Ульпиана

Википедиясто материал - аорев содамкундосто
Перейти к навигации Перейти к поиску
Мезе кадовсь Ульпианадо

Ульпиана — Мёзиясо кезэрень римень ош (ней сон пельс ловозь (частична признанной) Косово Республикань государствань территориясо).

Ошось ледстневи эштё Страбон географонть сёрмадовкссонзо кода «ташто ош» («старый город»). Ульпианась лемдязель Марк Ульпий Траян императоронть лемга. Те ошось ульнесь пек эрявикс перевалочной таркакс се кинть лангсо, кона сюлмасьЭгейской иневеденть ды Дунаенть ды кинть, кона ветясь Адриатикасто алов Дунаень чудеманзо коряс Ратиарияв. Ульпианадо аволь васоло сравтовкшность сиянь ламодояк ламо рудникть.

Notitia Dignitatum пачти: ошсонть аштесь римень гарнизон. Диоклетианонь пингстэ областной администрациянь реформась теизе Ульпианань Дардания од провинциянь прявтошокс ды епископонь эрямо таркакс. 479-це иестэ ошось ульнесь грабазь ды яжазь 3 тёжат готтнэсэ, конатнень прявтсоль Теодорих Великой. Марцеллин Комит византиянь историкесь пачти: дарданонь кодамо-бути ош пек калавтозель модасорномасо 518-це иестэ. Паряк, те ульнесь Ульпиана. Юстиниан I-нь пингстэ, Прокопий Кесарийскоень пачтямонзо коряс:

«В области дарданов был древний город, по имени Ульпиана. Стены этого города разваливались и были вообще непригодны. Большую часть их император разрушил [и выстроил новые], придал этому городу много других украшений и, доведя его до того прекрасного вида, в каком он является теперь, назвал его Юстинианой Секундой; последним словом римляне обозначают „Второй“.»

VI-це пингестэ ошонть, арсеви, янгизь славянтнэ. Ульпианань таркасо неень археологтнэ мусть ламо монетат, барельефт, кудонь фундаментт.

Лисьмапрят[витнемс-петнемс | витнемс-петнемс лисьмапрянзо]


Литературась[витнемс-петнемс | витнемс-петнемс лисьмапрянзо]

  • B. Bavant. «La ville dans le Nord de l’Illyricum» dans Villes et peuplement dans l’Illyricum protobyzantin. Rome. 1984. p. 247.
  • Прокопий Кесарийский. О постройках.