Ётамс сёрматфть няфтьфонц потмос (содержаниянцты)

Лембеёнкс Урал

Википедиясто материал - аорев содамкундосто

Лембеёнкс Урал
руз. Южный Урал
Спутникстэ фоткувось NASA. 2008
Спутникстэ фоткувось NASA. 2008
54° с. ш. 58° в. д.HGЯO (T)
РегионыБашкирия Республикась, Челябань ёнкс, Оренбургонь ёнкс, Актюбань ёнкс
Горная системаУрал
Хребет или массивЯмантау
Высота вершины1 640[1] м
Россия Мастор/Казахстан Мастор ещё не имеет позиционной карты.
Те терминэнть улить лият смустьгак, вн. Лембеёнкс Урал (смустьтне).

Лембеёнкс Урал (руз. Ю́жный Урал) — лебмеёнонь ды сех келей Уралонь пандтнень пельксэсь, ашти Куншка Уралонь ды Мугоджарами ютксо. Чивалгомасто чилисемас Лембеёнкс Уралось шти Чилисема-Европань валаня таркасо (руз. Восточно-Европейская равнина) ды Чивалгома-Сибирень валаня таркатнесэ[1] (руз. Западно-Сибирская равнина). Пелевеёндо — шабрацек ашти Куншкань Уралонть марто, Юрма [2][3] пандось, 56° пелевеёнонь келейгавсо[4]. Лембеёндо — Мугоджарт — ютыть модава Актюбань ёнкссо Казахстан Республикасонть[5].

Сех сэрей таркась: Ямантау пандось (1 640 м). Лембеёнкс Уралось келейгавтови 250 вп сонензэ малас молиця пандоваксстнесэ, зярдо Уралонь пандтнень саеви 40 саезь 150 видс вп. Лембеёнкс Уралонь кувалмозо 550 вп[1].

Рельефесь ды геологиянь керявксось

[витнемс | витнемс лисьмапрянть]
Айгир пандо керявксось ды Инзер леесь

Лембеёнкс Уралонть рельефесь пек стака. Лембеёнкс-чивалгомань ды меридиональной кувалмонь пандо карязтнэ керсезь домкань троксонь валаня таркатнесэ.

Пандонь системанть куншкась Уралтау пандо карязось, кона Ашонь ды Уралонть ведтнень явты. Сонзэ кувалмось 500 вп, ды сравтови Лембеёнкс Уралонь чилисема ёно. Келезэ 5 саезь 30 видс вп. Сех сэрей прязо 1067 м (Арвяк-Рязь пандось, Белорецк ошонть эйстэ лембеёнов); пандо карязонть куншка серезэ 800—900 м, малавикс валаня таркатне аштить 400—500 м седе ало. Уралтау пандо карязось теезь знярыя параллельнойть грядасто ды а пек покшкеть отрогт эйстэ, конатат ававить келей ложбинасо.

Ямантау пандось — сех сэрей высшая Лембеёнкс Уралонь таркась

Ашо леенть лашмось чивалгома ёнов явты знярыя параллельнойть ды седе сэрейть ды керсезь пандт. Сех серейть карязтне эйсэст – Зигальга ды Машак, ды сех серейть пандонь пурнавкст – Ямантау ды Иремель. Сынь теезь-путозь пек кеме кварцонь чуварсто ды сёвонень сланецтстэ. Рельефень коряс чалгавксонь склононзо, келей пандоверьксэнь террасат ды кевев прят. Пандонь пурнавкстнэсэ касыть пичень (чулянь) вирьсэ 1 100 м сэренть видс, теде сэрей таркатнева вастневить ансяк кевень каявкссо-валовксо. Пандоверьксэнь террасатнесэ ды сопканькондят пряпадтнесэ ванстовсть стенаньлувонь пандо керявкст (останецт), сынь теить кой-кона пандтнень[1] судрявксонть.

Седе чивалгома ёнов молить пандтне 1 000 м седе вишкине, ансяк кой-кона пандопрятне седе серейть. Пандонь пурнавкстне явовтозь седе келей кувалт чудиця лейтнесэ. Прявт карязтне те Зильмердак, Юрматау, Колу, Каратау[1].

