Куслят

Википедиясто материал - аорев содамкундосто
Кусля стакансо

Куслятне — вецана ярсамопель. Кезэрень эрзянь койсэ куслятне пидевсть аволь истя кода неень шкасто.

Пинемень куслят[витнемс-петнемс | витнемс-петнемс лисьмапрянзо]

Пинемень куслянь теемась истямоль: пель марто кавто ведь литрас човорявилть кавтошка стакант почт семс, зярс човордавксось ули вейкетькс. Човорямо кедьгекс саевиль седе сеедьстэ сёвонь чакш. Теке чакшсонть човордавксось путовиль лембе таркас чапаськадомо. Чапаськадомадо мейле те човордавксось пидевиль, сонзэ салтнилизь ды ярсасть ой-кши марто. Бути ульнесь мель салонть таркас путовиль медь, неень шкантень седе малава сахор ды эрьва кодат марть.

Ловсонь куслят[витнемс-петнемс | витнемс-петнемс лисьмапрянзо]

Ловсос куслясь пидевиль крахмалонь путозь, седе сеедьстэ ламбамосто. 1 литра ловсос саеви пель стаканшка крахмал (модамарень), кона човоряви аламнешка ведь марто ды састыне каяви лаки ловсос, конантень танстень коряс путозь сахор. Весемесь апак лотксе човорязь кадови тол лангсо тустомомазонзо.

Неень шкпнь куслят[витнемс-петнемс | витнемс-петнемс лисьмапрянзо]

Неень шкань куслясь, седе сеедьстэ, эрси ламбамокс. Тееви марень (шукшторов, инзей, мастумарь, кстый ды лият) пидемадо мейле ведьсэ. Пидема ведесь педяви ды ловсонь куслянть ладсо лаки пидевксэнтень каяви крахмалонь човордавкс. Крахмалось саеви мелень коряс: бути вечкеви симемс — седе аламо, бути вечкеви пенчсэ ярсамс — седе ламо.


Лисьм.:[витнемс-петнемс | витнемс-петнемс лисьмапрянзо]