Агейкин, Григорий Петрович
| Григорий Агейкин | |
|---|---|
| чачома лем | Григорий Петрович Агейкин |
| чачома чись | ацамковонь 1 чи 1924 |
| Чачома тарка | |
| Кулома чись | ацамковонь 1 чи 2007 (83 иеть) |
| Мастор | |
| Важодема ёрокчизе | сёрмадей |
| казнеть ды медальть |
Орден Отечественной Войны II степени, Якстере Коцтонь |
Агейкиннэнь Григорий Петрович (1924 иень ацамковонь 1 чистэ Мордовиянь Кочкурбуень Кочкур велесэ) — эрзянь сёрмадей ды валморозей.
Эстедензэ[витнемс | витнемс лисьмапрянть]
Григорий Петрович Агейкин чачсь 1924 иень ацамковонь 1-це[1] чистэ Кочкурова буень Кочкур велесэ[2]. Семиясост ульнесть сисем эйкакшт: вете цёракайть ды тейтерька, покштнень марто вейсэ видсть-сокасть, андсть ракшат, лазность пенгеть. Уш школасо тонавтнемстэ Гриша варчизе валморонь сёрмадоманть, сынь печатазельть школань кулялопас. Кочкуровав сеедьстэ сакшность Алексей Зиньков[3], Илья Кривошеев, Яков Григошин ды лия содавикс эрзянь сёрмадыцятне. Гриша невтинзе тенст эсинзэ валморонзо. Шкань ютазь сась каршо вал И.Кривошеевень пельде, сон шнынзе Агейкинэнь сёрмадовксонзо, сынь печатазельть «Сятко» ковставксонть.
1941 иестэ Г. П. Агейкин тусь фронтов[4][1], кудов велявтсь ансяк 1947 иестэ. Ульнесь разведчикекс, гвардеецэкс. Войнадо мейле тонавтнесь партийной школасо, мейле прядызе Н. П. Огарёв лемсэ МГУ-нь филологиянь факультетэнть. Ламо иеть важодсь «Советская Мордовия» ды «Эрзянь правда» кулялопатнесэ. Ульнесь «Пионерэнь вайгель» ковставксонть редакторокс, ветясь «Сэменть».
«Эрзянь правда» газетасо важодемстэ Г.Агейкин сёрмадсь «Пингень эскелькст» статья, конасонть ёвтневи газетанть историядонзо.
Сёрмадовксонзо[витнемс | витнемс лисьмапрянть]
Сёрмадовкссонзо Агейкин ёвтни ламо раськетнень ютксо ялгаксчиде, тиринь ёнксонь мазычиде, вечкемадо, важодемадо. Вана коневпурнавксонзо[2] :
- «Вишка ялгинеть» (1958)
- «Сырнень тештинеть» (1959)
- «Седей вайгель» (1964)
- «Боря — космонавт» (1967)
- «Кие киде пели?» (1976)
- «Лемзеркай» (1980)
Г. Агейкин эйкакштнень туртов сёрмадсь аволь ансяк валморот, истя жо ёвтнематкак:
- «Калавтозь кире»
- «Топтыга»
- «Максим»
- «Сёлмов оят»
- «Туз»
- «Пожар»
- «Перець»
- «Иля кадново ялгасто»
- «Баян»
- «Паро тев»
- «Тундонь валске»
Сон истя жо сёрмадсь балладат, фельетонт, юморескат. Г. П. Агейкин сёрмадсь эрзякс, ламот произведениянзо сонсь ютавтынзе рузонь кельс. Сынь истя жо ютавтозь маринь, удмуртонь ды лия кельтнес. Агейкинтнэнь семияст срадсь весе Россиянть келес. Ялакстнэде-сазортнэде кие эри Васолонь Чилисема, кие — Краснодар ошсо, кие — Мордовиясо. Григорий Петрович казезь Якстере Коцтонь, Отечественной войнань 2-це степенень ордентнэсэ, боевой медальсэ. Сон — СССР-нь Журналистэнь вейсэндявксос совиця.
Г. П. Агейкин кулось 2007 иень эйзюрковонь 1 чистэ.
Сёрм.[витнемс | витнемс лисьмапрянть]
- Г.Евстигнеева. Эрзянь правда. Сёрмадей, фронтовик, журналист.
Лисьмапрят[витнемс лисьмапрянть]
- ↑ 1,0 1,1 МБУК «Кочкуровская ЦРБ» Писатели Кочкуровского района Архивировазь 10 Якшамковонь 2021 иестэ.(руз.)
- ↑ 2,0 2,1 «Чилисема» 2015ие № 5, АГЕЙКИН Григорий Петрович Архивировазь 8 Даволковонь 2016 иестэ. (эрз.)
- ↑ Время и события. 2014: библиографический указатель / Нац. б-ка им. А. С. Пушкина Респ. Мордовия; [сост. А. Н. Маланьчева]. — Саранск, 2013. — 148 с (руз.)
- ↑ «Известия Мордовии»: В год литературы кочкуровцы читают произведения своих земляков-писателей (руз.)