Адушкина, Нина Семёновна

Адушкина, Нина Семёновна
Адушкина, Нина Семёновна
чачома чись	ацамковонь 29 чи 1932
Чачома тарка	Андрейвеле, Отяжеле велесь, Эрзя-Мокшонь область[d], Средневолжский край[d], Российянь Советэнь Федеративной Социалистической Республикась[d], Советэнь Вейсэндявкс[d];
Кулома чись	ожоковонь 9 чи 2008 (75 иеть)
Важодема ёрокчизе	келеньсодый

Адушкина Нина Семёновна, лингвист, тонавтыця.

Эрямо кизэ

Адушкина Нина Семёновна чачсь 1932-це иень ацамковонь 29-це чистэ неень Мордовия Республикань Отяжбуень Андреевка велесэ. Сон филологиянь наукань кандидат (1971-це ие), доцент (1974-це ие). Mордовия Республикань Государственной премиянь лауреат (1999-це ие). Прядызе Козловской педучилищанть (1952-це ие), А. И. Полежаев лемсэ МГПИ-нть (1956-це ие).

1956 – 59-це иетнестэ важодсь эрзянь келень ды литературань, рузонь келень ды литературань тонавтыцякс Козловской средней школасо, 1959 – 62-це иетнестэ – Ардатов ошонь средней школасо рузонь келень ды литературань тонавтыцякс; 1965 – 99-це иетнестэ – ассистент, старшей преподаватель, доцент Эрзянь-мокшонь государственной университетэнь эрзянь келень кафедрасо. 1988 – 90-це иетнестэ тонавтсь эрзянь кельс Хельсинкинь ды Туркунь университеттнэсэ (Финляндия) финнэнь-угрань языкознаниянь кафедратнесэ.

Наукань тевезэ

Ваннось эрзянь келень орфографиянь, орфоэпиянь ды терминологиянь стакачитнень. Нина Семёновна ниленьгеменде ламо научной ды учебно-методической важодевксэнь автор.

Ютавтыцянь тевезэ

1989-це иестэ саезь важодсь Библиянь ютавтомань институтонть марто. Адушкина Нина Семёновна ульнесь эрзянь кельсэ духовной терминологиянь теицятнень ютксо. Эрзянь кельс ютавтсь: Евангелие от Иоанна – Иоаннонь пельде Евангелия (Хельсинки, 1990-це ие), Евангелие от Марка – Марконь сёрмадовт Евангелия (Стокгольм; Хельсинки, 1995-це ие), Евангелие от Матфея – Матвеень коряс Евангелия (Стокгольм; Хельсинки, 1998-це ие), «Жизнь Иисуса» книга – «Иисусонь эрямозо» (Хельсинки, 1991-це ие). Лиятнень марто вейсэ ютавтсь «Детская библия» – «Библиянь ловномат» (Стокгольм; Хельсинки, 1993-це ие), Новый Завет – Од Вейсэнь лув 2006-це ие). Ульнесь «Лукань коряс Евангелиянть ды апостолтнэнь тевтнень» («Евангелие от Луки и Деяния апостолов») (Стокгольм; Хельсинки, 1996-це ие) витницятнестэ вейкекс.

Кулось Адушкина Нина Семёновна 2008-це иень ожоковонь 9-це чистэ.

Казнензэ

Казезь «Золотая лира» медальсэ.

Сочиненият

Грамматика мордовских языков. Фонетика, графика, орфоэпия, морфология : учебник. Саранск, 1980 (в соавт.);
Эрзянь-рузонь валкс. М., 1993 (в соавт.);
Avksenti Jurtov – mordvan kansan valistaja / / Suomensukuisten Sana: suomen sukukielten raamatunkääntäjien puheenvuoroja. Helsinki, 2008.

Литературась

История Мордовии в лицах : биогр. сб. Саранск, 1997. Кн. 2; Адушкина Нина Семёновна : некролог / / Голос Мордовского университета. 2008. 1 нояб.;
Мордовия, XX век: культурная элита : энциклопедич. справ.: в 2 ч. Ч. 1 : А - М / ред. совет: В. А. Юрчёнков (пред.) [и др.] ; редкол.: Т. М. Гусева, А. Юрчёнков (отв.редакторы) [и др.] ; НИИ гуманитар. наук при Правительстве Республики Мордовия. - Саранск, 2010. - 416 с. : 32 с. ил. - (Мордовия. XX век)

ISBN 978-5-900029-71-9 (ч. 1) ISBN 978-5-900029-70-2

Лисьмапрят

↑ ^1,0 ^1,1 ^1,2 эрзянская Википедия — 2008.

http://www.finnougoria.ru/news/publications/27415/ http://www.finnougoria.ru/logos/proza/2092/20415/ http://biblus.ru/Default.aspx?book=6m0a18a3s8

[_15a53563536af7fc-1] 1,0 ^1,1 ^1,2 эрзянская Википедия — 2008.

[1]