Antanta
| Antanta | |
| Война/сражение | |
|---|---|
 Antanta | |
Antanta (фр. entente — «meĺssamo») — ušmanoń-politikań vejsěndävks. Uĺneś pek vieveks mastorütkoń tevtnesě ХХ-ce pingeń vasence ietnestě. Teeź veńksěks Kolmoń vejsěndävksoń purnamonzo langs, konań Germanija, Avstro-Ugrań mastoroś dy Italija 1882-ce iestěnt́ ušodyź, dy 1991 iestěnt́ poladyź važodemanzo sede tov. Juroks ulneś saeź franko-moskovoń 1891–1893–ce ietneń vejsěndävksoś, kona teevś globaleń koalicijaks sede mejle, zärdo ězězěnzě sovaś Ine Britanija, kona 1904-ce iestěnt́ saś Francija marto ve meĺs Afrikado peĺkstamotnesě, dy 1907-ce iestěnt́ Rossija marto Azijań tevtnesě.
Germanija mastoront́ kolonijań ěkspansijazo dy tüŕmazgadomazo (vooruženie), sonzě snartnematne kardams Anglijań azorčiń ineved́tnesě, karmavtyź Londonoń lisems «citnicä izoläcijastont́» dy sovams kontinentěń mastortněń vejsěndävksos, teń pingstě son kadovś veticä mastoroks vese Moda mastoroń raśketneń jutkso.
Vasence Vese Modamastoroń torpingestěnt́ Anglijań, Francijań dy Rossijań blokont́ nežediź 25 mastort dy jutksost AVŠ konań araseĺ melezě čovorävoms Antantaso, seks son lemdize ěś pränt́ vejsěndävksoń «associacijavtoź mastor».