Пелевеёнкс Эйень Иневедь

Википедиясто материал - аорев содамкундосто
Перейти к навигации Перейти к поиску
Пелевеёнкс Эйень Иневедесь куншкасо

Пелевеёнкс Эйень Иневедь (англ. Arctic Ocean, руз. Се́верный Ледови́тый океа́н ) — сехте вишкине покшолманть коряс иневедь Моданть, кона ашти пелевеёнкс пельшарсонть Евразиянь ды Пелевеёнксонь Американть юткова.

Покшолмазо 14,75 млн вп², ведень пурнавксось — 18,07 млн. вп³. Куншка домкачись — 1225 м, сэрей таркась — 5527 м Гренландонь иневедьсэ.

Пелевеёнкс Эйень Иневедентень поладоволить мастортнэ: Даниянь (Гренландия Масторонь), Исландиянь, Канадань, Норвегиянь, Россиянь ды Американь Вейтьсэндявкс Штаттнэнь.

Тельня певтеме эрьва ёнов таргави эень чаво таркасо. Эень пек покш паксятне вельтизь океанонть, сынь молить вейкест-вейкест эйс эцезь. Цятордозь синтревить эйтне ды теить эень пек покш куцят. Аштить пек якшамот, молить кежей лов даволт, кандыловт. Уш ковдо ламо весе вельтязь полярной вень чоподасонть. Эрямось энгамсь. Весе ракшатне кекшнесть, лиясто ансяк ашо овто юты эень чаво таркаванть. Шкань-шкань менелесь ванськады, сестэ пертьпельксэсь валдомтови тештнень цивтолдомасост ды ков валдосонть. Лиясто менельсэнть кивчкади полярной цильдерьдема.

Кизна тесэ, зярыя ковонь перть чись а валгони. Иневеденть лангсо эесь карми соламо, эень паксятне синтревить, порксневить ды кизэнь перть уйнить.

Сёрм.[витнемс-петнемс | витнемс-петнемс лисьмапрянзо]

  • География: начальной школань 4 классо тонавтнема книга. Л.Г. Терехова, В.Г. Эрдели. Саранск: Мордовской государственной издательствась, 1947