Чернова Ольга Александровна

Википедиясто материал - аорев содамкундосто
Перейти к навигации Перейти к поиску
Пол эли гендер аваломань
Чачома чи умарьковонь 1 чи 1946(1946-08-01) (74 иеть)
Чачома тарка Уссурийск[d], Иневедьвакссонь край, РСФСР[d], Советэнь Вейсэндявкс[d]
Род занятий Мордовская государственная филармония, И. М. Яушевень лемсэ Прявт седийень театрась, налксиця, морыця
Учебное заведение Мордовский государственный университет имени Н. П. Огарёва[d]

Чернова Ольга Александровна, морыця (меццо-сопрано), тонавтыця.

Эрямо пингезэ[витнемс-петнемс | витнемс-петнемс лисьмапрянзо]

Чачсь 1946-це иень умарьковонь 1-це чистэ Приморской краень Уссурийск ошсо. Мордовия Республикань заслуженной роботник (2000).

Прядызе Мордовской государственной институтонть (1972), Саранонь музыкальной училищанть (1983, Н. А. Модановонь вокалонь класс). 1972 – 79-це иетнестэ – ВНИИИСэнь (Всесоюзный научно-исследовательский институт источников света им. А. Н. Лодыгина), «Электровыпрямитель» заводонь НИИнь инженер.

1980 – 84-це иетнестэ – Мордовской государственной филармониянь лекторийной группань солистка. 1984-це иестэ саезь – тонавтыця, 1990-це иестэ саезь – воспитательной тевень коряс прявтонь полавтыця Саранонь музыкальной училищасо.

Черновань тонавтницянзо ютксо – Мордовия Республикань заслуженной артисттнэ Е. Ланцева, И. Учватова.

1980-це иетнестэ лиснесь Музыкальной комедиянь мордовской государственной театрань (1992-це иестэ саезь – Мордовия Республикань государственной музыкальной театра) спектаклятнесэ. Пек ёнсто налксизе Литовань Л. П. Кирюковонь «Литова» музыкальной драмасонть, 1990-це иестэ – М. Н. Фоминэнь «Сияжар» операсонть Витовань партиянть, классической западноевропейской ды рузонь оператнесэ омбоце планонь партиятнень. Морыцянть концертэнь репертуарсонзо – арият, романст, вокалонь циклат, ютксост Р. Шуманонь «Любовь и жизнь женщины». Шкинемасонзо пек покш тарка саить Мордовиянь композитортнэнь произведенияст (конатнень-конатнень сон морынзе васенцеде).

Чернова выступась Казань, Йошкар-Ола, Уфа, Чебоксары оштнэсэ Поволжьянь ды Уралонь композитортнэнь музыкань фестивальсэ, истя жо Московсо Россиянь композиторонь союзонь 6-це съездэнь концерттнэсэ, истя жо республикань телевидениясо ды радиосо. Чернова – Р. М. Беспалова-Еремееванень, М. Н. Антонованень, Д. И. Еремеевнень ды лиянь шкинематненень алтазь чокшнень режиссёр ды ветиця. Трудицятнень самодеятельной художественной шкинемань эрьва кодамо фестивалень, «Белый снег на зелёном листе» ош ютконь фестивалень-пелькстамонь лауреат ды дипломант. «Одарённые дети», «Быть настоящим патриотом родины своей» ды лия пелькстамонь ды республиканской фестивалень ветиця, жюринь член. Культурань роботникень профсоюзонь Республиканской комитетэнь президиумонь член.

Казнензэ[витнемс-петнемс | витнемс-петнемс лисьмапрянзо]

Казезь Российской Федерациянь культурань министерствань ды Культурань роботникень Россиянь профсоюзонь Почётной грамотасо. Ули Мордовия Республикань Прявтонть пельде Благодарностезэ.

Литературась[витнемс-петнемс | витнемс-петнемс лисьмапрянзо]

  • История Мордовии в лицах : биогр. сб. Ковылкино, 2001. Кн. 4 ;
  • Ситникова Н. Музыка сцены. Саранск, 2013 ;
  • Мордовия, XX век: культурная элита : энциклопедич. справ.: в 2 ч. Ч. 2.

Лисьмапрят[витнемс-петнемс лисьмапрянзо]