Чилисемав Уралтау пандокарязонть эйстэ аштить лият Лембеёнкс Уралонь пандокарязт: Ирендык ды Крыктытау. Сынь теезь-путозь аволь ансяк тортань, истя вулканонь породатнесэ. Пандтне пек ангазь, прятне лапужавт, ансяк косо панжовить вулканонь породатне, тееавить пандонькерявкст, судрявкст[1]. Лембеёгл. Челябань ды Оренбургонь ёкнссо пандтне прядовить ды ушодови степесь, седе мейле пельсчаво пакся.

Розовой пандокерявкс Миньяр станциянть вакссо
Куншка Нургуш пандось, Нургуш пандокарязось

Лембеёнкс Уралонь рельефесь невти Уралонь пандонть модамасторонть геологиянь историянть. Лембеёнкс-Уралонь пандонь модамасторось, сонзэ ланкс чилисемасто ливалгомав верьде ваномась, совавты эсинзэ эйс истят геоморфологической провинцият:

  • (руз. Предуральский краевой прогиб );
  • Чивалгома Уралонь пандонь теевксэсь ашти серейстэ кепедезь бассейнанть платформанть чиретнесэ;
  • Куншка Уралонь пандонь теевксэсь («кристаллонь зона») ашти серейстэ кепедезь платформанть юронь комплексжнть эйстэ ды кезерьпалеозойень уралид теевкстнэсэ;
  • Чилисема-Уралоньсэсь ашти валаня усиянькондямо ды микроконтинентальной террейнассо;
  • Сибирэнь прамось Чивалгомань окраинасо (руз. Западная окраина Сибирской впадины) совавтови (руз. Зауральский палеозойский складчатой пояс) ды пештязь пострифтовой мезозоень-кайнозоень ортатнесэ.

Лембеёнкс Уралонь пандтнэ:

Климатось

[витнемс | витнемс лисьмапрянть]

Лембеёнкс Уралонть климатось пек континентальной: якшамо телесь ды пси кизэсь. Тельня погоданть теи Азиань антициклонось, кона сови Сибирюстэ, кизна сыть арктикань коштонь пурнавкст Баренцевань ды Карской иневедьтнень, истя жо тропикань варматне Казахстансто ды Куншка Азиясто. Климатонть континентальностесь кепедеви пелеве-чивалгомасто саезь лембе-чилисемс[6].

Телесь (сундерьковонь куншка — эйзюрков) — кувака, кеме, улить ламо маней чи марто чить. Улить даволт, сеедьстэ ютыть даволковсто (2—16 чить ковонть). Якшамковонь куншкаковонь коштонть температурась — 22 °C (сех алкинесь — −45 °C). Кой-коли атлантикань циклонтнэ туить лембельгавтомат начко лов, пиземе ды сув марто. Васеньце ловонь велтямось ушодови ожоковсто, соксо ды крандайсэ якамось суньдерьковонь омбоце пельксэнть. Эйзюрковсто моданть ловонть велтямось 40—80 см[1].

Тундось (чадыков — панжиков) — летьке, суньдерькс ды кельме марто. Нусманя пиземе ды лов марто ды маней читне молить човор. Моданть ловонть велтямось солы чадыковонь куншкасто, башка иетнестэ ванстови панжиковонь ушодоманть видс, тундонь чадытне ды рудазось моли вейке ковдонть седе ламо. Кельмень прамось кой-коли ульси медьковонь васеньце пельксэнь видс[1].

Кизэсь (аштемков — умарьков) — лембе сеедьстэ пурьгинень марто пиземе марто (7—11 чить (пургине марто пиземе) аштемковсто ды медьковсто). Медьковонь куншкаковонь коштонть температурась +19 °C (сех покшось — +34 °C). Умарьковсто верьде прыйтьне киремтявить, седе ламо кармить маней чить. Умарьковонь омбоце пелькстэнть ушодовить кельмевкст[1].

