Норовава

Википедиясто материал - аорев содамкундосто

Норо́вава (Пакся́ава) — те Инеава, паксянь кирдиця; лияксто сонензе мерильть Паксяава. Эрзятне сонзе лемдить касыця сюронь, тикшень, умарень, кстыень, пештень Пазавакс.

Эряви арсемс, те пазось Модааванть эйстэ явовсь модань тейнема койтнень кемекставомадо мейле. Неень шкань эрзя кельсенть норов валось паксянть невтемс а ёвтавкшны, сон полавтовсь пакся валсо, икеле те смустьсэнть ёвтамонь коряс кавтолдомат арасть (варштынк, маринь нур — пакся, Нур-ава — паксянь паз).

Норов валось ванстовсь эрзянь кельсэ норовжорч ды нартемкс валтнэсэ, мокшонь нормаль, нярьхкамаз, нардише валтэсэ.

Лововсь, эрьва веленть ульнесь эсензэ Пакся-авазо. Икеле нуицятне тердильть эйсензэ мартост ярсамо, вешсть кедьстэнзэ лезкс сюронь урядамсто эли паксянь кочкамсто, а керявомс нуемстэ:

...Паксянь-ава, паксянь кирди,
Сак мартонок ярсамо,
Ярсамодо мейле лездамо.
Илязт сэреде кеденек,
Илязт сэреде кутьмеренек.

Нуемань прядомсто сонзэ туртов кадыльть апак нуе лехинеть, салсо почодозь кши палнэ - ярсаволь да аволь кежиявто. Ломантне пельсть Пакся-авадонть, арсесть: сон коласы норовонть, кадсынзе кшивтеме. Паксясо важодемстэ кизэнь пси чине эрсекшнесть ёжовтомо пракшномат. Ломантне эзть сода, те — псинть эйстэ, ловсть тень Пакся-аванть пельде тешкст: мейсэ-бути эзь савтово тензэ.

Нороваванть эрямо тарказо[витнемс | витнемс лисьмапрянть]

Пакся-аванть эрямо таркакс лововсь межась. Шандрова велень вейке покшаваинесь ёвтнесь, келя, межа лангсо а удсить, те теркась Пакся-авань.[1]

Сёрм.:[витнемс | витнемс лисьмапрянть]

  1. Мокшин Н.Ф. Указ. раб. - С.23