Юдина, Валентина Михайловна

Википедиясто материал - аорев содамкундосто
Перейти к навигации Перейти к поиску
Юдина, Валентина Михайловна
чачома чись эйзюрковонь 28 чи 1951(1951-03-28) (69 иеть)
Чачома тарка Ицяло, Ицял буе, Мордовская Автономная Советская Социалистическая Республика[d], РСФСР[d], Советэнь Вейсэндявкс[d]
Важодема ёрокчизе сёрмадей, куляньсёрмадей

Юдина Валентина Михайловна – сёрмадей, кулянь сёрмадый.

Эрямо пингезэ[витнемс-петнемс | витнемс-петнемс лисьмапрянзо]

Чачсь 1951-це иень эйсюрковонь 28-це чистэ Мордовиянь Ицяло велесэ. Тесэ кассь, тестэ средней школань прядомадо мейле тусь тонавтнеме Московов А. М. Горькой лемсэ литературной институтов. Те кинть кочкизе секс, мекс стихень сёрмадома виензэ варчнизе уш кавксоце классо тонавтнемсэ. Васенце стихезэ печатазель Ицялонь «Путь Ильича» райгазетасо.

Литинститутсо тонавтнесь Лев Озеров рузонь содавикс поэтэнть семинарсо. Тесэ теевсь содавиксэкс рузонь ды лия масторонь поэттнэнь ды прозаиктнень шкинемаст марто, сынст книгатнень вельде тонавтнесь чарькодеме эрямонть смустензэ.

Литературной институтонть прядомадо мейле сисем иеть важодсь корреспондентэкс «Трибуна строителя» ламо тиражонь газетасо, мейле ютась «Строитель» Культурань кудов эйкакшонь секторонь прявтокс. Теке жо шкастонть мирдензэ, Терентьев Александр рузонь содавикс поэтэнть, марто панжизь «Пегас» литературной студиянть. Курок сынст перька пурнавсть поэзиянь кементь вечкицят. Малав весе сынь ульнесть одт, тейсть васенце эскелькст сёрмадомасо. Валентина Михайловна ды Александр Николаевич мейсэ маштсть лездасть тенст. А стяко зярыя иень ютазь сынст тонавтницятнень ютксто кассть алкуксонь поэтт, прозаикть, конат нолдасть зярыя виев книгат. Сынст ютксо Александр Арапов, Камиль Тангалычев, Наталья Рузанкина, Сергей Казнов, Александр Бажанов ды лият[1].

Шкинемазо[витнемс-петнемс | витнемс-петнемс лисьмапрянзо]

Юдина Валентинань лиссть стихень зярыя книганзо. «Журавушка» васень книганзо кис, кона лиссь 1977-це иестэ, сонензэ максозель Мордовиянь комсомолонь премиянь лауреатонь покш лемесь. Мейле лиссть «Подснежники» (1983), «Зимний колодец» (1988), «Цветочное поле» (1993) стихень пусмонзо. Пек кеняркшнось поэтессась «Золотник» од эсь книгазонзо. Сон лиссь 2010-це иестэ. Пусмось алкукскак виев, мазый. Эйзэнзэ совасть зярыя иень перть сёрмадозь стихензэ. Сынь вечкемадо, пертьпельксэнь мазычиденть, тиринь мастордонть. Сон седейстэ молиця валсо ёвты корязост эсензэ мелензэ-арсеманзо. Юдина Валентинань валморонзо печатавсть вейсэнь зярыя пусмосо, альманахсо, лиснесть «Огонёк» журналсо, «Молодые голоса» книгасо (Москов ош).

1991-це иестэ саезь Валентина Юдина Россиянь Сёрмадеень кужось совиця[1]. 2004-це иестэ тензэ максозь «Мордовия Республикань заслуженной поэт» покш лемесь. Эти Саранскойсэ.

Литературась[витнемс-петнемс | витнемс-петнемс лисьмапрянзо]

Невтевкст[витнемс-петнемс | витнемс-петнемс лисьмапрянзо]

Лисьмапрят[витнемс-петнемс лисьмапрянзо]

  1. 1,0 1,1 Юдина Валентина Михайловна(руз.). Библиотека мордовской литературы. Проверено 5 Панжиковонь 2020.