Сёксесь (таштамков — сундерьковонь васеньце пельксэсь) — якшамо, нусманя, пиземев виев варма марто. Кой-коли таштамковось эрьси коське ды чи марто валскень кельмевксэнь марто. Верьде прыйтьне тия кувакань пиземесэ сув марто (5—15 чить сувов чить ковсонть) лов марто.

Гидрографиясь

[витнемс | витнемс лисьмапрянть]
Ашо леесь
река Инзер
Уфа леесь — ванмось Кошке пандостонть

Весе Лембеёнкс Уралонь лейтне те Каспийянь иневедень пурнавкссонть; ансяк пелевеёнонь пельксэнть улить зеяро-бути лейть конатат явовить Обь леентень, ды то есть бассейну Пелевеёнкс Эйень Иневедень пурнавксонть (Уй ды Миасс лейтне). Ведень Лувонь ведень явовтомась (Ашо ды Урал лейтнень) юты Уралтау[1] пандо карязганть.Лембеёнкс Урало улить венчень якамо лейть, истят кода Ашо ды Урал.

Лембеёнкс Уралонь лувонь лейтьне:

Эрькеть
Тургояк эрькесь

Сех ламо эрькеть (10—14 %) улить Уралонь чилисемань пандовакссось. Эрькетьне сравтовсть Чебаркулень эрькень пурнавкстонть лембеёнсто Синаронь — пелевеёно (Увильды, Иртяш, Тургояк, Каслинэнь эрькеть). Чилисемань пандоваксонь эрькетнесэ улить ламо симема ведь[1].

Вастневить тесэ карстовонь эрькеть, конатат теевсть карстовонь воронкасо ды лондавксонь таркасо. Истят эрькетне Круглое (Челябинск ошонь вакссо) ды Боровушка (Еткуль велень вакссо). Карстовонь эрькетне вишкинькат, ансяк покш домкавт (пачкодить 10—15 м седе ламов). Истят эрькеть вастневить Уралонь, Гумбейкань, Миассонь, Течань ды лия леень лашмосо. Уралудалксо салтомо эрькетнень вакссо улить ламо саловт (Таузаткуль, Солёный Кулат, Лаврушино)[1].

Касовкст ды ракшат

[витнемс | витнемс лисьмапрянть]
Покш Иремель пандо
Зигальга пандокаряз

Уралонь пандтне, сынь эрявиксэвть климатонь явовтомакс, ды сынь теить аволь вейке европань ды азиань пандотнень лангсо касовкстнень. Лембеёнкс Уралонь чивалгомань ёно, 250—650 м серьсэнть касыть лембетайгань хвойянь-куваколопань вирть. Сехте вастневицят пичень лопань-пичень ды човор пекшень-пичень. Сех чивалгомань пемэнть пандо-вирень зонаванть вастневить келейлопань вирть[1].

Уралудалксонь валаня модатне кавтов явовтыть виреньстепень ды степень ланкс. Пелевеёнонь виреньстепень таркасо тикшень касовксо вастневить пичень (кой-коли лиственница марто), куз-пичень ды килей-пичень вирьть коске тарад ды лугань степень тарка марто. Те лембеёнкссо вастневи колань вирьстепь. Лугань ды степень аволь ламо сюротне тесэ вастневить вирькужотнень, пичень-килеень рощатнень ды килеень колкатнень марто[1].

Вадрясто неяви сэрень карксомась. Чоподахвоянь вирьтне пандо-тайгань карксонть касыть 1000—1500 метрань иневедень чаво тарканть видс. Алце вастневить пихтань-пичень вирть, конататнень вакссо вастневить лопань-пичень вирть, кой-коли пекше марто. Тосо косо оувонь виресь ульнесь керязь, кайсть пекше-килеень (осиново-берёзовые) вирть. Вирьтне те каркссонть касыть лугань кужотнень марто[1].

