Шумбрачинь максомась

Википедиясто материал - аорев содамкундосто

Шумбрачинь максомась

Педи орматнеде[витнемс | витнемс лисьмапрянть]

Педи орматне (инфекциянь орматне) явовить лия орматнеде этиологиясост — уставамонь тувталсонть, ды весе педи орматнень уставамо тувталокс арыть сеть эли тонат микроорганизматне, истят кода бактерият (вишкинеде вишка, модамасторонть лангсо вейке клеткасто аштиця, эрикс организмат), вируст, сезялт, простейшейть (бактериятнеде явовить седе превейстэ эрямо койсэст-цикласост, ды седе покш эрямонтень маштовикс эрьва кодамо кедьёнксонь (эрьва кодат уйнема понынеть-жгуткеть, ундулировиця (толкун ладсо лыкиця) мембранат ды лият мезть) конатненень кандовить лямблиятне, амёбатне, инфузориятне, пангтнэ.

Секскак эрьва микроорганизманть педямодо мейле ломаненть организмасонть устави реагировамо, кона пачти организманть микроорганизматнень изнямозост ды тень кувалма пичкамонтень, лиякс — изни микроорганизмась ды врады азорнть организманть куловтомадонзо мейле. Вана, нурькинестэ, эрьва педи орманть смустезэ.

Коз орма[витнемс | витнемс лисьмапрянть]

Те орманть тувталокс аштить вирустнэ, конатне явовить А ды В типень коряс, теде башка эрьва типсэнть вастневить типкеть, ды эрьвась эсь ютксост машты шкань-шкань полавтомо се эли тона смустень тюсонзо. секскак неень шкас кодаяк а изняви те стака ды тандавксонь кандыця орманть каршо вакцина. Коз ормась свал, малав устави стакасто. Васняяк кузи рунгонть температуразо, кона сатсты 38-39 С градустнэнь малаваст, косто-косто седеяк покшсто. Ломаненть васня устави яжамось-чулгсетемась, мейле аламо шкань ютазь лия невтевкстнэ. Киргапарьсэнть ды судо потмосонть устави скирятома, меште потсо вельми стакачи, мейле устави коське, сэредевтиця козомась, кона кавто-колмо чиде мейле теви летькекс, ды ломаненть козомсто меште потстонть ливтеви аксоркс. Судостонть лисить летьке ливтевкст, конатне васня тюстомот, пачк неицят, мейле кавто-колмо чинь ютазь бутралгадыть, тустомить (бактериянь инфекциянть козонтень човорявомадо мейле. неть невтевкстнэ, паро ладсо, уставить ютамо вете-сисем чиде мейле. Устави ломаненть пичкамозо, конась прядови пее пес кавто таргонь(недлянь) кувалт. Лездамось: сёрмадозь, орманть невтевксэнь (симптомтнэнь) марямсто, васняяк ломанентень эряви пшкадемс пичкамоньтеинтень, ды тердемс сонзэ кудов само (откерекс прянь тейнемась пачти ламо лия ломанень организматнес вирусонь педявтомас, кона тееви молемстэ, эрьва кинь вастнемстэ, ормакудоо аштемстэ), самодонзо мейле эряви саемс орма лопа (больничной лист), конанть, паро койсэ, пекстама ансяк14 чиде малава. Яводо мель! Зярдояк илядо снартне панемс те орманть эсь вийсэнк — те вети стакалгадоматнес, конатне маштыть ветямонк тоначивгак! Пря ветямось:

  • Кирдеде кудонк ваньксэкс, чизэнзэ ламоксть полавтнеде коштонть, илядо пеле вальматнень панжомадост.
  • Симеде 2 литрадо аволь аламо ведь ды лембе!(аволь пси) симемапельде.
  • Мереви симемс витаминдэ, седе ламо 300—500 милиграммат чизэнэ С- витаминдэнть.
  • Весе, рекламировазь, порошкатне, конатнеде лиси ёвксонь пичкамось ветить ансяк невтевкстнэнь изнямо ды сёпить орманть алкуксонь стакачинзэ.
  • Судо потмонтень мереви, васень невтевктнэнь марямодо мейле, петнямс интерферононь препаратт. Истят, кода «Гриппферон» ды лият.

Весеме лиянть ёвтассы тенк пичкамоньтеинк.

Седеень-верьсанонь орматнеде[витнемс | витнемс лисьмапрянть]

Седеень- верьсанонь ормате весе модамасторонть келес арасть сехте вастневицякс ды эрямонь сехте пек саицякс. Неть орматнень эйстэ кулыть эрьва иестэнть лия орматнень коряс ков седе ламо ломанть, сынь саизь куломань тувталтнэнь ютксто васенце тарканть. Неть орматне явовить зярыя пельксэс:

Седеень ишемиянь орма[витнемс | витнемс лисьмапрянть]

Ишемиясь — те седеентень верень пачтявомань асатомась.

