Шведова, Наталия Юльевна

Википедиясто материал - аорев содамкундосто
Шведова, Наталия Юльевна
Портрет
чачома чись ацамковонь 25 чи 1916(1916-12-25)
Чачома тарка
Кулома чись таштамковонь 18 чи 2009(2009-09-18)[1] (92 иеть)
Кулома тарка
Мастор
Важодема ёрокчизе валксонь сёрмадыця, келеньсодый, университетэнь тонавтыця
Тетязо Юлий Исаевич Айхенвальд[d]
казнеть ды медальть
Орден Дружбы орден Дружбы народов орден «Знак Почёта»
Государственная премия СССР бронзовая медаль ВДНХ

Ната́лия Ю́льевна Шве́дова (1916-це иень ацамковонь 25-це чи, Москва — 2009-це иень таштамковонь 18-це чи, тосо жо) — советэнь ды россиянь лингвист, филологиянь наукань доктор, профессор, академик РАН (1997).

Эрямо кизэ[витнемс | витнемс лисьмапрянть]

Наталия Юльевна Айхенвальд Юлий Исаевичэнь литературной критикень тейтерь. Ю.И. Айхенвальдонь 1922-це иестэ россиянь лия учёноень ды культурань тевтеийтьнень марто ильтизь масторонь томбалев, эрямозо сезевсь 1928-це иестэ Берлинсэ.

Прядсь Инъязонь московской областной техникумонь переводческой отделения (1935), англистикань коряс. 1940-це иестэ прядызе МГПИ-нь келень ды литературань факультетэнть.

1940-це иестэ саезь 1944-це иес — Мордовской учительской институтонь ды Мордовской государственной педагогической институтонь (войнань иетнестэ — Мордовской АССР-нь Темниковсо) старшей преподаватель.

Н. Ю. Шведовань калмозо Московонь Троекуровской калмазырьсэ

1946-це иестэ прядсь аспирантура В. В. Виноградов академикенть ветямонзо ало, идесь «Возникновение и развитие предикативного употребления полных прилагательных в русском языке» кандидатонь диссертация. Те шкастонть саезь ушодсь важодеме СССР-нь НА-нь рузонь келень институтсо (кона-кона иетнестэ валовкшнось вейс Языкознаниянь институтонть марто).

1958-це иестэ идесь «Синтаксис русской разговорной речи. Строение простого предложения» докторонь диссертация . 1962 — 1972-це иетнестэ ловнось «Синтаксис русского языка» теоретической курс ды ветясь семинарт МГУ-нь филологической факультетсэ, 1964-це иестэ саезь — профессор.

Рузонь келень институтсо мельга мельцек ульнесь младшей, старшей научной сотрудникекс ды (1961 —1989-це иетнесэ) литературной келень секторонь прявтокс (1970-це иестэ теевсь рузонь литературной келень грамматикань ды историянь секторокс, а 1986-це иестэ — неень шкань рузонь келень грамматикань ды лексикологиянь отделэкс).

1984-це иень ацамковонь 26-це чистэ кочказель СССР-нь наукань академиянь членэкс-корреспондентэкс Литературань ды келень отделенива (1991-це иестэ саезь — РАНонь член-корреспондент ). 1997-це иень панжиковонь 29-це чистэ кочказель РАНонь академикекс.

Кулось, зярдо тензэ молиль 93-це ие, таштамковонь 18-це вензэ лангс 2009-це иестэ, калмазь таштамковонь 23-це чистэ Троекуровской калмазырьс, гражданонь панихидась ютась РАНонь ЦКБ-сэ Ясеневасо.

Наукань тевезэ[витнемс | витнемс лисьмапрянть]

Ламо иень перть Н. Ю. Шведова ветясь коллективной покш темат. Сонзэ марто нолдазельть кавксо томонь аннотированной «Библиографический указатель литературы по русскому языкознанию с 1925 по 1980 гг.» (СССР-нь НА-нь президиумонь премия); рузонь келень академической Грамматикат, ютксост коллективной колмо покш грамматикат: «Грамматика современного русского литературного языка» (1970), кавто томонь академической «Рузонь грамматика» (1980), конанень максозель СССР Государственной премия; «Краткая русская грамматика» (1989); В. В. Виноградов академикень «Избранной трудонь» грамматической том; «Слово и грамматические законы языка» кавто томонь тев (труд) (1989).

1994-це иестэ Н. Ю. Шведовань редакциянзо ало лиссь В. В. Виноградовонь «История слов» монографиязо.

