Ендрашик, Дьёрдь
| Ендрашик, Дьёрдь | |
|---|---|
| чачома чись | панжиковонь 13 чи 1898 |
| Чачома тарка | |
| Кулома чись | даволковонь 8 чи 1954 (55 иеть) |
| Кулома тарка | |
| Мастор | |
| Важодема ёрокчизе | физиксь, инженер-механик, инженерсь, изобретатель |
| казнеть ды медальть | |
 Дьёрдь Ендрашик | |
.svg){kind=small}
.svg){kind=small}
Дьёрдь Ендрашик (мад. Jendrassik György; 1898-це иень панжиковонь 13-це чи — 1954-це иень даволковонь 8-це чи) — венгрань физик ды инженер.
Эрямо кизэ
[витнемс | витнемс лисьмапрянть]Ендрашик получась высшей образования Иосифень лемсэ Королевской технической университетсэ, мезде мейле Берлинэнь Университетсэ якась лекцияс истямо содавикс физиктненень, кодат Эйнштейн ды Планк. 1922-це иестэ Будапештсэ получась инженерэнь диплом. 1927-це иестэ саезь сон работась Ganz Rt компаниясо, косо лездась дизельной двигателень теема тевсэнть. Сон проектировизе Jendrassik Cs-1 турбовиновой двигателенть, васень версиянзо конань ульнесть вейке эли кавто цилиндрань. Седе мейле сон арсинзе-теинзе сжатиявтомо ды смесительной камера марто 4- ды 6-цилиндровой ниле тактонь версиятнень. Истя, мирсэнть васенце турбовиновой двигателекс ульнесь Jendrassik Cs-1, конань проектировизе Дьёрдем Ендрашик венгрань инженерэсь. Двигателесь пурнавсь ды тевсэ ванновсь Будапештсэ Ganz заводсо 1939-це ды 1942-це иетнень ютксо. 1940-це иестэ арсевсь двигателенть путомазо Varga RMI-1 X/H кавто моторонь шожда бомбардировщикентень, ансяк тевесь лоткавтозель.
Сон истя жо арсесь ушодомс газовой турбинанть вадрякстоманзо коряс тевенть, мезень туртов 1936-це иестэ панжизе Invention Development and Marketing Co. Ltd компаниянть. Масторонь наукасонть сон кармась теевеме содавикс ломанекс. 1943-це иестэ наукасо тевензэ кис кочказель Венгрань Наукань Академиянь член-корреспондентэкс, ансяк секс, мекс Венгриянть туртов войнась лиссь беряньстэ, экономиказо ды промышленностезэ калавтозельть, Ендрашикнень эзь поладово газовой турбинатнень коряс тевесь. Войнадо мейле масторсонть берянь политикадонть сонензэ савсь туемс Венгриясто. Зярс-бути сон эрясь Аргентинасо, мейле тусь Англияв, косо панжсь эсензэ мастерской ды тувак кундась консультантонь тевс Power Jets компаниясо. Ансяк Венгриясо сон регистрировась 77 изобретеният. Сех покштнэстэ меельцекс ловови давлениянь компенсациянь устройствась.