Шарсо

Шарсо (лиякс: жарсо) — эрзянь пакшатнень налксемаст. Эйсензэ налкситьансяк цёрынеть.

Налксемань кедьёнкстнэ

• Чувтонь оска 10-􏰀шка см диаметрасо.
• Чувтонь ласа (клюшка) — мендязь пе марто цётмар.

Налксемань кой􏰀кирдатне

Весе налксицятне явовить кавто ко мандава. Эрьва команданть ули пряв тозо. Налксема паксянть кавто ёнга черькставить буйть. Паксянть куншкава ютавтови кикс, конань лангс тееви кирькс марто тарка. Тезэнь путови чувтонь оскась. Кирьксэнть кавто ёнга арыть командань прявттнэ. Сынсь командатне стякшныть эсь буест кувалт шеренгань шеренга, налксема паксянть куншка курос ванозь.

Вешкстамодо мейле командань прявттнэ, вейкест-􏰀вейкест икельдязь, арсить кучомс осканть эсест командатнень ёнов, буентень. Те шкас кавонест ко􏰀мандатне аштить таркасост, ваныть эсест прявттнэнь налксемаст мельга. Бути оскась сеске а паневи конаяк буенть видьс, сестэ прявттнэнь ютксо ушодови сонзэ кисэ пелькстамо. Зярдо оскась окойники пачкоди командантень, сестэ те командась бойкасто карми панеме шаронть омбоце буенть ёнов. Омбоце командась лиси паксянть лангс ансяк сестэ, зярдо васенцесь пачкоди куншкасо буенть видьс. Сон терявты нельгемс васенцетнень кедьстэ ды панемс сонзэ буенть трокс.

Зярдо командантень те тееви, сестэ виев командась изницянть озавтсы лавтовонзо лангс ды усксесы мекев􏰀васов буйстэ буйс. Мейле командатне полавтсызь эсь таркаст, таго стякшныть буенть кувалт, паксянть куншкас лисить лия прявтт, ды налксемась ушодови одс.

Сёрм.:

Брыжинский Василий Сергеевич 2002: Сиянь рисьминеть. Мордовской книжной издательствась. Лл. 97-98.