С. И. Ожеговонь куломадо мейле 1964-це иестэ важодсь вейке томонь «Словарь русского языка» валксонть лангсо, пештясь эйсэнзэ ды витнесь. 1992-це иестэ саезь те валксось лиснесь Ожеговонь ды Шведовань лемест ало. Меельце иетнестэ Шведова ды тонавтницянзо важодсть истя жо «Мир человека и человек в окружающем его мире» рузоньидеографической валксонть лангсо, кона панжи кельсэ невтезь мирэнь картинанть (2003-це иестэ саезь Шведова — изданиянть, конань теи авторонь коллектив сонзэ концепциянть лангс нежедезь, прявт редакторозо).

Н. Ю. Шведовань ветямонзо ало (Фундаментальной исследованиянь Российской фондонть лезксэнзэ вельде) ушодовсь ламо томонь коллективной тев, конань кондямо арась рузонь лексикографической традициясонть, — «Русский семантический словарь» (тт. I—II, 1998—2000). Те книгасонть васенцеде валонь ламо ступенень класска невтезь неень шкань рузонь общеупотребительной лексикась. Н. Ю. Шведовань концепциянть юронзо сёрмадозть валксонтень «Предисловиясонть» (т. I) ды лия важодевкссэ. Сон истя жо теизе «Русская грамматика смыслов» теоретической программанть, конань концептуальной тезисэнзэ ёвтнезь «Смысловой строй языка как основа его жизнедеятельности» статьясонть (1991), «Система местоимений как исход смыслового строения языка и его смысловых категорий» книгасонть (А. С. Белоусова марто соавторствасо, 1995), «Местоимение и смысл» монографиясонть (1998), истя жо рузонь глаголонть семантиканзо коряс исследованиянь цикласо (2000—2001).

Казнензэ[витнемс | витнемс лисьмапрянть]

  • 1978 — Брно ошсо (ЧССР) Ян Евангелист Пуркине лемсэ Университетэнь сиянь медаль
  • 1982 — СССР-нь Государственной премия, кода академической «Русской грамматикань» авторонтень ды прявт редакторонтень (тт. 1—2, 1980)
  • 1986 — орден Дружбы народов
  • 1990 — СССР-нь АН-нь А. С. Пушкин лемсэ премия «„Словарь русского языка“ роботанть кисэ»
  • 2002 — орден Дружбы
  • 2006 — Российской Федерациянь Президентэнь Благодарность — за большие успехи в научной деятельности и подготовке квалифицированных кадров
  • 2009 — РАН-нь В. И. Даль лемсэ сырнень медаль «за цикл научных трудов по проблемам исследования лексико-грамматической системы русского литературного языка и её смыслового строения»

Сёрмадовксонзо[витнемс | витнемс лисьмапрянть]

  • 1960 — «Очерки по синтаксису русской разговорной речи», в которой вслед за работой Л. П. Якубинского было положено начало изучению русской разговорной речи
  • 1964 — «Изменения в системе простого предложения» в составе исследования «Очерки по исторической грамматике русского литературного языка XIX в.»
  • 1966 — «Активные процессы в современном русском синтаксисе», в которой были вскрыты глубинные закономерности в сфере развития словосочетаний
  • 1970 — раздел «Синтаксис простого предложения» в «Грамматике современного русского литературного языка»
  • В 1952 году была редактором-лексикографом 2-го издания «Словаря русского языка» С. И. Ожегова и после его смерти (1964) постоянно работала над пополнением и редактированием словаря (c 9-го по 23-е издание). С 1991 года однотомный словарь русского языка выходит как произведение двух авторов — С. И. Ожегова и Н. Ю. Шведовой («Толковый словарь русского языка», изд. 1—4, 1991—2004)
  • 1980 — раздел «Синтаксис простого предложения» в двухтомной академической «Русской грамматике»
  • С 1986 года — руководитель и главный редактор «Русского семантического словаря» (т. 1, 1998; т. 2, 2000; т. 3, 2003; т. 4 — в печати; т. 5 — готовится к изданию), построенного на концепции существования лексики как естественной системы
  • 1989 — раздел «Синтаксис простого предложения» в «Краткой русской грамматике»

Примечаният[витнемс | витнемс лисьмапрянть]

Саевксэнь ильведевкс: Тег <ref> с именем «Pushkin after 1969», определённый в <references>, не используется в предшествующем тексте.

Литературась[витнемс | витнемс лисьмапрянть]

Невтевкст[витнемс | витнемс лисьмапрянть]

Лисьмапрят[витнемс лисьмапрянть]