Терез Карач

Википедиясто материал - аорев содамкундосто
Перейти к навигации Перейти к поиску
Терез Карач
Портрет
Важодема ёрокчизе : педагог, сёрмадей, активист
Чачома чись: чадыковонь 18 чи 1808({{padleft:1808|4|0}}-{{padleft:4|2|0}}-{{padleft:18|2|0}})[1]
Чачома тарка: Будапешт ош, Мадьяронь Мастор
Мастор: Flag of Hungary.svg Мадьяронь Мастор
Кулома чись: ожоковонь 7 чи 1892({{padleft:1892|4|0}}-{{padleft:10|2|0}}-{{padleft:7|2|0}})[1] (84 иеть)
Кулома тарка: Бекеш[d], Бекеш[d], Мадьяронь Мастор

Терез Карач (мад. Teréz Karacs; чачсь 1808 иестэ чадыковонь 18 чистэ – кулось 1892 иестэ ожоковонь 2 чистэ) — Венгрань масторонь сёрмадыця, тонавтыця, истя жо сёрмадсь лецнемат ды важодсь тейтерьаванень праватнень максомань кисэ. Сон ульнесь васенцекс Венгрань масторсо, кие кармась кортамо тейтерьавань правадо. Теде башка кортась весеменень социальной правань максомадо. Сон ашти содавикс Венгрань сёрмадыцятнень ютксо, конатне сёрмадсть се шкань Венгрань масторонть эрямодо. Сон ульнесь пионерокс тейтерьаватнень тонавтомасо: тейсь «Зринь Илона Грамматикань тонавтома тарка» Венгриясо.

Эрямозо[витнемс-петнемс | витнемс-петнемс лисьмапрянзо]

Карач чачсь Будапештсэ 1808 иестэ чадыковонь 18 чистэ. Сонзэ авазо – Ева Такач – ульнесь адвокатокс, конась важодсь тейтерьавань праваст кувалт. Сонзэ тетязо - Ференц Карач – ульнесь инженер. Сынст кудост ульнесь интеллектуалонь пурнамо тарка. Терез ульнесь омбоцекс кото эйкакшнень ютксо.

Тонавтнемазо ушодовсь Пешт школасо 1814-1819. Мейле сон тонавтнесь сонсь.

Кемень ковт сон ульнесь Венасо, 1824 иестэ. Те ардомась велявтызе од тейтеренть оймензэ.

Се шкане Венгрань масторсо тейтерьават кода профессиональной сёрмадыцят меремс арасельть. Сень лангс апак вано 1822 иестэ саезь Терез нолды новеллат, поэмат ды лият сёрмадокст. Куроксто сон теевсь содавиксэкс Венгрань масторсо. 1838-1844 иень перть сон важоди сюпавонь кудосо тевень ветицякс. Теке шкане яла а кады сёрмадомань тевенть. Кода авазояк сон кармась вадожодеме тейтерьавань адвокатокс. Сон пек ламо мельть-арсемат яви тонавтома тевтнень: тейтерькат, коды цёракайнетнеяк эряви тонавтомс - сынст вейкеть праваст. Бланка Телеки баронессась сёрмадсь ды тердизе Терезэнь Будапештов. Сонзэ ульнесь мелезэ теемс Терезэнь тейтерькань аристократиянь школань тонавтыцякс. Терез эсь карма, ялатеке пек лездась Телекинь важодемантень. Эсензэ таркас сон тердизе лия тейтерьавань – Клара Леовейень. 1846-1859 иетнень ютксо сон ветясь эсь тейтерьшколанзо Мишкольтсэ. Те школасонть ульнесть 4 тейтерьават – тонавтыцят. Тонавтомась мольсь 3 иеть. Школасонть тонавтсть: венгрань, немецень кельть, арифметика, кудонь ветямо тевть ды викшнема. Секень шкане 1848 революциянь икеле сон явшась важодицятнень ютксо революциянь кулялопань копият. 1853 иестэ лиссь сонзэ нурькине романтической ёвтнемат. 1865-1877 иетнестэ важодсь кудосо тонавтыцякс, Будапештсэ. Сонзэ содавиксчизэ ульнесь покш ды секскак сон ульнесь тердезь тонавтыцякс Луис Филиппень королень нуцьканзо туртов. 1859 иень видс ульнесь «Зринь Илона Грамматикань тонавтома тарканть» прявтокс. 1880 иень перть нолдазельть сонзэ лецнеманзо. Сон кулось 1892 иестэ ожоковонь 2 чистэ Берешсэ, Венгрань мастор.

«Зринь Илона Грамматикань тонавтома таркась» важоди течемечис. 1993 иестэ лиссь Терез Карачень эрямодонзо ёвтнема. 1985 иестэ панжозель лия школа, конантень макссть Терез Карачень лем.

Лисьмапрят[витнемс-петнемс лисьмапрянзо]

  1. 1,0 1,1 Teréz Karacs (1808-1892) — 2011.