Яксяргынесэ

Википедиясто материал - аорев содамкундосто
Перейти к навигации Перейти к поиску

Яксяргынесээрзянь пакшатнень театрализовань налксемаст. Налксить 8 — 12 иесэ цёрынеть ды тей􏰀 тернеть тунда, кизна луганар лангсо.

Налксемань кедьёнкстнэ[витнемс-петнемс | витнемс-петнемс лисьмапрянзо]

Налксеманть содасызь ламонь таркава, ансяк ютавтови сон а вейкетьстэ. Тесэ налксицятненень максови седе покш тув􏰀 тал невтемс эсь ёрокчинть карадо􏰀кар􏰀 шонь кортамонь диалогонь ветямосонть ды пантомимань налксемасонть. НАЛКСИЦЯТНЕ В а с е н ц е азоравась—тейтерне. О м б о ц е азоравась — тейтерне. С е л я к а с ь — цёрыне. Я к с я р г о т — 8 — 10 цёрынеть ды тейтернеть.


Налксемань кой􏰀кирдатне[витнемс-петнемс | витнемс-петнемс лисьмапрянзо]

Паксянть куншкас палкинесэ черь􏰀 кставить сювозь лато марто кавто кар􏰀 дазт. Сынь аштить карадо􏰀каршо 1,5 —2 м туро. Кардазтнэнь юткова яннэ, кува якить яксярготне. Яннэванть, чиремкшнезь ды крякаезь, юты cелякась. Зярдо пачкоди кардазтнэнь куншкас, лотки, варшты пертьпелев кавксть — васня ве кардазонть, мейле ом􏰀 боценть ёнов — крякади. Кавонест кар􏰀 дазтнэнь ёндо яксярготне каить каршо вал — састыне крякаить. Селякась панжсы васня ве ортанть, мейле омбоценть. Яксярготне мельга􏰀мельцек лисить ор􏰀 татнева. Селякась венстясынзе икельце яксяргот􏰀 ненень кедензэ, ды сетне кавто рисьминекс, чиремкшнезь, туить сонзэ мельга. Молемань перть весе яксярготне чово􏰀 рявить вейс, ды кавто рисьместэ тееви вейке. Васенце азоравась (ютыэсь кардазганть, маштнетезь чави кедензэ, пижни шабрань авантень). Вай, авакай! Маря! Омбоце азоравась (лиси кардазс). Мезе теевсь? Васенце азоравась.Монь яксярготне тонь кардазс эзть сова? Омбоце азоравась(ютавтсынзе сельмензэ кардазганть). Вай, корьми􏰀 ницькем! Даря, монь эсенсетнеяк тесэ арасть! Васенце азоравась. Нать,те идемевсень селякась таго манинзе лей чирев. Омбоце азоравась. Ужо, максан тенст шатамо! Васенце азоравась.Мон карензэ те селяканть синдтресынь! Адя􏰀 ка лей чирев! Азораватне туить «лей чирев» (нар пак􏰀 сянть лангс), косо те шкане селякась то􏰀 навты яксярготнень «веденть» лангсо эрьва кодат фигурань тейнеме: кирькст, кавонькирдань кикст, ёзнэть ды лият мезть. Лиякс меремс, киштемань кирькс кужонь фигурат. Яксяргонь пильге ла􏰀 пушкань молевкстнэ невтевить кедьла􏰀 пушкасо. Весе тень неезь азораватне седеяк та􏰀 лакадыть. Васенце азоравась.Конатне тесэ монсетне? Омбоце азоравась.Амонсетне конат? Васенце азоравась.Паряк, эсест кудост содасызь, бути пекест вачи. Омбоце азоравась. Адя учосынек. Азораватне туить кудов, арыть эсь кардаз кенкшест лангс карадо􏰀каршо. Селякась вети яксярготнень кудов. Весе арыть вейке рисьмес. Чиремкшнезь ды крякаезь, сынь ютыть азораваст вакска, сынст лангс апак варшта. Васенце азоравась. Вай, корьминецькем, эсест кудосткак тенст эзь содаво! Омбоце азоравась. Эряви манямс сынст. Кортавтсынек: мон улян «модамарькс». Васенце азоравась. Амон— «суронь кашакс»... Оно,эль сыть... Азораватне кепедьсызь кундазь кедест верев, теить ортат. Селякась ветясынзе яксярготнень ортатнень алга. Меельце яксяргонть икеле ортатне пекставить — кедтне нолдавить алов. Васенце азоравась(яксяргонть пилес, тошказь). Модамарь эли суронь каша? Яксяргось. Модамарь. Омбоце азоравась. Лисни, монь. Совак кардазс. Селякась таго вети яксярготнень. Ней — лия ёндо. Ней кевкстеманть макс􏰀 сы омбоце азоравась. Ды истя седе тов, зярс азораватне а мусызь эсест яксяр􏰀 гост. Меельцекс кадови ськамонзо селя􏰀 кась. Сонензэ кевкстеманть макссызь пек марязь: Азораватне (вейсэ).Модамарьэли суронь каша? Селякась кочкасы эрявиксэнть. Лисни истяяк, што вейке азораванть яксяргонзо кармить улеме седе аламо улезтнень коряс. Сестэ пелькстамось прядови ускомасо. Васенце азоравась. Монь колмо а сатыть. Омбоце азоравась. Эряви усксемка теемс. Кие кинь изни, сень улитькак яксярготне. Эрьва группась ары эсь азораванзо мельга ды путы весе виензэ ускомс кар􏰀 шо молицянть эсензэ кардазс. Лисни истяяк, што вейке азоравась допрок ка􏰀 дови яксярговтомо. Те пайстомось сови чаво кардазс, озы масторов ды карми авардеме. Селякась чалги яннэнть лангс, кона юты кардазтнэнь юткова, колмоксть ви􏰀 евстэ крякади. Обидязь азоравань яксяр􏰀 готне вейке омбоце мельга, кирнявтнезь, чиить лиянь кардазсто эсенсентень ды кирькс ладсо тапардасызь азораваст. Азоравась сти мастордо, кенярдозь вадя􏰀 ши яксяргонзо пря ланга. Сынь мельспа􏰀 росо чарыть азораваст перька. Истя жо чарыть эсь азораваст вакссо ом􏰀 боце кардазонь яксярготнеяк. Селякась, крякаезь, наянсто туи яннэванзо. Те налксемась молекшни лиякскак: ушодсызь сонзэ кавто маткатне — азор􏰀 аватне. Сынь истя жо саить эстест лемть, саемга, секе «модамарь» ды «суронь каша» валтнэнь. Мейле ортатнева нолда􏰀 сызь яксяргонь рисьменть, конань вети селякась. Модамарь эли суронь каша? — кевкстить салава азораватне. Истя эрьва маткась пурны эстензэ команда, конась карми пелькстамо омбоценть марто уско􏰀 масо. Изниця командась эрьва кода пейдькшни изнязенть лангсо.

Сёрм.:[витнемс-петнемс | витнемс-петнемс лисьмапрянзо]

Брыжинский Василий Сергеевич 2002: Сиянь рисьминеть. Мордовской книжной издательствась. Лл. 117-120.