Седе вере ушодови Подгольцовой карксось, виресь тееви седе алкине (до 5—7) ды касы седе сеетьстэ, появить седе ламо келейть пандонь кужот ды кевень валовкст. Кевень вадовксонь карксосонть кажов флора марто, касы ожо-пиже тюсонть чувто нупонень ды раужо-серой тюсонь ды лопань чувто нупонень марто, кой-коли чопода. Кевтнень юткова алга пракава пурнави мелкозём, косо чачить ды касыть куракшонь чувто нупонть. Появить анемонт, можжевельник, овсяница, осока.

Гольцовой каркс — пандонь тундрась кона ашти Зигальга, Зильмердак, Иремель, Ямантау пандо карязтнесэ 1280—1380 м сэрьсэ, косо улить келэй террасат, нупонень ды лия касовкс пусточей тикше, чей, анемон, аватеште, пазонь цеця, гулька вижбиля, баягине цеця)[7].Уралонь пандонь тундрась пек малавиксэв европань пандтнень альпань лугатнень марто.

Лембеёнкс Уралсонь ламо климатонь кирькст, секс, идем ракшатне пек ламо тесэ. Тесэ вастневить вирень эрицят (бурундук, чинема, нумоло, ласькамо, ривезь, верьгиз, идем сея, идем туво, сярдо, овто) ды степсэ эрицят (степень байбак, кайгарш, ды лият). Тельня Лембеёнкс Уралов ливти ашо покш пря корш ды тынгай. Кизна тей, Лембеёнкс Уралов ливтить ламо лембеёнксонь нармунть: пеликан, калмолангонь тумо атякш, ды эрьва кодат каргот.

Туризмась

[витнемс | витнемс лисьмапрянть]

Туризмась Лембеёнкс Уралсо кармась касомо зярдо ульнесь нолдазь 55-це Весесоюзонь «По Южному Уралу» (т/б «Ильменская» — Челябинск ош)[8] туристэнь якамо кис.

Литературась

[витнемс | витнемс лисьмапрянть]
  • Сальников К. В. «Очерки древней истории Южного Урала» (1967)
  • Стратиграфические схемы Урала. Екатеринбург, 1993. ТТ. Е. И. Кулагина.
  • Кориневский Е. В. Хаотические образования Ильменогорского метаморфического комплекса Южного Урала и их природа. — Екатеринбург: РИО УрО РАН, 2013, — 112 с. ISBN 978-5-7691-2346-7.

Невтевкс

[витнемс | витнемс лисьмапрянть]


Лисьм.:

[витнемс | витнемс лисьмапрянть]
  1. ↑ 1,00 1,01 1,02 1,03 1,04 1,05 1,06 1,07 1,08 1,09 1,10 1,11 1,12 1,13 1,14 Южный Урал: Общее описание района
  2. ↑ Рельеф Урала. Физическая география России и СССР(недоступная ссылка — история). Экологический центр «Экосистема». Ваннозь 26 Панжиковонь 2010. Архивировано из первоисточника 10 Чадыковонь 2010.
  3. ↑ А. А. Крубер. Уральские горы. Общее землеведение(недоступная ссылка — история). Государственно учебно-педагогическое издательство, Москва — Ленинград, 1938 г. OCR Detskiysad.Ru. Ваннозь 26 Панжиковонь 2010. Архивировано из первоисточника 25 Панжиковонь 2009.
  4. ↑ Средний Урал, Большая советская энциклопедия. — М.: «Советская энциклопедия», 1969—1978 гг.
  5. ↑ Южный Урал(недоступная ссылка — история). Ваннозь 1 Таштамковонь 2017. Архивировано из первоисточника 28 Эйзюрковонь 2022. Архивировазь 28 Эйзюрковонь 2022 иестэ.
  6. ↑ Лембеёнкс Урал
  7. ↑ Саевксэнь ильведевкс: Неверный тег <ref>; для сносок autogenerated не указан текст
  8. ↑ «Туристские маршруты по СССР», Профиздат, 1956
Уралонь пандт
Куншкань Урал • Лембеёнкс Урал • Мугоджары • Пай-Хой • Пелевеёнкс Урал • Поляроньвакссо Урал • Поляронь Урал
 
Саезь "https://myv.wikipedia.org/w/index.php?title=Лембеёнкс_Урал&oldid=150305"-стэ