Эрьмезь (морокерькс)

Википедиясто материал - аорев содамкундосто

«Эрьмезь» морокерькс — те эрзянь раськень поэма морокерькс, конань пурнызе Яков Кулдуркаев[1]. 1928 иестэ «Якстере теште» кулялопань ожоковонь колмо номертнэсэ лиссть «Эрьмезь ды Котова» морокерькстэ саевкстнэ. Сонсь «Эрьмезь» морокерьксэсь башка книгасо нолдазель ульнесь ансяк 1935 иестэ.

Мездэ морокерьксэсь[витнемс | витнемс лисьмапрянть]

Эрьмезесь — эрзянь раськень прявтонь цёра. Котова - мокшонь раськень прявтонь тейтерь. Сынь псистэ вечкить. Тетятнень-аватнень арась мелеет теемс свадьба. Од ломантне эзизь кунсоло сынст, венчасть салава. Кавто плематнень састь кежест вейке-вейке лангс.

Те шкасто эрзятнень лангс каявсть ордатне. Вийтне ульнесть аволь вейкеть. Ламо верь валсть эрзятне. Мокшонь првтось жо эзь са лездамо эрзятненень. Те тюремасонть чавови Эрьмезь. Сон тееви кевекс. Эрямостонть туи Котоваяк. Тейте­ресь кевенть вакс кассь ашо килеекс. Ванна истямо поэманть сюжетэзэ.

Тесэ Эрьмезь ды Котова ловныцятнень икелев стить весе сэрьсэ. Васняяк, неяви сынст мазычист, валдо оймест ды чевте седеест. Эрьмезь чинек-венек важодсь. Сон тейсь ведьгевть, венчть ды кузницясо лия тевть. Зярдо Суранть чирестэ неизе мок­шонь тейтеренть, сон сеске кармась вечкемензэ ды арсесь саемс никс. Котовань тетязо Пурейша мерсь, ансяк сестэ тейтерензэ макссы цёрантень никс, бути сон муи карень кодыця цёканьзюро. Эрьмезнень кармась лездамо вирень ава. Сон церанть ветизе тусто вирев ды невтизе кинть, кона ветясь ялаксонзо эрямонь таркантень. Ялаксозо ульнесь вирень ведун. Эрьмезь кедьсэнзэ кармась важодеме кшисускомонь кисэ. Эрьмезь лиссь изницякс.

Поэмасонть ламо тевтне теевить кода волшебной ёвкстнэсэ. Истя, кудов самсто Эрьмезь вастови Дыдай ракшань ваныцянть марта. Сон эрзянь цёрантень казсь вол­шебной локшо, кона лездась ятнэнь каршо тюремстэ. Ансяк вана Эрьмезь ёмавтсы локшонть ды сонзэ изнясызь верень потийтне.

Я.Я. Кулдуркаев поэмасонзо келейстэ панжи эрзятнень чевте оймест, валдо седеест. Тень сон парсте невтизе Эрьмезень обуцянть вельде. Эрзятне эрясть вирьсэ, парсте содылизь таркатнень, тюрсть эсест олячист кис.

Сёрм.:[витнемс | витнемс лисьмапрянть]

  1. МБОУ «ЛОБАСКИНСКАЯ СРЕДНЯЯ ШКОЛА» ПОКШЧИ. Я. Я. Кулдыркаевень эрямонь ды шкинемань кизэ(эрз.)