Пазава

Википедиясто материал - аорев содамкундосто
Перейти к навигации Перейти к поиску
Пазава
Артовкс
Противоположно бог[d]
Commons-logo.svg Пазава
Aphrodite swan BM D2.jpg

Пазава — тееезь кавто валсто: паз + ава.

Ломанень теемадо моронь морокерьксэнть Инешкипазось теи ниле паз-ават:

Кучсь эрьва кудос Юртава,
Сон кардазс — Кардаз сяркине,
Мастор лангс — Масторавине, 
Норов лангс — Норовавине[1].

Мифологиянь лия моросонть колмо паз-аватне - Норовава, Вармава, Вирява - чачсть Иненармунень, пазонь нармуненть пельде. Моданть куншкасо касс ашо килей. Кияк эйстэнзэ а соды, кияк эйстэнзэ эзь марсе. Иненармунесь, конань кучизе Инешкипазось , килеенть сеске редизе, озась лангозонзо, витс пизэ, алыясь алт ды колмо таргоюткот нарвась эйсэст:

Ве алнэстэнть Норовавась лисекшнесь,
Омбоцестэнть Вармавась лисекшнесь,
Колмоцестенть Вирява лисекшнесь[2].

Алсто чачсь Анге-патяйгак. А вана косто саевсь алось — теде апак ёвта. Паряк, Чам-пасонть мелензэ топавтозь, сонзэяк алыизе Иненармунесь.

Искувазь кавто паз-аватнень чачомастгак — Кастаргонь ды Везоргонь: сынь — Инешкипазонь ды сонзэ козяйканть Инешкиаванть тейтерест[3].

Лисьмапрят[витнемс-петнемс лисьмапрянзо]

  1. Mordwinische Volksdichtung. Указ. соч. - С. 10.
  2. Mordwinische Volksdichtung. Указ. соч. - С. 70.
  3. Mordwinische Volksdichtung. Указ. соч. - С. 2.