Мцхета

Мцхета
	Ош
Мцхета
	груз. მცხეთა
	41°50′47″ с. ш. 44°43′10″ в. д.HGЯO
Мастор	Грузия Мастор
История ды география
Куншкань сэресь	460 метр
Шкань каркс	UTC+4[d]
Эрицятне
Эрицятне	▲7606 лом. (2021);
Официальной кель	Грузинэнь кель
Цифрань идентификаторт
Почтань индекс	3300
	mtskheta.gov.ge
Невтэмс /сёпомс картат
	Аудио, фото и видео

Мцхе́та (груз. მცხეთა) — Грузиянь ош, ашти Арагви ды Кура лейтнень вейсэндямо таркасо. Те администрациянь ош Мцхета-Мтианети ёнксонь; ашти зярыя вайгельбеть Тбилиси ошсто пелевеёнов. Эрицятнеде - 7 940 ломанть (2014 иень ломанень сёрмадстомань кувалт).

Историясь[витнемс-петнемс | витнемс-петнемс лисьмапрянзо]

Сехте кезэрень Грузиянь ош. Путозель 5 пингестэ минек эрадо икеле. Ёвтнемань коряс ошонть путызе содавикс Мцхетос. «Картлос царень куломадо мейле сонзэ низэ явинзе мастортнэнь цёранзо юткова. Сехте сыре ялаксось - Мцхетос - тусь эрямо Арагви ды Мтквари (Кура) лейтнень вейсэндямо таркав ды путсь тозонь ош ды лемдизе эсензэ лемсэ».

Испаниянь сёрмадыця Хуан Ван-Хален, ульнекшнэсь те таркасо XIX пингестэ ды сёрмадсь, што Ноень цёрань цёразо — Месхет — а стяко теизе сонзэ прявтошокс. Те аволь ансяк мазычинь кисэ, те вадря таркань кисэ: ошось ашти Арарат пандонь маласо, козонь лоткакшность Ноень венчезэ.

Минек эрань икеле IV пингесэ Азо (Азови) — Картлиянь инязорось — яволявтызе ошонть Картлиянь прявтошокс. Минек эрань V пингестэ Картлиянь прявтошокс теевсь Тбилиси. Самеба церкувать вачкамонь прядомань видс Грузиянь Патриархонь Кафедрась ульнесь Мцхетасо.

Покш Мцхетань ташкто буетне: Саркине, Цицамури, Накулбакеви,Карсани, Мухатгверди, Калоубани-Кодмани. Тесэ аштить Армазонь (Армазцихе), Бебрисцихе кородомань лиядкстнэ, кезэрень ошонь пелькст, калмамо таркат, Самтавро монастыресь (прявт церкувась XI пингестэ) ды Светицховели кафедральной церкувась. Мцхетань маласо ашти вейке сехте кезерень монастырень церкува - Джвари, Джвари (монастыресь) (VI пинге), Шио-Мгвимень монастыресь.

Мцхетань чугункань кинь лотксематаркань маласо муезель минек эрань I пингень сюпав тейтерьавань калмамо тарка. Калмамо таркась теезель кода куда. Крышась - черепица. Те кудонть потсо муезель а покш статуя: од цёраломанть налкси флейтасо.

Культурань содавикс таркатне аштить ЮНЕСКонь ванстома ало ды совить весе масторонь наследияс.