Нуянь Видяз

Нуянь Видяз
Нуянь Видяз
чачома лем	Евгений Владимирович Четвергов
чачома чись	эйзюрковонь 30 чи 1934 (90 иеть)
Чачома тарка	Орданьбуе, Тумобуе, Эрзя-Мокшонь область[d], Средневолжский край[d], Российянь Советэнь Федеративной Социалистической Республикась[d], Советэнь Вейсэндявкс[d];
Мастор	Советэнь Вейсэндявкс[d]; Россия Мастор;
Важодема ёрокчизе	сёрмадей, куляньсёрмадей, редактор, новеллист
	Нуянь Видяз

Нуянь Видяз^[1] (руз. Четвергов Евгений Владимирович) (Эйзюрковонь 30 чи 1934 ие Тумобуе) — советэнь учёной-агроном, эрзянь сёрмадей, прявтредактор «Эрзянь Мастор» кулялопанть (1994 иень ацамковсто саезь 2016 иень аштемковонь видс)^[2].

Эстедензэ

Чачсь 1934 иень Эйзюрковонь 30 чистэ Мордовия АССР-нь Тумобуень Орданьбуе эрзянь велесэ. Тумобуень (Дубинкань) куншка школань прядомодо мейле (1952) важоди Од ломаннеь Максим Горькиень лемсэ театрасо сценань важодицякс (Бакусо) ды чачома велесэнзэ - клубонь прявтокс (1953-1954-це иетнестэ). 1959-1959 иетнестэ Пензань велень хозяйствань институтонь агрономия факультетэнь студент.

Кото иеть ульнесь «паксняь азорокс», агрономокс Ордань ды Ковылкань буень келей-покш вейсхозтнесэ. Колоньгеменде ламо иеть эрямозо сюлмавозель Мордовиянь Ораёвонь лемсэ университетэнть марто: аспирант, ассистент, тонавтыця, доцент. Велень хозяйствань наукатьнень кандидат. Нолдась ведьгеменде^[1] ламо статьят, книгат, вейке изобретениянь соавтор. Тонавтомань интересэнзэ: модань паролгавтома ды сюронь кастома, сюронь ванстома зыян тикшетнеде ды унжатнеде-сукнэде (насекомойтнеде).

Сёрмадовксонзо

80-це иетнень эйстэ саезь сёрмалесь «Сятко» , «Чилисема», «Сибирские огни» ковставкснессэ. Лисcть истят коневпусмонзо (книганзо):

«Сиреневая луна» (1989)
«Велень вайгельть» (1992)
«Сырнень човалят» (1995)
«Иень тюст» (2003)
«Янгамо» (2006)
«Эрзянь Масторонть седейсэ. Имена их бессмертны» (2007)
«Где цветет чистодуш?» (2009)
«Эрязденть арсезь» (2010)
«Ванине» (2011)
«Тесэ ды Тосо» (2013)
«Финно-угры в русском языке: топонимо-этимологический словарь финно-язычных, угорских и селькупских слов, вошедших в лексику русского языка»^[3] (2015)

Эрзянь сёрмадоманть кисэ, ды «Янгамо» конёвпусмонть кисэ ульнесь теезь Литературной казень 2009 иень Лауреатокс^[4].

Ванодо

Сёрм.:

«Чилисема», 2013 ие, №4

↑ ^1,0 ^1,1 Библиотека Мордовской литературы. Четвергов Евгений Владимирович Архивировазь 20 Ожоковонь 2020 иестэ. (руз.)
↑ «Эрзянь Мастор». ТЕЧИ «ЭРЗЯНЬ МАСТОР»-СЬ ЛИССЬ 500-ЦЕДЕ! 503-це № 30.06.2017 Архивировазь 13 Умарьковонь 2020 иестэ.(руз.)
↑ ЯЗЫК ДО ЧУДИ, ВЕСИ, МЕРИ, МЕЩЁРЫ, МУРОМЫ (= ЭРЗИ), КОРЕЛЫ ДОВЕДЁТ Архивировазь 9 Ацамковонь 2018 иестэ. (руз.)
↑ Лауреаты литературной премии. Программы родственных народов Эстонии и Ассоциация финно-угорских литератур (руз.)

[Библиотека_Четвергов-1] 1,0 ^1,1 Библиотека Мордовской литературы. Четвергов Евгений Владимирович Архивировазь 20 Ожоковонь 2020 иестэ. (руз.)

[ЭМ500-2] «Эрзянь Мастор». ТЕЧИ «ЭРЗЯНЬ МАСТОР»-СЬ ЛИССЬ 500-ЦЕДЕ! 503-це № 30.06.2017 Архивировазь 13 Умарьковонь 2020 иестэ.(руз.)

[3] ЯЗЫК ДО ЧУДИ, ВЕСИ, МЕРИ, МЕЩЁРЫ, МУРОМЫ (= ЭРЗИ), КОРЕЛЫ ДОВЕДЁТ Архивировазь 9 Ацамковонь 2018 иестэ. (руз.)

[4] Лауреаты литературной премии. Программы родственных народов Эстонии и Ассоциация финно-угорских литератур (руз.)

[1]

[2]

[3]

[4]