Ушовал

Ушовал, саезь вал (англ. loanword, суом. lainasana) — ютавтомавтомо лия кельстэ саезь вал. Кельсодамосо явить тонавтозь ды пеле-тонавтозь, чарькодевксэнь, манчиця ды одов ушовалт.

Ушовалт Эрзянь кельсэ

Эрзянь келензэ ламо ушовалт. Явовсынек зярыя кирдав:

• Индей-Иранонь кельстэ

Кезэрень пингень валт, сех ташто ушовалонь кирда: азор, уре, кардаз, сырне, кандо, уро, мирде, сюро, узере, одар, мекш, медь, сядо, тейтерь.

• Балтань кельстэ

Саезь Равонь вакссо эрязь чилисемань балтань сыместэ: шенже, суро, кшна, сазор, пемень.

• Тюрконь кельстэ

Тей совить: атя, пакся, эмеж, сакал(о), сокор, парсей, орослань, ярмак, пыль.

• Рузонь кельстэ

Улить кезэрень (сех сеедьстэ лемсэ-таркалемсэ) : пондо, пул, руз, оля, Роштува, Блаушка; Москов; Кведор, Миколь, Оло. Од ушовалт ламост, сынь уш истя вайгельга а лиякстомыть.