Кшуманцянь Пиргуж

Википедиясто материал - аорев содамкундосто
Перейти к навигации Перейти к поиску
Кшуманцянь Пиргуж
Портрет
Важодема ёрокчизе : математик, вейсэндявксонь теиця
Чачома чись: сундерьковонь 19 чи 1940({{padleft:1940|4|0}}-{{padleft:11|2|0}}-{{padleft:19|2|0}}) (78 иеть)
Чачома тарка: Ташто Кшуманця, Большеигнатовское сельское поселение[d], Покш Игнадбуе, Мордовская Автономная Советская Социалистическая Республика[d], Российская Советская Федеративная Социалистическая Республика[d], СССР[d]

Кшуманцянь Пиргуж (руз. Мусалёв Григорий Дмитриевич; 1940 иень сундерьковонь 19 чи Ташто Кшуманця Покшигнадбуесэ, Мордовия) — эрзянь раскинь ванстыця, кочказь инязоро, праваньванстыця. Эрзянь келень идема вейсэндявксонть Ветикуронть прявт (1998 - 2019).

Эрямопингензэ[витнемс-петнемс | витнемс-петнемс лисьмапрянзо]

Григорий Дмитриевич чачсь 1940 иень сундерьковонь 19 чи Ташто Кшуманця Покшигнадбуесэ, Мордовиясо. Сон — сех вишкинька колмо лялянзо ютксо. Тетязо, Дмитрий Степанович (1912-1943 ии.), 1941 иень даволковсто саизь Якстере Армияв, теде мейле понгсь торпингев. Ульнесь Сталинградонь тюремасонть. Маштовсь 1943 иень даволковсто Харьковонь ало.

Авазо Григорий Дмитриевичень, Екатерина Алексеевна (1911-2005 ии.), торпингень шкасто ды пенсияв лисеманзо шкас важодсь вейсхозсо.

Григорий Дмитриевич 1958 и. прядызе Покшигнадбуень куншка школанть. Теде мейле Григорий важодсь лаборантокс тесте, школасо. 1959-1962 ии. ульнесь армиясо.

1962 и. Григорий Дмитриевич кармась тонавтнеме физико-математической факультетсэ Н.П.Огарев лемсэ МГУ, конань прядомодо мейле тоска жо важодсь математикекс-программистэкс.

Вейсэндявксонь важодемазо[витнемс-петнемс | витнемс-петнемс лисьмапрянзо]

1980-це иетнень прядомсто ульнесь эрзянь раськень ойме-ёжонь кепедстямосо. Комсь иеде седе ламо ульнесь Эрзянь келень идема вейсэндявксонть Ветикуронть прявтокс (1998 - 2019), кона басня канешь Анатолий Рябовонь[1] лемензэ. Григорий Дмитриевич ульнесь вейкесь ламотнень эйстэ кие кармась тешкстамо Эрзянь келень чинть (1993 иестэ) Саран ошсо, те покшчинть карась ютавтомо ламо торкала, ды обмомасторгаяк.

Григорий Мусалёв одс одомтызе 1999 иестэ «Раськень Озкс» эрзянь покш коенть ютавтоманзо Мордовиясо. Сон Чукалвелесэ ютавтневиль XVII пингестэ.

Григорий Мусалев — анокстыця ды ютавтыця эрьва иень «Велень озкс» покшчинть. Ютавтневи сон омбоце медьковонь шлямочистэ 1990 иестэ саезь Ташто Кшуманцясо.

1994 иестэ кармась лездамо нолдамс ды сравтнемс «Эрзянь Мастор» кулялопанть эрзятнень юткова.

Мусалев ульнесь мелень путыцякс Саран ошсо Пургаз Инязоронтень кеврунгонть путомадонть. Ансяк ламоиень ярмаконь пурнамось тев эзь максо — пурназь ярмактне ульнесть ёмавтозь.

Эрьва чинь важодемазо — ломанень марто вастнемась ды кортамось эрянь келенть эрямодонть кудосо, школасо, ушосо ды важодемасо. Эрзянь раськестэнь кучозь ломань 6-це Суоми-грань раськетнень весемирэнь инекужосонть (2012 ие)[2].

Григорий Дмитриевич ламо сёрмадовксонь анокстыця, косо сон видите корты вишка раскетнень аламгавтомадонть, келень а тонавтомадонть. Ламоксть пштистэ корты эрзятнень[3]рузыявтомадо.

Не вастома тевтнень коряс сонзэ ламоксть лепштясть вийкирдитне. Мордовиянь прессасо ламоксть сёрмалесть пштить «очков ваявтыця» сёрмадовкст Мусалёвдо[4].

Казнеть[витнемс-петнемс | витнемс-петнемс лисьмапрянзо]

* 5 степэнь Хрёст Ванькс Мариянь Масторонь Орденэнть кавалер[5] (руз. Орден Креста Земли Марии, эст. Maarjamaa Risti teenetemärk). Казненть максозь Эстэнь Масторонь Президентэнть Томас  Х. Ильвес пельде.

* «Ине эрзя» (2015 ие, Эрзянь келень идем фондось).

Лисьмапрят[витнемс-петнемс | витнемс-петнемс лисьмапрянзо]