1916 (62 иеть)
Кулома тарка	Ильтеряково[d], Уфимский уезд[d], Уфимская губерния[d], Россиянь империясь;
Мастор	Россиянь империясь;
Важодема ёрокчизе	тонадей
	Авксентий Филиппович Юртов

Юртов Авксентий (руз. Авксентий (Арсентий^[2]) Филиппович Юртов, 1855 даволковонь 20 чи Уфань губерниянь Калейкина велесэ – 1916 панжиковонь 1 чи) — эрзянь кельсэ васенце букварень нолдыцязо^[2] (1884 иестэ). Бачка. Эрзя^[3].

Чачсь 1854-це иень даволковонь 20 чистэ (8-це чистэ ташто стильсэ) Уфань губерниянь Мезелинань уездэнь Акташонь волостень Калейкина велесэ (ней Татаронь Республикань Альметьевскоень буе). Тенязо-авазо прявтмасторонь сокицяльть-видицяльть, бояронь локшо эзть сода, семияст покшоль. Авксентий цёракаесь превеель, чарькодицяль, пек бажась содамочинь валдоньтень. Покш назойчинзэ кувалма кучозель тонавтнеме Казанев церьковасо лемдязь печкасонь школав.

Тесэ сонзэ редизе сонсь Н.И. Ильминский, кона панжовтызеяк те школанть. Мейле сынст — тонавтыцянть ды тонавтницянть — ламо иес сюлминзе кеме ояксчи. Тенень кемевтить вейкест-вейкест туртов сёрматне, конат ванстовсть Казанень архивсэ.

Зярдо казаньсэ панжовсь лияраськень (инородецэнь) тонавтыцянь семинариясь, А. Юртов — эрзятнестэ васенцекс кармась тонавтнеме тосо. Семинариясо содамочинь таштамода Юртов ютавтнесь тиринь кельс церьковань кирьяпусмот, пурнась эрзянь оршамопельть, фольклоронь сюпавчить. 1876-це иестэ сон прядызеть тонавтниманть ды ульнесь кадозель тоско тонавтыцякс. Ламо якась эрзянь велетнева, вешнесь Казанев тонавтнеме превей ды ёроков эйкакшт. Весемикс важодсь семинариясонть сисем иеть. 1883-це иестэ сонзэ полавтызеть Макар Евсевьевич Евсевьев тонавтницязо. Сонсь Авксентий Филиппович тусь важодеме Самаронь губерниянь Сыре Бесовка^[3] велень школав. Тесэ сон тунь од ладсо ладизеть тонавтома тевенть: сёрмадомадо ды цётома башка кармась ветямо морамонь, артомань, аволь классо ловномат. Эрявикс кирьяпусмосо лездась тензэ Н.И. Ильминский. Цёрковань пире удалов пакшатньнень марто озавтсь вирьпуло. Вастневсь-кортнесь эрицятнень марто, ловнось тенст кирьяпусмот, сёрмалесь пельдест морот, ёвкст, ёвтамот, содамоёвкст, валмеревкст, валъёвтавкст ды раськень кельвалонь лия сюпавчить.

1889-це чистэ А.Ф. Юртов урьвакстсь. Никс саизе Самарань епархиянь училищань трянь-кастонь тейтеренть Березовская Аннань. Секе иестэнть сынь тусть эрямо мокшонь Сыре Бинарадка велев, ков Авксентий Юртов кучозель учителекс. Мокшонь келенть сон содылизеть а пек, секс тонавтомс тензэ стакаль. А шождаль эрямозояк: властень кирдейтне а пек мелявтсть «лияраськень» школань тонавтыцятнеде. Теде башка веленть ланга ютась ёндол ды пурьгине марто човор виев давол, сон тюшумбар нолдызе школантькак, Юртовнень эрямо кудосткак. Палсть Авксентий Филипповичень веси кирьяпусмотне, конёвонзо, ды 1891-це^[2] иень кизна сон полавтсы тонавтыцянь тевенть церковасо служамонть лангс: яволявтсь эседензэ Пазнэнь кемемань ёжось, кона совась эйзэнзэ Казанень семинариясо тонавтнемстэ.

Видео

Видео Народы Башкортостана. Мордва

Лисьм.

↑ ^1,0 ^1,1 ^1,2 Педагоги и психологи мира (руз.) — 2012.
↑ ^2,0 ^2,1 ^2,2 «Национальная библиотека Республики Карелия». Авксентий Филиппович ЮРТОВ. Республика Мордовия (руз.)
↑ ^3,0 ^3,1 «МРОКМ им. И.Д. Воронина» К юбилею А.Ф. Юртова Архивировазь 13 Эйзюрковонь 2017 иестэ. (руз.)

[_bea7266a29c27010-1] 1,0 ^1,1 ^1,2 Педагоги и психологи мира (руз.) — 2012.

[НБРК_ЮРТОВ-2] 2,0 ^2,1 ^2,2 «Национальная библиотека Республики Карелия». Авксентий Филиппович ЮРТОВ. Республика Мордовия (руз.)

[МРОКМ_К_юбилею_ЮРТОВ-3] 3,0 ^3,1 «МРОКМ им. И.Д. Воронина» К юбилею А.Ф. Юртова Архивировазь 13 Эйзюрковонь 2017 иестэ. (руз.)

[1]

[2]

[3]