«Эрзянь масторонть...» (валморо)

Википедиясто материал - аорев содамкундосто
Перейти к навигации Перейти к поиску

«Эрзянь масторонть...» — те Таганов Дмитриень валморозо.


Эрзянь масторонть
картасто вешнезь,
сизить сельметь
прят майсевтьсак стяко.
Самолётсо а пачкодят
Тозонь,
Кона ёнксонтень
Илязат яка.

Монгак вешнинь…
Ды ламова ютынь.
Неинь мазыйстэ
Цитниця штелькст:
Аштить сравтозь
Масторлангонь келес,
Прок кудовтомо
Кудыкелькст.

Ансяк ули те масторось,
Ули.
Наяв содаса, те аволь он –
Неень тарказо аволь конёвсо.
Эрзянь масторось
Седейсэм монь.