Менделеньи, Тамаш

Менделеньи, Тамаш
Менделеньи, Тамаш
чачома чись	панжиковонь 2 чи 1936
Чачома тарка	Будапешт ош, Мадьяронь Оцязорксшись[d];
Кулома чись	таштамковонь 6 чи 1999 (63 иеть)
Кулома тарка	Várgesztes[d], Татабаньяский яраш[d], Комаром-Эстергом, Мадьяронь Мастор;
Мастор	Мадьяронь Мастор;
Важодема ёрокчизе	фехт тиись
Полазо	Агоштон-Менделеньи, Юдит[d]
	Тамаш Менделеньи

Тамаш Менделеньи (мад. Mendelényi Tamás; 1936-це иень панжиковонь 2-це чи, Будапешт — 1999-це иень таштамковонь 6-це чи, Варгестеш) — венгрань фехтовальщик-саблист, 1960-це иень Олимпиянь налксематнесэ чемпион вейсэнь налксемасо.

Эрямокизэ

Пелькстась «Вашаш», «Гонвед» ды Будапештстэ БВСК командатнень кис. 1956-це иестэ саизе мирэнь чепиононь титулонть юниортнэнь ютксо, иень ютазь изнясь мирэнь чемпионатсо покшонь (взрослой) сборнойсэ. Мирэнь чемпионатонь медалензэ весемезэ кавксо, эйстэст кавтотне сырнень (кавонест командной первенствасо), личной первенствасо сехте сэрей результатокс ульнесь 1959-це иестэ Будапештсэ мирэнь чемпионатсо 2-це таркась. 1960-це иестэ саизе командной первенствасо олимпийской чемпиононь титулонть, выступась 1964-це ие видьс. Карьерадо мейле Менделеньи кундась тренерэнь тевс ды получась высшей образования физвоспитаниянь коряс ды хирургонь диплом. Сонзэ марто Венгриясь сайнесь медальть Европань ды мирэнь чемпионаттнэсэ, истя жо Олимпиадатнесэ: сонзэ тонавтницякс ульнесть Ференц Хамманг (1980-це иень Олимпиянь налксематнесэ бронзовой призёр), Аттила Ковач (мирэнь кавтонькирда (двукратной) чемпион), Тамаш Ковач (1968-це ды 1972-це иетнень Олимпиянь налксематнесэ кавтонькирда бронзовой призёр) ды ламо лият. 1979-це иестэ Менделеньи кудораськензэ марто тусь Англияв, косо кармась важодеме тренерэкс, мезень кисэ правительствазо нельгинзе весе казнензэ (награданзо). 1993-це иестэ сон велявтсь эсь масторов, реабилитировизь ансяк куломадо мейле кемень иень трокс.

Изнявксонзо

Олимпийской налксемань чемпион: 1960 (командной первенства)
Мирэнь чемпион: 1957, 1958 (командной первенства)
Мирэнь чемпионатонь сиянь призёр: 1959 (командной ды личной первенства), 1962 (командной первенства)
Мирэнь чемпионатонь бронзовой призёр: 1957 (личной первенства), 1961, 1963 (командной первенства)

Литературась

Havas László: A magyar sport aranykönyve – Budapest, 1982 – ISBN 9632535723
Révai új lexikona XIV. (Mah–Nel). Főszerk. Kollega Tarsoly István. Szekszárd: Babits. 2004. ISBN 963-955-616-5
Bocsák Miklós: Hogyan élnek olimpiai bajnokaink (166-an szerte a világban) – St. plusz kft., 1998 – (ISBN szám nélkül)
Lukács László – Szepesi György: 112. A magyar olimpiai aranyérmek története – Budapest, 1980 – ISBN 9632535537

Невтевкст

Тамаш Менделеньи — олимпийень статистикась Sports-Reference.com вальмасонть(англ.)

Лисьмапрят