Пулай
| Пулай | |
 | |
 Пулай |
Пулай (пулакш[1], пулагай[1], пулокаркс[1], pulagaj[2], pulagaj-koċomka[2], pulakš[2], pulakšḱe[2]) — те эрзянь аваломанень оршамопель.
Сонзэ эйстэ[витнемс | витнемс лисьмапрянть]
Канесть сонзэ панар ды покай ланга, кона-кона таркатнесэ руця ланга[3]. Сонзэ оршилизь 13 -14 иесэ ды кандтнесть куломозост[4] . Пулайтеме тейтерь-авантень эзь мереве лиснемс ломань сельме икелев, сон лововсь пельсштапокс.
Пулайтне ульнесть истякчинь ды Покшчинь[5]. Истякчинсесь а вельть мазыель, тень кис покшчинсесь цитнесь эрьва кодамо тюссо. Пулаесь оршавиль карксамова, вельтиль эчке пукшотнень.
Покшчинь пулаентень мазылгавтомань кис стакшныть кшнинь ярмакт. Бути ярмакт арасть, тевс туить ашо эли тюжа тюсонь кшнинь бляшкинеть, вейкеть мазый плаштят. Пулаенть кавто пельга понгавтовить якстере ды пиже цёкот. Цёкопрянть эрзянь аватне кекшилизь кодавкске потс. Теде башка цёкотнень ды сурепулотнень эрзяватне мазылгавтнесть ашо тюсонь човалясо.
Вастневи[витнемс | витнемс лисьмапрянть]
валксо[витнемс | витнемс лисьмапрянть]
валморосо[витнемс | витнемс лисьмапрянть]
Ашо коцтот каик ругнут ланга,
Комбо ставкссо кемельдик-викшник,
Прязот путык чачиця ков-пангот,
Ды пулаеть[1]човолясо стык.
шнамо моросо[витнемс | витнемс лисьмапрянть]
Ши валда, Мордовия, седистот сай,
Ши валда, Мордовия, сельмосот палы, юрнай,
Россиять мяшться мокшень сияста сюлгам,
Россиять карксэземса эрзянь зырняста пулай [6].
Шумбрат! Шумбрат, Мордовия!
Гайняк! Гайняк, Мордовия!
Фотокувт[витнемс | витнемс лисьмапрянть]
Вано истяжо[витнемс | витнемс лисьмапрянть]
Лисьмапрят[витнемс лисьмапрянть]
- ↑ 1,0 1,1 1,2 1,3 «Котова таргазь монь палям...» / Л.Ф. Игнатьева, Маризь Кемаль. — Саран ош, 2019. — 88с. — Мордов.-эрзя яз. ISBN 978-5-98344-583-3(эрз.)
- ↑ 2,0 2,1 2,2 2,3 2,4 2,5 H. Paasonens Mordwinisches Worterbuch (Lexica Societatis Fenno-Ugricae XXIII,3), Helsinki, 1994 ISBN 951-9403-69-8 (нем.),(мокш.), (эрз.), (руз.)
- ↑ «Чилисема» 2004 ие №3, 18 лоп. (эрз.)
- ↑ Мордовский национальный костюм: Альбом /Сост. и авт. текста: Т.П. Прокина, М.И. Сурина; Сост. каталога: Л.Т. Артамошкина, Л.Л. Домрачева, Т.П. Прокинь, М.И. Сурина; Худож. А.Г. Свердлов; Цвет. съемка Н.Е. Ревизова; Карты и рис.: Т.П. Прокиной, М.И. Суриной; Редкол.: Н.Ф. Мокшин (председатель), В.А. Балашов, Н.Ф. Беляева. — Саранск: Мордов. кн. изд-во, 1990. — 384 с. ISBN 5-7595-0288-3 (руз.)
- ↑ «Чилисема» 2004 ие №4, 15-18 лоп. (эрз.)
- ↑ [https://turizmrm.ru/anthem Туристско-информационный центр Республики Мордовия // ГИМН РЕСПУБЛИКИ МОРДОВИЯ ] Архивировазь 28 Сундерьковонь 2020 иестэ.(мокш.), (эрз.), (руз.)