Хантт

Ха́нтт (руз. ханты; хант. ханти, хандэ, кантэк;икеле лемдильть — остяки́) — суоми-угрань раське Урал-юкагирэнь покш семияньте совиця, кона эри пелеве ёнксо Чивалгома Сибирьсэ.

Весемикс хантнеде 28 678 ломаньть (2002 иень ловноманть коряс), эйстэст 59,7 % эрить Югра Масторсо, 30,5 % — Ямал Масторсо, 3,0 % — Томскоень ёнксо, 0,3 % — Коми Масторсо.

Ханттне кортыть хантонь кельсэ, кона мансинь, мадьяронь кельтнень марто совави суоми-угрань келень семияньте.