Конц, Жужа

Жужа Конц мад. Koncz Zsuzsa
Лувонь информациясь
Чачома чись	эйзюрковонь 7 чи 1946(1946-03-07) (78 иеть)
Чачома тарка	Пей[d], Хевешский яраш[d], Хевеш (медье), Мадьяронь Мастор
Мастор	Мадьяронь Мастор
Важодематне	морыця, студиянь мораматне
Седий кедьёнкст	вокал[d]
Казнеть	премия имени Кошута[d] (2008) премия Ференца Листа[d] (1977) премия имени Йенё Хуска[d] (1998) премия EMeRTon[d] (1999) Премия «Золотой Жираф» за отечественный альбом года[d] (2000) Prima Primissima[d] (2008) премия Миклоша Радноти за борьбу с расизмом[d] (2015) премия «Гундель» в области искусств[d] (2015)
Эсь тешкстамось
konczzsuzsa.hu
Аудио, фото, видео Викиутомсо

Жужа Конц (мад. Koncz Zsuzsa; чачсь 1946-це иень эйсюрковонь 7-це чистэ, Пей(hu), Венгрия) — мадьяронь (венгрань) поп-, рок- ды бит-морыця, актриса.

Карьеразо

1962-це иестэ 16 иесэ Жужа ве классо тонавтницянзо марто, конань лемезэ Аги, сайсть мель варчамс виест «Ki mit tud?» (венг. кельстэ — «Кие мезе машты?») венгрань телевизионной шоунь васенце сезонсонть. Жужанна Конц — Агнеш Гергей(hu) моронь дуэтэсь пелькстамосонть сайсь омбоце тарка.

Эйкакшпингстэ саезь Жужань мелезэль улемс адвокатокс, мик мольсь тонавтнеме университетэнь юридической факультетс. Ансяк сонензэ савсь кадомс тонавтнемась, секс мекс сеедьстэ тукшнось гастроляв «Omega», «Illés» и «Metro» од бит-группатнень марто.

70-це иетнень ушодовомсто Жужа Конц уш парсте аштесь мадьяронь хит-парадтнэсэ, пелькстась истямо морыцятнень марто кода Шаролта Залатнаи ды Кати Ковач. 1970-це иестэ сеске вете композициянзо иень цётамотнень коряс совасть TOP20 Slágerlistá'70-с: "Miért hagytuk, hogy így legyen?" ульнесь №1, "Amikor" - №5, "Valaki kell, hogy szeressen" - №9, "André Je’taime" - №15, "Barbara" - №19, а "Szerelem" альбомось саизе 4-це строчканть иень Альбомонь TOP10 Slágerlistá'70-сэ. Сы иестэнть тевензэ таго парсте поладовсть: "Kis herceg" ульнесь №1 TOP20 Slágerlistá'71-со, "Valahol egy lány" - №5, "Micimackó" - №10, "Kis virág" - №16 и "Csillag Hajnalka" - №20, а "Kis virág" альбомозо ульнесь №5 Альбомонь TOP10 Slágerlistá'71-со. 1972-це иестэ "Elmúlt egy év" Жужань композициязо ульнесь №6, а "Élünk és meghalunk" альбомозо - №5 иень Slágerlistá'72-сэ. 1973-це иестэ "Ha én rózsa volnék" морось национальной хит-парадсо арась 4-це строчкас,кода "Jelbeszéd" ("Подгузники") альбомоськак. Истя жо 1973-це иестэ Жужа саизе 1-це тарканть "Tessék választani!" музыкальной радио-конкурссо.

1973-це иестэ «Illés» группась, кона марто Жужа морсесь концертсэ, каладсь, ды сонзэ од оркестракс 1976-це иес ульсь "Koral" группась. 1974-це иестэ "Gyerekjátékok" Жужань очередной альбомозо ульнесь №6 иень Альбомонь TOP10 Slágerlistá'74-сэ, 1975-це иесэ "Az egyes emberek dala együtt" композициясь ульнесь №3 итоговой хит-парадсо, кода "Kertész leszek" альбомоськак. Сы иенень "Elmondom hát mindenkinek" морыцянть вейксэце альбомозо ульнесь №10 Альбомонь TOP10 Slágerlistá'76-сэ, а сонзэ "Koncz Zsuzsa X" кеменце альбомозо ульнесь №6 TOP10 Slágerlistá'77-сэ. Секе 1977-це иестэ Pop-Meccs венгрань музыкальной прявт обозрениясь лемдизе Конц Жужань 1977-це иень Сехте Вадря Морыцякс.

70-це иетнень прядовомсто Конц Жужань шаштызь од поп ды диско-тештеть, ютксост Юдит Сюч ды Клари Катона, ансяк сон кадновсь неявикс ломанекс венгрань музыкальной Олимпсэнть. 1978-це иестэ Жужань "Mama kérlek" хитэзэ ульнесь №8 иень TOP20 Slágerlistá'78-сэ, а 1979-це иестэ "Valahol" од альбомозо ульнесь №9. "Menetrend" альбомось (1981) ульнесь №5, "Újhold" альбомось (1985) ульнесь №6. Pop-Meccs музыкальной обозрениясь эштё колмоксть лемдякшнызе сонзэ Сехте Вадря Морыцякс 1981-це, 1984-це ды 1985-це иетнестэ, истя жо 1979-це иестэ сон саизе 2-це, а 1980-це иестэ - 3-це тарканть.