Лияназ

Википедиясто материал - аорев содамкундосто
Лияназ
Тонань лем
Омбомасторонь тонань лем

Línum L., 1753


Систематикась
Викилувтнесэ

Артовкст
Викиутомсо
ITIS  29201
NCBI  4005
IPNI  24945-1

Лияназ[2],[3], сюс (лат. Línum, руз. Лён) — те ве, эли ламо иень тикше Лияназонь семиястонть (Linaceae).

Лияназонь, канстень ды пиципалаксонь нетьксэзэ колмо пельксэнзэ: кедне, потсто пелькс ды ютксо пелькс, кона ашти кедненть марто лубяной слоенть ютксо. Тосо аштить керень волокнатне - сэльгесь.

Слойтне, конат ашти чувтонть ланга, мерить керь (руз. луб). Керень сантнэва молить весе андома (органической) веществатне, конат теевить лопасо. Керень волокнатне аштить нетьксэнь нежекс. Не сэльгенть кис кастытькак штердема тикшенть: лияназ, кансть, кенаф, канатник, кендырь.

Касома тарказо[витнемс | витнемс лисьмапрянть]

Лияназось — пелеве ёнксонь летьке буень культура. Лияназ виднить лембеёнояк, ансяк тосо виднесызь сонзэ видьметнень кис, конасо ламо ой, аволь сэльгенть кис. Лембеёно касыця лияназонть (руз. лён — кудряш) нетьксэнзэ пек раштнить, секс а пек маштовить сэльгекс (мушкокс). Кувака, човине ды аволь пек тарадов олго марто алкуксонь лияназось— (руз. лён долгунец) — касы седе пелеве ёно таркатнесэ - Московонь, Чивалгома ёнксонь, Ленинградонь ды кой-кона лия ёнкстнэва.

Эмеж[витнемс | витнемс лисьмапрянть]

Эряви меремс, лияназонть эмежезэ — куймезэ овсе а панжтыть, видьметне эйстэнзэ а чудить. Те пек паро ёнксонзо ломанесь кастызе кувать кочксезь. Кудоютконь лияназонть идем роднянзо куймест лазновить, сынсь панжтыть.

Анокстамозо[витнемс | витнемс лисьмапрянть]

Лияназонь вейсхозтнэсэ малав весе тевтнень теить неень шкасто тракторсо ды машинасо. Механизировазь ней лияназонь чалгамоськак, кода мерить васень тейнемась. Калгосто явозь сэльгесь моли текстильной фабрикав, косо эйстэнзэ теить лияназонь коцт. Истя жо теить машинас приводной кшнат, истя жо лияназонь кодстсо чавныть автомобильть.

Содат-арась[витнемс | витнемс лисьмапрянть]

  • Ве гектар лангс эрявить лияназонь видметь — 170 кг улиндеряйть сынь ванькст ды парсте лисицят.
  • Кие лезды ведьс ваявтозь лияназонь наксавтомсто? (Бактерия)

Ванодо[витнемс | витнемс лисьмапрянть]

Сёрм.:[витнемс | витнемс лисьмапрянть]

  • Ботаника: средней школасо тонавтнема книга: 5-6 иеть. Омбоце нолдавкс, витнезь. Сёрмадызеть Б. В. Всесвятский. Эрзякс сёрмадызе Т.И. Данилов цы лият. РСФСР-энь Наркомпроссо кемекставт тонавтнема книганть эрзякс сёрмадовксозо кемекстазь Мокш-эрзянь Облоносо. Педагогикань ды тонавтома книгань государствань издательствась. Москов. 1934

Лисьмапрят[витнемс лисьмапрянть]

  1. Об условности указания класса двудольных в качестве вышестоящего таксона для описываемой в данной статье группы растений см. раздел «Системы APG» статьи «Двудольные».
  2. Русско-эрзянский ботанический словарь (названия сосудистых): Ок. 1600 назв. /А. М. Гребнева, В. В. Лещанкина.— Саранск: Тип. «Крас. Окт.», 2002.— 60 с.— Рус, эрзян. ISBN 5-7493-0433-7.,(латин.), (руз.), (эрз.)
  3. Русско-эрзянский словарь / М-во образования и науки РФ, МГУ им. Н. П. Огарева ; [сост. : О. Г. Борисова и др. ; ред. М. В. Мосин] / О. Г. Борисова, М. Н. Живаева, Н. В. Казаева, А. М. Кочеваткин, М. В. Мосин, С. Г. Моторкина, Г. В. Рябова. – Саранск : Тип. «Крас. Окт.», 2012.– 624 с. ISBN 978-5-7493-1654-4(руз.),(эрз.)