Джвари (монастыресь)

	Джвари
	груз. ჯვარი
Ушетфоль	VI пинге
Мастор	Грузия Мастор;
Административно-территориальная единица	Мцхета
Местонахождение	Мцхета;
Епархия	Грузинская православная церковь[d]
Статус наследия	Культурные памятники национального значения Грузии[d] ды культурное наследие Грузии[d]
Указания, как добраться	ქ. მცხეთა, მიდამოები
	Джвари

Те терминэнть улить лият смустьгак, вн. Джвари (смусттне).

Джва́ри (груз. ჯვარი, ютавтови кода «крёст») — грузинонь церкува VII пингень васенце пельксэнь. Ашти пандо прясо, Арагви ды Кура лейтнень вейсэндямотаркасо, Мцхета ошонь маласо. Кой-кодамо исторической сёрмадовксонь коряс («Грузиянь лемдемазо», «Карлиянь инязортнэнь эрямост») самай те таркасо Нинась стявтовть крёст. Васеньце Весе масторонь наследиянь объект Грузиясо (1994 иестэ саезь).

545 иестэ тесэ уш аштесь вишка церкува, неень шкане аламо мезе кадовсь эйстэдензэ. Седе од церкувась, тетраконх формасо (22 *18,4 м) вачказель 586/7 ды 604/5 иетнень ютксо, Г.Н.Чубинашвилинь коряс. Алтазель Пазонь Крёстонь стявтомантень. Коень коряс армянонь сёрмадыцятне а ловить видекс тень. Сынь арсить, Джвари монастыресь пек моли армянонь VI пингень церкуватнень ёнов. Истя П. М. Мурадян лови церкуванть вачкамо шкакс 605—642 иетнень.

Церкуванть архитектордонть кодамояк содамочи арась. Кой-кона неень шкань сёрмадовкстнэсэ архитекторокс ловови Микел Тхели. Секень марто, кой-кить прыть ве мельс, што Джваринь архитекторось Тодосак — армянинось. Сон ульнесь Атенэнь Сиононь вацкицякс. Джавари ловови Атенэнь Сиононь малавикс копиякс.

2004 иестэ Джвари ульнесь совавтозь Раськеютконь кеврунгонь фондс. Тезэнь совавтовить кеврунгот, конатне аштить каладома лангсо. Ялатеке витнеме-петнема тевтне 2007 иестэ лездасть - Джваринь черькстызь истямо конёвсто. Тень лангс апак вано, Джваринь стена лангсо неень шканеяк неявить эрьва ёнксонь ломантнень сёрмалемаст.

Джвари ды шабра Зедазень монастыресь лововить таркакс, косо М.Ю.Лермонтовонь «Мцыри» поэманть действиятне ютыть. Валерия Алфеева сёрмадыцянть ули повестезэ «Джвари».

Лисьмапрят

↑ ^1,0 ^1,1 ^1,2 ^1,3 ^1,4 ^1,5 ^1,6 https://tools.wmflabs.org/heritage/api/api.php?action=search&format=json&srcountry=ge&srlang=ka&srid=2514 — 2017.

Литература

Всеобщая история искусств, т. 2, М. «Искусство», 1960.
Rosen, Roger. Georgia: A Sovereign Country of the Caucasus. Odyssey Publications: Hong Kong, 1999. ISBN 9622177484

ЛопаПарцун:ВС
ЛопаПарцун:Всемирное наследие в Грузии

[_85df3a4f4a23145e-1] 1,0 ^1,1 ^1,2 ^1,3 ^1,4 ^1,5 ^1,6 https://tools.wmflabs.org/heritage/api/api.php?action=search&format=json&srcountry=ge&srlang=ka&srid=2514 — 2017.

[1]