Парь

Википедиясто материал - аорев содамкундосто
Перейти к навигации Перейти к поиску
Эрзянь партне, конат пурназь Иваньбиёнь эрзянь культурань музейсэ

Эрзянь парь, эрямонь парь — каразь эчке пекшень кандосто.

Те кезэрень эрзявань кедьёнкс. Эйсэнзэ кирдильть коцт, авань панарт, понань штердема ды викшнема кедьёнкснэнь. Паренть теилизь эрзянь семиясо, кодак чачиль тейтерне, эрьвантень эсензэ парь. Полань саеманть ды ладямонть шканть видс – те сонзэ приданка, лиякс сонензэ мерить «эрямонь парь» (поланть мирдене саильть паренть марто). Вана кода теде сёрмадозь «ЛИТОВА» ёвксонть:

Сон пешксе эрямонь парьде[1]. Парьтнесэ эрьва кодат коцт: лияназонь, мушконь, парсеень, бархатонь, парчань.


Сэрезэ метрань видс, кодак 80 см седе аламо лемдить парька. Вере пекстави лаз песэ. Паренть ланга теильть-сёрмадыльть тешкст: чи, касмо ладсо «кузнеть»[2], геометриянь эрьва кодат пурнавкст, толкунт — те весе вейсэ пурнави эрзянь арсема, озновома, мазычинь кандома.

Парьтне, конат молильть кудоютконь тевс теильть тешкс теме, ансяк путыльть буень тешкс, истя неявиль кинь мельга те паресь ашти.


Кодат ульнесть парьтне[витнемс-петнемс | витнемс-петнемс лисьмапрянзо]

  • «эрямонь парь»
  • парь почтонь ды ямксонь кирдеме
  • чапакс парь
  • пивтень парь
  • нешке парь


Сёрм.[витнемс-петнемс | витнемс-петнемс лисьмапрянзо]

  1. УРОКИ ДЛЯ ТЕХ, КТО ХОЧЕТ ИЗУЧАТЬ ЭРЗЯНСКИЙ ЯЗЫК (руз.), (эрз.)
  2. URALISTICA Эрзянский ЭРЯМО ПАРЬ - уникальный предмет культуры Эрзя народа.(руз.)