Фынтынеле-Коджалак ВЭС

Википедиясто материал - аорев содамкундосто
Перейти к навигации Перейти к поиску
Фынтынеле-Коджалак ВЭС
Артовкс
Мастор
Административно-территориальная единица Констанца[d]
Владельцем является ČEZ[d]
Официальный сайт cez.cz/en/home.html
Фынтынеле-Коджалак ВЭС (Румыния Мастор)
{{{1}}}
Commons-logo.svg Фынтынеле-Коджалак ВЭС

Фынтынеле-Коджалак ВЭС (рум. Parcul eolian Fântânele-Cogealac) —Констанца жудецсэ Фынтынеле ды Коджалак румынэнь коммунатнесэ вармань электростанция. Малав 2,5 МВт вийсэ 240 ветрогенератор марто , сонзэ вейсэнь номинальной виезэ 600 МВт. Зярдо нолдызь тевс, сон ульнесь Румыниясо сехте покш ды мирсэть-масторсонть сехте покш вармань электростациятнестэ вейке. Электростанциянь операторось — ČEZ чешской энергетической компаниясь.

Кодамо сон[витнемс-петнемс | витнемс-петнемс лисьмапрянзо]

Ветрогенератортнэ саить 12 км × 6 км тарка. Электростанциянь седе покш пельксэсь (139 ветрогенератор) ашти Фынтынеле коммунасо. Кадовозь 101 вармагенератортнэ аштить Коджалак коммунасо[1]. Вармаэлектростанциянть ды инфраструктуранзо теема лангс ютавтозь весемезэ малав 1,1 млрд еврот[2].

Историясь[витнемс-петнемс | витнемс-петнемс лисьмапрянзо]

Варма электростанциянть проектировизе Continental Wind Partners американь компаниясь. 2008-це иестэ сон миинзе проектэнть лангс праватнень ČEZ чешской энергетической компаниянтень. 2007-це иестэ мерезель строямось, тевесь ушодовсь 2008-це иень сундерьковсто. Проектэсь топавтовсь кавто этапка: васня турбинатне строявсть Фынтынелесэ, мейле — Коджалаксо. 2010-це иень аштемковсто васенце турбинась ключазь сетьс, 2012-це иень сундерьковсто электростанциясь целанек нолдазель эксплуатацияс.

Техникась[витнемс-петнемс | витнемс-петнемс лисьмапрянзо]

Электростанциясонть General Electric 2.5 XL типень 250 вармагенераторт, виест малав 2,5 МВт. Эрьванть ступицань сэрезэ 100 м ды роторонь диаметрась 99 м. Истя, установкатнень сэрест малав 150 м. Вармагенераторонь пелькстнэ теезельть эрьва кодамо масторсо: лопасттне Бразилиясо, Испаниясо ды Германиясо; мотогондолатне Германиясо; башнянь сегменттнэ Германиясо ды Китайсэ; потмонь электрической компонентнэстэ седе ламотне теезь США-со.

Теезь электрической энергиясь максови ЛЭП-с ВЭСэнть туртов специальна строязь вете подстанциянь пачк.

Невтевкст[витнемс-петнемс | витнемс-петнемс лисьмапрянзо]

Лисьмапрят[витнемс-петнемс лисьмапрянзо]