Щеглов, Александр Сергеевич

Александр Сергеевич Щеглов
Александр Сергеевич Щеглов
чачома чись	эйзюрковонь 20 чи 1916
Чачома тарка	Кендя, Советэнь Вейсэндявкс[d];
Кулома чись	ожоковонь 24 чи 1989
Мастор	Россиянь империясь; Россиянь Советонь Федеративонь Социализмань Республикась[d]; Советэнь Вейсэндявкс[d];
Важодема ёрокчизе	сёрмадей

Александр Сергеевич Щеглов (20.03.1916 – 24.10.1989). Чачсь Тумобуень Кенде велесэ, Мордовиясо. Эрзянь сёрмадей. КПСС-сэ 1940 иестэ саезь. Сокиця-видиця раськень. Эрзя.

Тонавтнемазо[витнемс | витнемс лисьмапрянть]

Сокиця-видицянь од ломанень Школа.
1934 - 1939 тонавтнесь кавто-иень Пензань кулялопасо важодицянь туртов школасо заочна.
1939 иестэ прядызе заочна Ленинградонь кулялопань сёрмадеень институт.

Важодемазо[витнемс | витнемс лисьмапрянть]

Сокиця-видицянь од ломанень Школань прядомадо мейле важодсь колхойсэ ярмаконь ловномань ветицякс, мейле ловнома кудонь прявтокс.
1934 иестэ саезь 1939 иенть видс важодсь буень кулялопасо.

Теде мейле «Ленинэнь киява» од ломанень кулялопанть витницякс, ды «Пионерэнь вайгель» эйкакшонь ловнома пусмосо.
1947 иестэ саезь эрясь Саранскойсэ ды важодсь кулялопань ды ловномапусмонь витницякс, сёрмалесь прозо ды драма. Ламо ютавты рузонь кельстэ Пушкинэнь, Лермонотовонь ды лиянь шкинемат.
1967—1971 «Сятко (журнал-ковставкс)» ловномапусмонь прявт витниця.

1941-1945 иетнестэ ойнасоль, турсь Москов ало. Ульнесь ранязь. Казезель Якстере тештень ды 2-це степенень Отечественной ойнань ордентнэсэ, зярыя медалензэ 1947 иестэ понгсь демобилизацияс.

Сёрмадеень кизэ[витнемс | витнемс лисьмапрянть]

Васенцеде печатызь 1933 иестэ Тумобуень "Омбоце пятилеткань кисэ" кулялопасо, теде мейле свал печатылизь эрьва кодамо эрзянь ловномапусмосо ды кулялопасо.
1940 иестэ лиссь васенце эйкакшонь валморонь пусмо - «Вишка патриот» («Маленький патриот»).
1941 иестэ саезь - СССРень Сёрмадеень вейсэндявкссо.
1944 иестэ лиссь башка книгасо «Гайкстак, бандура» поэмазо, конась алтазель Москов ало 1941 иестэ чавозень гвардеец-панфиловецень лецнема туртов.
1950 «Комсомольский билет» пьеса, путозель театрасо 1951 иестэ Мордовской драмань театрасо.
1951 «Ёвтнемат»
1960 «Алкуксонь вечкема»
1963 «Тесэ весе мазыйть»
1964 «Иень перть» (эйкакшнэнь туртов)
1965 «Вишка пьесат»
1966 «Факир»
1968 «Припятенть чиресэ», «Емась боень шкасто» «Уцяска»
1969 «Чалпан» (эйкакшнэнь туртов)
1970 «Повестть ды ёвтнемат»
1971 «Стихть, поэмат, евкст» пусмо (эйкакшнэнь туртов)
1976 «Трудная любовь. Повести и рассказы»
1977 «Сёмань каникуланзо» (эйкакшнэнь туртов)
1980 «Кавксть чачозь» роман-дилогия. Ф.Андриановонь ютавтомасо нолдазель 1990 иестэ кода «Егор Каргин» (1990).
Истя жо «Эрямонь философия», «Ёндол», «Кирпецть», «Часияв ломань», «Чокшнесь эзь коле», «Из фронтового блокнота» ёвтнемат.

Сёрмадовксонзо ютавтозь зярыя СССР-нь раськень кельтнес. Сехте содавикс ды мелень явицякс ашти «Комсомолонь билет» пьесась. Жанрань диапозонось - келей (ёвтнемат, пьесат, роман, фельетонт, кулят), тематикась - сюпав: ойна ланга, сокиця-видицядо, эйкакшненень.