  • стенокардия
  • аволь стабильной стенокардия (прогрессировиця, пшти коронарной синдром)
  • стабильной стенокардия.1,2,3,4 Функциональной Класст.
  • миокардонь инфаркт (седей сывелень пельксэнь свалшкас кулома). Ды сонзэ стакалгавтыця лисевкстнэ — кардиогенной шок, тевелявонь летьке таргозема (тевелявонь отёк) ды лият.

Аритмият[витнемс | витнемс лисьмапрянть]

Аритмият — седеень виде токноманть колавоматне.

  • липниця(мерцательной) аритмиясь.
  • экстрасистолиясь (седеенть аволь шкасто, виде токноманзо трокс, башка токнома, эли токнома коволт).
  • пароксизмальной(апак учне) тахикардиясь (зярдо седеенть токноматне теевить пек сеедекс шкань-шкань 160—200 минутанть трокс).

Электроютавтомань колавкст[витнемс | витнемс лисьмапрянть]

Электроютавтомань колавкст (эрьва неевтень блокадат).

Якстере верьсанонь гипертония[витнемс | витнемс лисьмапрянть]

Якстере верьсанонь (артериянь) гипертония.

Инсультт[витнемс | витнемс лисьмапрянть]

  • геморрагиянь (пря удементь потс верень валовомась).
  • ишемиянь (пря удементень верень асатомадо пельксэнзэ куломась).
  • субарахноидальной (пря удемень колмо вельтявкстнэстэ вейке вельтявксоть — чанжавонь коцтладсонть алов) верьваловомась.

Стенокардия[витнемс | витнемс лисьмапрянть]

Седеень ишемиянь ормань сехте сеедьстэ вастневиця неевтезэ.

Тувталтнэ[витнемс | витнемс лисьмапрянть]

якстере верьсанонь спазма (зярдо санонть диаметразо вишкалгады кодамояк тувталонь кувалма, истямо тувталокс эрси ламо стака тевень теемась, апаро седейсэ аштемась ды лиятне, зярдо санонть потсо ютамо юткось вишкалгады седей сывелентень лотки сатомодо чапамоньтеись, седе сеедьстэ те спазмась эрси сестэ зярдо сантнэнь потсо теевить атеросклерозонь калгодо потмоливкст (бляшкат). Сынь истякак стакалгавтыть веренть ютамонзо бути жо тенень стардови оштё спазмась — верень сатомась седеяк алкиньгады.

Пеняцямотне[витнемс | витнемс лисьмапрянть]

стенокардиянь пингстэ ломанесь пеняци пициця эли, седе чуросто, лепштиця сэредькс лангс, сон устави мештень куншка-керш пелькссэнть, седейпенчтэнть кавто-колмо сантиметрадо вере, теде башка сэредьксэсь иррадиирови — ютазь сатстови: седейпенчс ды пекень верьксэс (эпигастрияс), керш кедентень, лавтовонтень, пей салазкентень, керш ёндо пейтненень, кона-кона ломаненть те сэретьксэнть марто сайнесы куломадо пек пелемаськак. Неть сэредькстнэ свал ютыть 3-5 минутань трокс, бути ломанесь аламос ойми, эли саи ормаменькс.

Диагностикась[витнемс | витнемс лисьмапрянть]

Свал эряви васняяк молемс ормакудов бути тынь арсетядо тынк истямо ормасо сэредемадонть. Те орманть марто парсте эрямга тынк тонавттадызь терапевтэсь, ды, бути эряви, кардиологось. Теевить эрявикс анализт, ды кардиограммась (седейсэнть электросигналонть ютамодонзо машинань сёрмадовкс), бути эряви, васенцекскак сонсь пичкамоньтеиесь (врачось) арси кода улемс седе тов.

Васень лезксэсь[витнемс | витнемс лисьмапрянть]

Ломанентень эряви муемс ён тарка, конасонть ули сатышка кошт, сон мадстемка эли озавтомка, эряви юкснемс сивензэ, ды каямс карсемапельтне. Сехте паро лезэкс истя сэредицянтень ули нитроглицеринэсь, сон эрси эрьва кодамо формасо — петнявкст(каплят), таблеткат, кельалов спрей (пурксемапель); саеви вейке доза таблеткасо эли кавтошка пурксема дозат кель алов. Бути сэредьксэсь а юты — эрьва 3-5 минутань трокс мереви оштё ды оштё саемс неть препаратнэде колмоксть. Бути колмо таблеткадо мейле ормаменьксэсь эзь лезда — эряви тердемс «Курок лездамонь» бригаданть.

Яводо мель!!!

Те сёрмадовксось а тонавты эрьванть, кода менстемс те стака орманть, сон ёвтни ансяв васенце лездамодо. Свал эрьва ломанесь васняяк кевкстезэ эсензэ пичкамотеиенть кона ёвтасы мезе теемс седе тов.