Пазморот

Пазморо — те сехтэ кезерень моротне-теевксне. Пазморо валось теевсь: паз ды моро валттнестэ.

Пазморотнеде

Кине сынь моравильть васенцеде? Васняяк, паз-аватненень — Кудаватнень, Ведяваньтенть, Нороваваньтень ды веси лиятнень ломаненть кемеманзо юрсо. Кемсь сон валонь виентеньгак: весементь, мезе веши, макссызь тензэ тоначиньвийтне ды кезэрень покштятне-бабатне:

Норовава, матушка!
Норовава, корьмакай!
Лездака, Норов, лездака,
Кемекстак, Норов,  кемекстак,
Тевс-илас затеинек,
Ломань прянь рамамс пурнынек. 

Васень тарканть пазморотнесэ саить энялдоматне. Седе пек сынь алтневить пазтнэнень, конатнень пельде ломанесь вешсь сехте эрявиксэнть.

Пазморотне морсевсть ковкерьксень коень шкастояк, мезесь корты сынст вейсэнь юрдост, мунямонь юрдост.

Пазморотнень явомаст

Эсест тевест-смустест коряс пазморотне явовить кавто пельксэв:

• верянде ванстыцят;
• паро ды сюпав эрямонь максыцят.

Сёрм.

Мордвась, анокстызеть Маркова С.С., Саранск, 2006. - С.992