Венгерань-туркань ялгаксчинь парк
| Венгерань-туркань ялгаксчинь парк | ||
| Ушетфоль | 1994 | |
|---|---|---|
 | ||
| Мастор | ||
| Административно-территориальная единица | Мадьяронь Мастор | |
| Часовой пояс | куншкаевропиянь шкась[d] | |
| Местонахождение | ||
|
| ||
 Венгерань-туркань ялгаксчинь парк | ||
.svg){kind=small}
Венгрань-туркань ялгаксчинь парк (мад. Magyar-Török Barátság Park, тур. Macar-Türk Dostluk Parkı) — Венгриянь обедъёнкс марто чивалгома ёнкссо (юго-западсо) аштиця парк. Стявтозель-теезель Сигетваронь тюреманть мельсэ кирдемга, сестэ Османонь империянь ушмотне саизь Сигетвар ошпандонть, конань ванстасть мадьярт (венграт) ды хорватт. Парконть 1994-це иестэ вейсэ пажизь венгрань ды туркань чиновниктне.
Историясь
[витнемс | витнемс лисьмапрянть]
1566-це иень кизна 80 тёжат ломаньсэ османонь армиясь, конань ветясь сонсь Сулейман I султанось, куродызе Сигетвар замканть, кона стясь Габсбург империянь сехте покш оштнестэ вейкентень - Венав - кинть лангс. Венань саемадо самай арсестькак. Замканть кис аштесть малав кавто тёжат пель марто ушмот, конатнень ветясь Миклош Зриньи. Куромодомась таргавсь умарьковонь 6-це чистэ саезь таштамковонь 8-це чис[1][2].
Таштамковонь 6-це чистэ Сулейман I султанось, 72 иесэ, эсензэ шатрасо аштезь, апак учо кулось. Куломанзо кекшизь, ушмотнень прявтс жо стясь Соколлу Мехмед-паша Ине визиресь. Теде мейле курок чавовсь замкань идемань прявтось Миклош Зриньи ды замкась саевсь. Тень лангс апак вано, Вена лангс молемась лоткавтовсь ды ушмотне велявтсть мекев, сынь так и эзть карма содамо Сулейманонь куломадо[1][3].
Сигетварось 122 иеть ульнесь Османонь империянь пельксэкс[1][3]. 1596—1600-це иетнестэ сон ульнесь Сигетвар эялетэнь прявтошокс, мейле теевсь Канижа эялетэнь пельксэкс.
«Османонь шкасто» ("Османской периодсто") ошсонть стявтовсть мечетть, туркань банят ды школат. Се шкасто стявтозь кона-кона кудотне ванстовсть тешкас, пельксэст ульнесь яжазь сеске, кода Габсбургтнэ ошонть саизь мекев[1][3].
Ялгаксчинь парк
[витнемс | витнемс лисьмапрянть]Легендань коряс, куломадо мейле сеске Сулейман султанонть потмонзо-максонзо ульнесть таргазь ды валязь косо-бути Сигетваронь маласо[4], рунгозо жо бальзамировазь ды пачтязь Империянь прявтошов[2][3].
Сулейман султанонь чачомстонзо 500-це иестэ туркань правительстванть мелензэ-ушодксонзо коряс ды ярмаконзо лангс се таркасонть, косо, арсемань коряс, калмазель султанонть седеезэ, ульнесь стявтозь ялгаксчинь парк. Панжомстонзо, 1994-це иень таштамковсто, ульнесть Габор Фодор Венгриянь образованиянь министрась ды Сулейман Демирель Турциянь президентэсь[5].
Паркось ашти ошонть эйстэ 2-3 километрань туро пелевеёнксонь-чилисемаёнкссо, ды тов якить автобуст[6]. Парконть покшолмазо малав 60 метрат 60 метра лангс (60 на 60 метров), лиякс меремс площадезэ - малав вейке акра. Паркось панжозь иень перть.
1996-це иестэ парксонть строязель симемань пургсиведь (фонтан), стилезэ османонь архитектурань, плитканть ды мраморонть кучизь Турциясто. Парксонть ули Сулейман султанонь потмонзо-максонзо туртов символической калмо, мраморсто символической тюрбе, истя жо Сулейман Великолепноень тугра[1].
Критика
[витнемс | витнемс лисьмапрянть]Зярдо паркось ульнесь панжозь, мадьяронь СМИсэ сонзэ сялдсь сень кис, мекс эйсэнзэ ульнесь Сулейман султанонь вельть покш чамачачозо. 1997-це иестэ ваксозонзо тейсть Миклош Зриньинь истямо жо чамачачо[6][7].
Примечаният
[витнемс | витнемс лисьмапрянть]- ↑ 1,0 1,1 1,2 1,3 1,4 Karikó, Sándor & Tibor Szabó A Hungarian-Turkish Cultural Heritage: Scandal and Reconciliation // PROCEEDINGS 4th International Congress on “Science and Technology for the Safeguard of Cultural Heritage in the Mediterranean Basin” : journal / Ferrari, Angelo. — Cairo, Egypt. — Т. 1. — С. 18.
- ↑ 2,0 2,1 ЛопаПарцун:Error.
- ↑ 3,0 3,1 3,2 3,3 ЛопаПарцун:Error.
- ↑ Muhteşem Süleyman burada aranacak (Turkish) (23 Сундерьков 2012). Ваннозь 26 Умарьковонь 2013.
- ↑ Magyar-Török Barátság Park - Szigetvár (bg)(недоступная ссылка — история). Szigetvar Utisugo. Ваннозь 26 Умарьковонь 2013. Архивировано из первоисточника 12 Якшамковонь 2013. Архивировазь 12 Якшамковонь 2013 иестэ.
- ↑ 6,0 6,1 Hebbert, Charles & Norm Longley, Dan Richardson. Hungary - The Hungarian-Turkish Friendship Park. — С. 297.
- ↑ Pál Fodor. Hungarian Perceptions of the Ottoman Empire(недоступная ссылка — история). Institute of History of the Hungarian Academy of Sciences, Budapest. Ваннозь 27 Умарьковонь 2013. Архивировано из первоисточника 12 Умарьковонь 2014. Архивировазь 12 Умарьковонь 2014 иестэ.